|
ວັນທີ 4 ເມສາທີ່ຫາກໍຜ່ານໄປແມ່ນມື້ບຸນຊິນມິງ ວັນປັດກວາດສຸສານບູຊາຜູ່ທີ່ລ່ວງລັບໄປແລ້ວ ເປັນປະເພນີຢ່າງຫນຶ່ງຂອງຈີນ
ບຸນຊິງມິງແມ່ນມື້ບູຊາແລະປັດກວາດສຸສານຂອງບັນພະບູລຸດ,ເຜົ່າຮ້ານແລະຊົນເຜົ່າສ່ວນຫນ້ອຍຈຳນວນຫນຶ່ງສ່ວນຫຼາຍແມ່ນປັດກວາດສຸສານໃນບຸນຊິງມິງ
ຊິງມິງແມ່ນຫນຶ່ງໃນ 24 ເທດສະການຂອງຈີນ ຍ້ອນວ່າ 24 ເທດສະການຂອງຈີນໄດ້ສ່ອງແສງການປ່ຽນແປງໃນດ້ານປ່ຽນແປງຂອງດິນຟ້າອາກາດເຊັ່ນ ອຸນຫະພູມແລະຝົນຕົກໃນ 4 ລະດູແຕ່ລະປີຢ່າງພາວະວິໃສ,ສະນັ້ນ ປະຊາຊົນແຮງງານສະໄຫມບູຮານຂອງຈີນຈຶ່ງອີງຕາມ 24ເທດສະການຈັດວາງການປູກຝັງກະສິກຳ ແຕ່ວ່າ ບຸນຊິງນມິງກໍມີບ່ອນຕ່າງກັບເທດສະການດິນຟ້າອາກາດລ້ວນໆ,ບຸນຊິງມິງມີການເຄື່ອນໄຫວທີ່ເປັນຮີດຄອງປະເພນີແລະມີຄວາມຫມາຍລະລຶກບາງຢ່າງ
ຕາມຮີດຄອງເກົ່າ ໃນເວລາໄປປັດກວາດສຸສານນັ້ນ ຄົນທັງຫຼາຍຈະຕ້ອງເອົາເຫຼົ້າ ອາຫານ ຫມາກໄມ້ແລະເງິນເຈ້ຍສຳລັບຈູດໃຫ້ຄົນຕາຍໄປວາງໄວ້ຕໍ່ຢູ່ຫນ້າຂຸມສົບຂອງພີ່ນ້ອງ,ແລ້ວໄຕ້ທຽນຈຸດທູບເຜົາເງິນເຈ້ຍ ຂຸດດິນໃຫມ່ມາຄູນໃສ່ຂຸມສົບ ຫັກເອົາງ່າໄມ້ອ່ອນໆມາສຽບໃສ່ເຖິງຂຸມສົບ, ຂາບໄຫວ້ບູຊາ,ແລ້ວໆກໍພາກັນກິນເຫຼົ້າແລະອາຫານທີ່ເອົາໄປໄຫວ້ແລ້ວ ຈຶ່ງເມືອບ້ານ. ບຸນຊິງມິງ ກໍເອີ້ນວ່າມື້ບູນໄປທ່ຽວໃນລະດູບານໃຫມ່,ຕາມປະຕິທິນສຸລິລະຍະຄະຕິ,ມື້ບຸນນີ້ແມ່ນຢູ່ລະຫວ່າງວັນທີ 4 ຮອດວັນທີ 6 ເມສາທຸກປີ,ຍາມນີ້ພໍດີແມ່ນລະດູການບານໃຫມ່ທີ່ອາກາດອົບອຸ່ນແລະຕົ້ນໄມ້ຕົ້ນຫຍ້າອອກຫນໍ່ຈໍໃບຂຽວອຸ່ນທຸ່ມ,ພໍດີແມ່ນຍາມໄປທ່ຽວ ,ສະນັ້ນ ຄົນບູຮານມີຮີດຄອງໄປທ່ຽວນອກເມືອງໃນລະດູບານໃຫມ່ແລະຫຼິ້ນກິລາຕ່າງໆ,ຈົນຮອດປັດຈຸບັນ ຮີດຄອງບູຊາບັນພະບູລຸດ ໄວ້ອາໄລຍາດຕິພີ່ນ້ອງທີ່ເຖິງແກ່ກຳໄປແລ້ວ ໃນບຸນຊິງມິງກໍຍັງເປັນທີ່ນິຍົມກັນຢູ່
ຮີດຄອງປະເພນີໃນມື້ບຸນຊິງມິງມີເນື້ອໃນອຸດົມສົມບຸນ,ນອກຈາກບໍ່ດັງໄຟຄົວກິນ ໄປປັດກວາດສຸສານ ປະເພນີໄປທ່ຽວໃນລະດູບານໃຫມ່ ຫຼິ້ນໂອນຊາ ຫຼິ້ນບານແລະປູກຕົ້ນໄຄ້ສ້ອຍ,ຕາມເວົ້າກັນວ່າ ນີ້ແມ່ນຍ້ອນວ່າໃນມື້ບຸນຊິງມິງຕ້ອງກິນອາຫານເຢັນ ຫ້າມດັງໄຟຄົວກິນ ຢ້ານກິນອາຫານເຢັນຈະເຮັດໃຫ້ບໍ່ສະບາຍ ສະນັ້ນ ຄົນທັງຫຼາຍຈຶ່ງພາກັນຫັດກາຍຫຼິ້ນກິລາ ສະນັ້ນ ບຸນຊິງມິງຈຶ່ງເປັນມື້ບຸນທີ່ມີຈຸດພິເສດ ຄືມີທັງຄວາມໂສກເສົ້າສະຫຼົດໃຈໃນເວລາປັດກວາດສຸສານ ທັງມີການໄປທ່ຽວຢ່າງມ່ວນຊື່ນ
ການໄປທ່ຽວໃນລະດູບານໃຫມ່: ໃນສະໄຫມບູຮານຂອງຈີນເອີ້ນວ່າໄປຊອກຫາລະດູບານໃຫມ່, ເດືອນມີນາ ລະດູບານໃຫມ່ກັບຕ່າວປັດຕະພີ ທຳມະຊາດແຫ່ງຕ່າງໆເຕັມໄປດ້ວຍຄວາມຊີວິດຊີວາຟົດຟຟຶ້ນ,ຕາມພື້ນເມືອງຈີນໄດ້ຮັກສາຮີດຄອງພາກັນໄປທ່ຽວໃນຍາມບຸນຊິງມິງຕະຫຼອດມາ
ກ່ອນແລະຫຼັງບຸນຊິງມິງ, ລະດູບານໃຫມ່ວຽນມາເຖິງ ແສງຕາເວັນອົບອູ່ນ ສາຍຝົນປິວເປື້ອງ ປູກຕົ້ນໄມ້ໃນຍາມນີ້ສ່ວນຫຼາຍບໍ່ຕາຍ ສະນັ້ນ ຕັ້ງແຕ່ບູຮານນະການມານີ້ ຈີນຈຶ່ງມັກປູກຕົ້ນໄມ້ໃນຍາມນີ້,ບາງຄົນເອີ້ນມື້ບຸນຊິງມິງເປັນວ່າ ບຸນປູກຕົ້ນໄມ້.ຮີດຄອງນີ້ສືບທອດກັນຈົນຮອດປັດຈຸບັນຕະຫຼອດມາ,ເມື່ອປີ 1979 ຄະນະປະຈຳສະພາປະຊາຊົນແຫ່ງຊາດຈີນໄດ້ກຳນົດເອົາ ວັນທີ 12 ມີນາແຕ່ລະປີເປັນມື້ບຸນປູກຕົ້ນໄມ້ຂອງຈີນ,ທັງນີ້ມີຄວາມຫມາຍສຳຄັນທີ່ສຸດຕໍ່ການປຸກລະດົມໃຫ້ປະຊາຊົນບັນດາເຜົ່ໃນທົ່ວປະເທດປູກຕົ້ນໄມ້າສ້າງປ່າໃຫ້ຂຽວງາມປະດັບປະເທດຊາດບ້ານເມືອງໃຫ້ຂຽວງາມ.
ປ່ອຍວ່າວກໍແມ່ນການເຄື່ອນໄຫວຫນຶ່ງທີ່ຄົນທັງຫຼາຍນິຍົມທີ່ສຸດໃນຍາມບຸນຊິງມິງ,ເມື່ອຮອດບຸນຊິງມິງ,ຄົນທັງຫຼາຍບໍ່ພຽງແຕ່ປ່ອຍວ່າວໃນຍາມກາງເວັນກາງຄືນກໍປ່ອຍວ່າວທີ່ປ່ອຍໃນຍາມກາງຄືນຈະເຮັດໂຄມນ້ອຍສີຕ່າງໆເປັນພວງເມື່ອປ່ອຍຂຶ້ນເທິງທ້ອງຟ້າແລ້ວ ເບິ່ງໄກໆເຫມືອນດັ່ງດວງດາວທີ່ທີ່ເຫຼື້ອມມາບໆ ເອິ້ນກັນວ່າໂຄມທິບ,ແຕ່ກ່ອນ ມີບາງຄົນເມື່ອປ່ອຍວ່າວຂຶ້ນສູ່ທ້ອງສີຟ້າແລ້ວ ກໍຕັດເຊືອກໃຫ້ມັນລອຍໄປຕາມສາຍລົມ ລອຍໄປສຸດຂອບຟ້າ, ຕາມເວົ້າກັນວ່າ ເຮັດແບບນີ້ຈະໄດ້ຫາຍເຄາະຫາຍເຂັນ ຫາຍພະຍາດບາດເຍົາແລະນຳເອົາໂຊກມາ
|
