|
ເພື່ອເຮັດໃຫ້ປະຊາຄົມໂລກເພີ່ມຄວາມເຂົ້າໃຈຕໍ່ສະພາບສິດທິມະນຸດຈີນ, ວັນທີ 13 ເມສາ ຫ້ອງການຖະແຫລງຂ່າວຂອງຄະນະລັດຖະບານຈີນໄດ້ປະກາດຫນັງສືປົກຂາວທີ່ພາດຫົວເລື່ອງວ່າ: ການຄືບຫນ້າຂອງພາລະ ກິດສິດທິມະນຸດຈີນປີ 2004, ເພື່ອສ່ອງແສງໃຫ້ເຫັນຄວາມພະຍາຍາມແລະການຄືບຫນ້າຂອງລັດຖະບານຈີນທີ່ຊຸກຍູ້ແລະປົກປ້ອງສິດທິມະນຸດໃນຫນຶ່ງປີທີ່ຜ່ານມາ.
ນີ້ແມ່ນລັດຖະບານຈີນໄດ້ປະກາດຫນັງສືປົກຂາວກ່ຽວກັບສະພາບການສິດທິມະນຸດຂອງຈີນຄັ້ງທີ 8 ແຕ່ປີ 1991 ເປັນຕົ້ນມາ. ຫນັງສືປົກຂາວທີ່ປະກາດເທື່ອນີ້ມີປະມານ 17000 ກວ່າໂຕຫນັງສືຈີນ,ເຊິ່ງກ່ຽວພັນເຖິງ 7 ດ້ານຄື ສິດຢູ່ລອດ ສິດພັດທະນາ ສິດພົນລະເມືອງແລະສິດການເມືອງເປັນຕົ້ນ.
ສິດຢູ່ລອດແລະສິດພັດທະນາແມ່ນສິດທິມະນຸດພື້ນຖານທີ່ສຸດ, ໃນພາກທີຫນຶ່ງຂອງຫນັງສືປົກຂາວໄດ້ແນະນຳຄວາມພະຍາມຂອງຈີນໃນດ້ານນີ້ແລະການຄືບຫນ້າທີ່ຈີນໄດ້ຮັບ.ໃນຫນຶ່ງປີທີ່ຜ່ານມາ,ລະດັບແລະຄຸນນະພາບຊີວິດການເປັນຢູ່ຂອງມວນຊົນຈີນໄດ້ຮັບການຍົກສູງຂຶ້ນຢ່າງຫລວງຫລາຍ, ປີ 2004 ແມ່ນປີຫນຶ່ງທີ່ລາຍໄດ້ສຸດທິຂອງໄທບ້ານຢູ່ຊົນນະບົດເພີ່ມຂຶ້ນໄວກວ່າທຸກປີທີ່ຜ່ານມາແຕ່ປີ 1997 ມານີ້, ປະຊາກອນຜູ່ທຸກຍາກໃນຊົນນະບົດກໍ່ຫລຸດຫນ້ອຍກວ່າປີ 2003 2 ລ້ານ 9 ແສນຄົນ.
ຫນັງສືປົກຂາວຊີ້ອອກວ່າ, ໃນຫນຶ່ງປີທີ່ຜ່ານມາ, ລັດຖະບານຈີນໄດ້ເຮັດວຽກຢ່າງຫລວງຫລາຍໃນດ້ານການຜະລິດຢ່າງປອດໄພ ຕ້ານໄພ ກູ້ໄພ ຮັບປະກັນສຸຂະພາບຂອງປະຊາຊົນ.ປະຈຸບັນ, ລະດັບສັງລວມດ້ານສຸຂະ ພາບຂອງປະຊາຊົນຈີນໄດ້ລື່ນກາຍລະດັບສະເລ່ຍຂອງປະເທດທີ່ມີລາຍໄດ້ຜ້ານກາງແລ້ວ, ຢູ່ແຖວຫນ້າຂອງບັນດາປະເທດພວມພັດທະນາ.
ຫນັງສືປົກຂາວແນະນຳວ່າ, ປີ 2004, ໃນລັດຖະທຳມະນູນ ຈີນໄດ້ປະກາດຢ່າງແຈ່ມແຈ້ງວ່າລັດເຄົາລົບແລະຄ້ຳປະກັນສິດທິມະນຸດ. ກົດ ຫມາຍແລະເອກະສານດ້ານກົດຫມາຍ 25 ສະບັບທີ່ອົງການນິຕິບັນຍັດຈີນ ຜ່ານຮັບຮອງນັ້ນ,ໄດ້ເປີດກວ້າງແລະຄ້ຳປະກັນສິດເລືອກຕັ້ງຂອງພົນລະເມືອງ,ໄດ້ເພີ່ມຄວາມໃສສ່ອງຂອງການເຄື່ອນໄຫວຕຸລາການ;ໄດ້ເຈາະຈົງແກ້ໄຂບັນຫາພົ້ນເດັ່ນທີ່ມີສ່ວນກ່ຽວຂ້ອງຢ່າງແຫນ້ນແຟ້ນກັບຜົນປະໂຫຍດຂອງປະຊາ ຊົນຄື ການມ້າງແລະຍ້າຍເຮືອນຢູ່ໃນຕົວເມືອງແລະການເກນໃຊ້ທີ່ດິນໃນຊົນນະບົດເປັນຕົ້ນ.
ປີ 2004, ລັດຖະບານຈີນໄດ້ປະກາດໃຊ້ກົດຂໍ້ກຳນົດກ່ຽວກັບວຽກງານສາສະຫນາ ເຊິ່ງເປັນກົດບັນຍັດບໍລິຫານງານສັງລວມໃນດ້ານສາສະຫນາສະບັບທຳອິດ, ຮັບປະກັນໃຫ້ສິດປະໂຫຍດຊອບກົດຫມາຍຂອງພົນລະເມືອງທີ່ເຊື່ອຖືສາສະຫນາ ອົງການຈັດຕັ້ງສາສະຫນາແລະສະຖານທີ່ເຄື່ອນໄຫວສາສະຫນາບໍ່ຖືກລ່ວງລ້ຳ.
ຫນັງສືປົກຂາວແນະນຳວ່າ, ໃນຫນຶ່ງປີຜ່ານມາ, ຈີນໄດ້ເພີ່ມທະວີຄວາມແຮງໃນການປະຕິຮູບຕຸລາການ, ຜ່ານການປ້ອງກັນແລະສະກັດກັ້ນການກັກຕົວກາຍເວລາກຳນົດ ອອກແຮງຊຳລະການຕ້ອງໂທດລ່ວງລຳເມີດສິດທິມະນຸດແລະບູລະນະລະບອບຊ່ອຍເຫລືອດ້ານກົດຫມາຍເປັນຕົ້ນ.
ຫນັງສືປົກຂາວໄດ້ສະເຫນີການແລກປ່ຽນແລະການຮ່ວມມືກັບພາຍນອກຂອງຈີນໃນຂົງເຂດສິດທິມະນຸດໃນປີ 2004,ໄດ້ຊີ້ອອກເປັນພິເສດວ່າ, ພາຍຫລັງເກີດໄພຄື້ນທະເລຊືນະມິຢູ່ມະຫາສະຫມຸດອິນເດຍເມື່ອທ້າຍປີກາຍນີ້ແລ້ວ, ລັດຖະບານແລະປະຊາຊົນຈີນໄດ້ໃຫ້ການຊ່ອຍເຫລືອແກ່ການກູ້ໄພແລະວຽກງານສ້າງສາຄືນໃຫມ່ຂອງບັນດາປະເທດ.
ນອກນີ້, ຫນັງສືປົກຂາວຍັງໄດ້ໃຊ້ຫນ້າເຈ້ຍຢ່າງຫລວງຫລາຍແນະ ນຳວຽກງານແລະການຄືບຫນ້າຂອງຈີນໃນດ້ານປົກປັກຮັກສາສິດປະໂຫຍດ ຂອງຊາວນາ ແມ່ຍິງແລະເດັກນ້ອຍ ສິດສະເຫມີພາບຂອງຊົນເຜົ່າສ່ວນຫນ້ອຍ ການປົກປ້ອງເປັນພິເສດແລະສິດປະໂຫຍດຂອງຄົນພິການເປັນຕົ້ນໃນປີທີ່ຜ່ານມາ.
ຫນັງສືປົກຂາວກ່າວເນັ້ນວ່າ, ຈີນແມ່ນປະເທດພວມພັດທະນາ, ສະ ພາບສິດທິມະນຸດກຳລັງຢູ່ໃນໄລຍະພັດທະນາແລະບູລະນະເລື້ອຍໆ. ລັດ ຖະບານຈີນເອົາໃຈໃສ່ຕໍ່ລະດັບສູງໃນການເຄົາລົບແລະປົກປ້ອງສິດທິມະນຸດ, ຈະນຳໃຊ້ມາດຕະການອັນແຂງແຮງ, ຊຸກຍູ້ພາລະກິດສິດທິມະນຸດຂອງຈີນພັດທະນາຢ່າງບໍ່ຢຸດຢັ້ງ, ຍົກລະດັບຊົມໃຊ້ສິດທິມະນຸດແລະເສລີພາບພື້ນຖານຂອງປະຊາຊົນທົ່ວປະເທດຈີນໃຫ້ສູງຂຶ້ນ.
|
