|
|
 |
| (GMT+08:00)
2005-04-12 10:21:33
|
 |
|
ປາເລັສຕີນຕິຕຽນອິສຣາແອນທຳລາຍສະຖານະການສະຫງົບປາເລັສຕີນອິສຣາແອນ
cri
Author: li
ຕາມຂ່າວ CRI: ວັນທີ 11 ເມສາ ຫ້ອງການຂອງທ່ານອັບບາສ ປະທານອົງການອຳນາດແຫ່ງຊາດປາເລັສຕີນໄດ້ອອກຖະແຫຼງການ,ຕິຕຽນນະໂຍບາຍຂອງອິສຣາແອນໃນປັດຈຸບັນເຊິ່ງເປັນການຂົ່ມຂູ່ສະຖານະການປາເລັສຕີນອິສຣາແອນສືບຕໍ່ຮັກສາຄວາມສະຫງົບ.
ຖະແຫຼງການຂຽນວ່າ,ປັດຈຸບັນ,ລັດຖະບານອິສຣາແອນບໍ່ມີຄວາມຈິງໃຈປະສານງານກັບຝ່າຍປາເລັສຕີນ,ແລະເຈຕະນາໜ່ວງໜ່ຽວການຮ່ວມມືດ້ານຄວາມປອດໄພກັບຝ່າຍປາເລັສຕີນ.
ນອກນີ້ ຂ່າວແຈ້ງວ່າ,ວັນທີ 11 ເມສາ ຢູ່ທີ່ວໍຊິງຕັນ,ໃນເວລາທ່ານບຸສ ປະທານາທິບໍດີອາເມລິກາເຈລະຈາກັບທ່ານຊາລອນ ນາຍົກລັດຖະມົນຕີອິສຣາແອນທີ່ໄປຢາມນັ້ນ ທ່ານບຸສກ່າວເນັ້ນວ່າ,ອິສຣາແອນຄວນໂຄລົບແຜນການ"ແຜນທີ່ເສັ້ນທາງ"ສັນຕິພາບຕາເວັນອອກກາງ,ຢ່າຂະຫຍາຍສ້າງຈຸດຕັ້ງຖິ່ນຖານຂອງຊາວຢິວຢູ່ຝັ່ງຕາເວັນຕົກແມ່ນ້ຳຈໍແດນ. ທ່ານຊາລອນພັດກ່າວວ່າ,ປະຖົມປັດໄຈທີ່ຝ່າຍອິສຣາແອນປະຕິບັດແຜນການດັ່ງກ່າວແມ່ນຝ່າຍປາເລັສຕີນໃຊ້ມາດຕະການສະກັດກັ້ນບໍ່ໃຫ້ຜູ້ປະກອບອາວຸດປາເລັສຕີນຫຼອນໂຈມຕີເປົ້າໝາຍອິສຣາແອນ. ພ້ອມກັນນັ້ນ ທ່ານຊາລອນກ່າວເນັ້ນວ່າ,ຈຸດຕັ້ງຖິ່ນຖານຈຳນວນໜຶ່ງຢູ່ຝັ່ງຕາເວັນຕົກແມ່ນ້ຳຈໍແດນແມ່ນພາກສ່ວນໜຶ່ງຂອງອິສຣາແອນ.
ວັນທີ 11 ເມສາ ທ່ານເອເລຄັດ ຫົວໜ້າຜູ້ແທນເຈລະຈາຂອງປາເລັສຕີນໄດ້ອອກຖະແຫຼງການ,ເຕືອນໃຫ້ອິສຣາແອນຕອບສະໜອງທ່າທີຂອງທ່ານບຸສ,ເຊົາຂະຫຍາຍສ້າງຈຸດຕັ້ງຖິ່ນຖານ.
|
|
|
