|
|
 |
| (GMT+08:00)
2005-04-11 16:38:17
|
 |
|
ວຽກງານຊົນເຜົ່າຂອງຈີນໃນສະໄຫມໃຫມ່ມີຫນ້າທີ່ຕົ້ນຕໍຫຍັງແດ່?
cri
Author: sayvanny
ຫນຶ່ງ:ເລັ່ງລັດພັດທະນາເສດຖະກິດຢູ່ເຂດຊົນເຜົ່າສ່ວນຫນ້ອຍ,ເພື່ອໃຫ້ການພັດທະນາຂອງເຂດຊົນເຜົ່າສ່ວນຫນ້ອຍສອດຄ່ອງກັບການພັດທະ ນາຂອງທົ່ວປະເທດເປັນກ້າວໆ.ໃນໄລຍະສະເພາະຫນ້າ, ບັນຫາຊົນເຜົ່າຂອງປະເທດພວກເຮົາຕົ້ນຕໍໂຮມສູນຢູ່ນຳບັນຫາບັນດາຊົນເຜົ່າສ່ວນຫນ້ອຍແລະເຂດຊົນເຜົ່າຫວັງຢ່າງແຮງກ້າຢາກເລັ່ງລັດພັດທະນາເສດຖະກິດແລະວັດທະນະທຳຢ່າງວ່ອງໄວ.ໃນໄລຍະໃຫມ່,ເຮັດວຽກງານຊົນເຜົ່າໃດ້ດີ, ເພີ່ມທະວີບັນຫາແກນກາງທີ່ໃຫ້ບັນດາຊົນເຜົ່າສາມັກຄີກັນ,ກໍ່ແມ່ນຕ້ອງຕັ້ງຫນ້າສ້າງເງື່ອນໄຂ,ເລັ່ງລັດ ພັດທະນາພາລະກິດທຸກລາຍຂອງເຂດຊົນເຜົ່າສ່ວນຫນ້ອຍຄື ເສດຖະກິດແລະວັດທະນະທຳເປັນຕົ້ນ, ຊຸກຍູ້ໃຫ້ບັນດາຊົນເຜົ່າຈະເລີນຮຸ່ງເຮືອງຂຶ້ນນຳກັນ.
ສອງ:ອອກແຮງພັດທະນາພາລະກິດສັງຄົມຂອງຊົນເຜົ່າສ່ວນຫນ້ອຍແລະເຂດຊົນເຜົ່າ, ຊຸກຍູ້ບັນດາຊົນເຜົ່າກ້າວໄປຫນ້າຢ່າງຮອບດ້ານ.ຕ້ອງ ຕັ້ງຫນ້າພັດທະນາພາລະກິດສັງຄົມທຸກລາຍຄື ການສຶກສາ ວິທະຍາສາດເຕັກນິກ ວັດທະນະທຳ ສາທາລະນະສຸກແລະການກິລາເປັນຕົ້ນ,ພະຍາຍາມຍົກລະດັບທາງວິທະຍາສາດວັດທະນະທຳ ແນວຄິດຄຸນສົມບັດແລະຄຸນ ທາດທາງຮ່າງກາຍຂອງຊົນເຜົ່າສ່ວນຫນ້ອຍໃຫ້ສູງຂຶ້ນ, ສ້າງສາອາລິຍະທຳດ້ານຈິດໃຈໃຫ້ດີ,ນີ້ແມ່ນຄວາມຕ້ອງການຂອງການພັດທະນາກຳລັງການຜະລິດທາງສັງຄົມ,ແມ່ນຄວາມຕ້ອງການພາຍໃນທີ່ເຮັດໃຫ້ບັນດາຊົນເຜົ່າ ຈະເລີນຮຸ່ງເຮືອງຂຶ້ນນຳກັນ.
ສາມ:ຍຶດຫມັ້ນການປະຕິຮູບແລະໄຂປະຕູສູ່ພາຍນອກ, ເພີ່ມທະວີພະ ລັງຊີວິດໃນການພັດທະນາໂດຍຕົນເອງຂອງຊົນເຜົ່າສ່ວນຫນ້ອຍແລະເຂດຊົນເຜົ່າ. ການປະຕິຮູບແລະໄຂປະຕູສູ່ພາຍນອກແມ່ນເສັ້ນທາງທີ່ຕ້ອງເປັນໄປທີ່ເຮັດໃຫ້ບັນດາຊົນເຜົ່າບັນລຸຄວາມຈະເລີນຮຸ່ງເຮືອງພ້ອມກັນ. ການປະ ຕິຮູບຂອງເຂດຊົນເຜົ່າຄວນຍຶດຫມັ້ນເລີ່ມຈາກພາກຕົວຈິງ, ດຶງດູດເອົາບົດ ຮຽນດີຂອງຕ່າງຖິ່ນ,ແຕ່ບໍ່ຄວນເຮັດຕາມຢ່າງງ່າຍດາຍ.ຕ້ອງຈຳແນກສະ ພາບການຕ່າງໆ, ໃຫ້ການຊີ້ນຳຕາມສະພາບຕົວຈິງ, ພັດທະນາຢ່າງເຫມາະສົມ,ກ້າວໄປຫນ້າຢ່າງຫນັກແຫນ້ນ.ແຜນການປະຕິຮູບສຳຄັນທີ່ມີສ່ວນກ່ຽວ ຂ້ອງກັບຊົນເຜົ່າສ່ວນຫນ້ອຍແລະເຂດຊົນເຜົ່າຢ່າງແຫນ້ນແຟ້ນ, ຕ້ອງເອົາໃຈໃສ່ນຳຈຸດພິເສດຂອງແຕ່ລະທ້ອງຖິ່ນແລະແຕ່ລະຊົນເຜົ່າ, ຮັບຟັງຄວາມເຫັນຂອງທ້ອງຖິ່ນ, ດຳເນີນການທົດລອງກ່ອນແລ້ວຈິ່ງເຜີຍແຜ່ອອກໄປ.
ສີ່:ຍຶດຫມັ້ນແລະບູລະນະລະບອບຊົນເຜົ່າສ່ວນຫນ້ອຍປົກຄອງຕົນເອງ, ຈັດຕັ້ງປະຕິບັດກົດຫມາຍວ່າດ້ວຍເຂດຊົນເຜົ່າປົກຄອງຕົນເອງຢ່າງຮອບ ດ້ານ, ອອກແຮງອົບຮົມບົ່ມສ້າງພະນັກງານຊົນເຜົ່າສ່ວນຫນ້ອຍ, ຕ້ອງສ້າງແລະບູລະນະລະບົບກົດບັນຍັດແລະກົນໄກຕິດຕາມກວດກາທີ່ສົມຄູ່ກັບການປະຕິບັດກົດຫມາຍວ່າດ້ວຍເຂດຊົນເຜົ່າປົກຄອງຕົນເອງ,ເຮັດໃຫ້ກົດຫມາຍດັ່ງກ່າວເສີມຂະຫຍາຍບົດບາດດີກວ່າເກົ່າ.
ຫ້າ:ເພີ່ມທະວີມະຫາສາມັກຄີລະຫວ່າງບັນດາຊົນເຜົ່າ,ເດັດດ່ຽວປົກປັກຮັກສາຄວາມເປັນເອກະພາບຂອງປະເທດຊາດ, ປັບປຸງແລະຂະຫຍາຍການພົວພັນຊົນເຜົ່າສັງຄົມນິຍົມທີ່ສະເຫມີພາບ ສາມັກຄີກັນແລະຕ່າງຊ່ອຍເຫລືອເຊິ່ງກັນແລະກັນ.ຕ້ອງເພີ່ມທະວີການສຶກສາຄວາມສາມັກຄີລະຫວ່າງຊົນເຜົ່າແລະນະໂຍບາຍຊົນເຜົ່າຂອງພັກ.ຕ້ອງຄັດຄ້ານລັດທິເຜົ່າຮ້ານໃຫຍ່, ທັງຕ້ອງຄັດຄ້ານລັດທິຊົນເຜົ່າທ້ອງຖິ່ນ.ຈຳແນກແລະຊຳລະຄວາມຂັດແຍ່ງສອງປະເພດທີ່ມີລັກສະນະຕ່າງກັນຢ່າງຖືກຕ້ອງ.ຕ້ອງຍົກສະຕິລະວັງຕົວໃຫ້ສູງແລະເດັດດ່ຽວສະກັດກັ້ນການເຄື່ອນໄຫວແຊກຊຶມທຳລາຍຂອງອິດທິກຳລັງເປັນປໍລະປັກຢູ່ນອກແດນ,ຄັດຄ້ານລັດທິແບ່ງແຍກຊາດແລະການເຄື່ອນໄຫວຕ້ອງໂທດລະເມີດກົດຫມາຍຢ່າງແຈ່ມແຈ້ງ.
|
|
|
