|
ວັນທີ 7 ເມສາ ຢູ່ເຊີແນວ ອົງການອະນາໄມໂລກໄດ້ປະກາດບົດລາຍງານອະນາໄມໂລກປະຈຳປີທີ່ພາດຫົວເລື່ອງວ່າ:ຖະນຸຖະຫນອມແມ່ແລະເດັກແຕ່ລະຄົນ,ໄດ້ວິໄຈສະພາບສຸຂະພາບຂອງແມ່ມານ ແມ່ລູກອ່ອນເດັກເກີດໃຫ່ແລະເດັກນ້ອຍໃນທົ່ວໂລກ, ແລະອະທິບາຍໃຫມ່ກ່ຽວກັບບັນຫາຮັກສາສຸຂະພາບຂອງແມ່ມານ ແມ່ນລູກອ່ອນ ເດັກເກີດໃຫມ່ແລະເດັກນ້ອຍ, ຊຸກຍູ້ໃຫ້ລັດຖະບານບັນດາປະເທດ ປະຊາຄົມໂລກ ນັກວິຊາສະເພາະແລະຄອບຄົວທຳມະດາສາມັນເອົາໃຈໃສ່ນຳບັນຫານີ້ຫລາຍກວ່າເກົ່າ.ບົດລາຍງານຍັງຮຽກຮ້ອງຝ່າຍທີ່ກ່ຽວຂ້ອງທັງຫມົດເຄື່ອນໄຫວຢ່າງຕັ້ງຫນ້າອອກແຮງພັດທະນາການບໍລິການຮັກສາສຸຂະພາບຂອງແມ່ແລະເດັກຢ່າງຕັ້ງຫນ້າ.
ວັນທີ 7 ເມສາແມ່ນວັນອະນາໄມໂລກ,ຫົວຂໍ້ຂອງວັນອະນາໄມໂລກປີນີ້ຍັງແມ່ນ: ຖະຫນອມແມ່ແລະເດັກແຕ່ລະຄົນ,ໃຫ້ຄວາມເອົາໃຈໃສ່ແມ່ຍິງແລະເດັກນ້ອຍ.ບົດລາຍງານອະນາໄມໂລກປີນີ້ຊີ້ອອກວ່າ, ແມ່ແລະເດັກແມ່ນພື້ນຖານຂອງຄອບຄົວແລະສັງຄົມ,ຖ້າຢາກຮັບປະກັນສຸຂະພາບຂອງເສັ່ນລູກຫລານມວນມະນຸດ, ກໍ່ຕ້ອງເລີ່ມຈາກການເອົາໃຈໃສ່ນຳສຸຂະພາບຂອງແມ່ແລະເດັກໃນຊູ່ມື້ນີ້.
ຕົວເລກໃນບົດລາຍງານສະແດງໃຫ້ເຫັນວ່າ, ແຕ່ລະປີ ໃນທົ່ວໂລກມີແມ່ຍິງ 5 ແສນ 3 ຫມື່ນຄົນຕາຍໃນໄລຍະຖືພາ ເກີດລູກຫລືຫລັງຈາກເກີດລູກແລ້ວບໍ່ດົນ,ແມ່ຍິງ 300 ລ້ານຄົນເຈັບເປັນໃນໄລຍະຖືພາຫລືເກີດລູກ, ເຂົາເຈົ້າສ່ວນຫລາຍທີ່ສຸດດຳລົງຊີວິດຢູ່ປະເທດພວມພັດທະນາ.ຢູ່ໃນໂລກແຕ່ລະປີມີເດັກເກີດໃຫມ່ 136 ລ້ານຄົນ,ໃນນັ້ນມີ 3 ລ້ານ 3 ແສນຄົນຕາຍພາຍຫລັງເກີດອອກມາບໍ່ດົນ.ນອກນີ້, ແຕ່ລະປີ ຍັງມີເດັກນ້ອຍອາຍຸແຕ່ 5 ຂວບລົງລຸ່ມ 11 ລ້ານຄົນຕາຍຍ້ອນເປັນພະຍາດຕ່າງໆ ເກີດອຸປັດຕິເຫດ ຂາດທາດບຳລຸງແລະທຸກຍາກ, ກວມ 1/12 ຂອງຍອດຈຳນວນເດັກນ້ອຍໃນທົ່ວໂລກ,ເຊິ່ງສ່ວນຫລາຍທີ່ສຸດ,ມູນເຫດເຫລົ່ານີ້ແມ່ນຫລີກເວັ້ນໄດ້.
ບົດລາຍງານຮຽກຮ້ອງລັດຖະບານບັນດາປະເທດແລະປະຊາຄົມໂລກ, ເພີ່ມການຮັກສາສຸຂະພາບແລະຄວາມປອດໄພຂອງແມ່ແລະເດັກ, ຊຸກຍູ້ວຽກງານຮັກສາສຸຂະພາບຂອງແມ່ແລະເດັກທຸກລາຍ;ນຳໃຊ້ມາດຕະການທີ່ໄດ້ ໂຄສະນາແລະໃຫ້ຄຳປຶກສາດ້ານຄວາມຮູ້ແພດສາດກ່ຽວກັບສຸຂະພາບຈະເລີນພັນ ແລະຮັກສາສຸຂະພາບແມ່ແລະເດັກ,ຍົກສະຕິຮັກສາສຸຂະພາບຂອງແມ່ແລະຜູ່ຈະເປັນແມ່ໃນອະນາຄົດ; ພະຍາຍາມໃຫ້ການບໍລິການທາງດ້ານຮັກສາສຸຂະພາບແລະປິ່ນປົວພະຍາດໃຫ້ແມ່ແລະເດັກ; ຈັດເອົາສາທາລະ ນະສຸກແລະການຄ້ຳປະກັນສັງຄົມເຂົ້າໃນລະບົບກວມລວມປ້ອງກັນພະຍາດແລະຮັກສາສຸຂະພາບຂອງທົ່ວປະເທດ,ສ່ວນສຸຂະພາບແມ່ແລະເດັກກໍ່ແມ່ນສິ່ງສຳຄັນກວ່າຫມູ່ຢູ່ໃນລະບົບນີ້;ແລະເພີ່ມທຶນຮັກສາສຸຂະພາບຂອງແມ່ແລະເດັກໃຫ້ຫລາຍຂຶ້ນ.ພ້ອມກັນນັ້ນ, ບົດລາຍງານຍັງກ່າວເນັ້ນວ່າ, ປະເທດພັດທະນາມີພັນທະໃຫ້ການຊ່ອຍເຫລືອແລະສະຫນັບສະຫນູນປະເທດພວມພັດທະນາໃນຂົງເຂດການເງິນ ເຕັກນິກແລະການອົບຮົມພື້ນຖານດ້ານ ສາທາລະນະສຸກເປັນຕົ້ນ.
|
