|
|
 |
| (GMT+08:00)
2005-04-13 16:42:26
|
 |
|
ຊາວນາຈີນ 150 ລ້ານຄົນບໍ່ຕ້ອງເສຍພາສີກະສິກຳອີກ
cri
Author: sayvanny
ຫນັງສືປົກຂາວກ່ຽວກັບຄວາມຄືບຫນ້າຂອງພາລະກິດສິດທິມະນຸດຈີນປີ 2004 ທີ່ຫ້ອງການຖະແຫລງຂ່າວຄະນະລັດຖະບານຈີນປະກາດນັ້ນຂຽນວ່າ, ທົ່ວປະເທດຈີນໄດ້ມີຊາວນາ 150 ລ້ານຄົນບໍ່ຕ້ອງເສຍພາສີກະສິກຳ, ມີຊາວນາ 540 ລ້ານຄົນເສຍພາສີກະສິກຳຫນ້ອຍກວ່າແຕ່ກ່ອນ 3%, ສ່ວນພາສີກະສິກຳຂອງຊາວນາທີ່ເຫລືອນັ້ນກໍ່ໄດ້ຫລຸດເສຍພາສີ 1%.
ຫນັງສືປົກຂາວຂຽນວ່າ,ໃນຫນຶ່ງປີທີ່ຜ່ານມາ, ລັດໄດ້ນຳໃຊ້ມາດຕະ ການແຂງແຮງ, ເພີ່ມການລົງທຶນໃສ່ກະສິກຳ, ຊອກຫາວິທີຕ່າງໆເຮັດໃຫ້ຊາວນາມີລາຍໄດ້ເພີ່ມຂຶ້ນ, ປົວແປງຊີວິດການເປັນຢູ່ຂອງຊາວນາໃຫ້ດີຂຶ້ນ.
ເດືອນກຸມພາປີ 2004,ສູນກາງພັກກອມມູນິດຈີນ ຄະນະລັດຖະບານຈີນໄດ້ປະກາດເອກະສານເລກຫນຶ່ງຄື: ຄວາມເຫັນກ່ຽວກັບນະໂຍບາຍບາງຢ່າງທີ່ຊຸກຍູ້ຊາວນາມີລາຍໄດ້ເພີ່ມຂຶ້ນ,ໄດ້ວາງແຜນຍຸດໂທບາຍຢ່າງແຈ່ມແຈ້ງທີ່ຍຶດຫມັ້ນການຈັດວາງການພັດທະນາຕົວເມືອງແລະຊົນນະບົດຢ່າງເປັນເອກະພາບກັນແລະທິດທາງທີ່ວ່າໃຫ້ຜົນປະໂຫຍດຫລາຍແດ່ເກັບຄ່າຫນ້ອຍແດ່ແລະສ້າງໃຫ້ມີຄວາມຄ່ອງຕົວ,ຖືການບັນລຸ ປົກປ້ອງແລະພັດທະ ນາຜົນປະໂຫຍດ້ານວັດຖຸຂອງຊາວນາໃຫ້ດີ ການປົກປັກຮັກສາສິດ ປະໂຫຍດຂອງຊາວນາເປັນຈຸດເລີ່ມຕົ້ນພື້ນຖານ.ໃນຫນຶ່ງປີມານີ້, ລັດໄດ້ວາງນະໂຍບາຍຕ່າງໆເຊິ່ງໄດ້ຮັບຄວາມນິຍົມຊົມຊອບຈາກຊາວນາ, ໄດ້ຊຸກຍູ້ໃຫ້ຊາວນາມີລາຍໄດ້ເພີ່ມຂຶ້ນໂດຍກົງ.
ຕົ້ນປີ 2005, ສູນກາງພັກກອມມູນິດຈີນ ລັດຖະບານຈີນໄດ້ປະກາດຄວາມເຫັນກ່ຽວກັບບາງນະໂຍບາຍທີ່ເພີ່ມທະວີວຽກງານຊົນນະບົດ,ຍົກຄວາມສາມາດຜະລິດສັງລວມດ້ານກະສິກຳໃຫ້ສູງຂຶ້ນຕື່ມອີກດ້ວຍຮູບການເອກະສານເລກຫນຶ່ງ,ຈະສືບຕໍ່ເພີ່ມຄວາມແຮງໃນການປະຕິບັດນະໂຍບາຍຕ່າງໆຄື:ສອງຍົກເວັ້ນ ແລະສາມເກື້ອກູນເຊິ່ງມີເນື້ອໃນລະອຽດແມ່ນ: ຍົກເວັ້ນພາສີເຄື່ອງປ່າຂອງດົງ ຫລຸດແລະຍົກເວັ້ນພາສີກະສິກຳ ໃຫ້ຄ່າເກື້ອກູນໂດຍກົງແກ່ຊາວນາຜູ່ປູກພືດພັນທັນຍາຫານ ໃຫ້ຄ່າເກື້ອກູນແກ່ແນວພັນດີຂອງພືດພັນທັນຍາຫານ 4 ຊະນິດແລະໃຫ້ຄ່າເກື້ອກູນແກ່ການຊື້ເຄື່ອງຈັກກະເສດຂະຫນາດໃຫຍ່ແລະຂະຫນາດກາງ,ຮັບປະກັນສິດປະໂຫຍດຂອງຊາວນາຕື່ມອີກ.
ຫນັງສືປົກຂາວຂຽນວ່າ, ລັດໄດ້ເພີ່ມການລົງທຶນຢ່າງຫລວງຫລາຍໃນດ້ານສ້າງສາກະສິກຳ ຊົນນະບົດແລະຊ່ອຍຊາວນາມີລາຍໄດ້ເພີ່ມຂຶ້ນ, ໃນຫມົດປີ 2004, ການເງິນສູນກາງໄດ້ຈ່າຍເງິນລວມ 262,2 ຕື້ຢວນໃນດ້ານນີ້, ເພີ່ມຂຶ້ນຫລາຍກວ່າປີກ່ອນ 22,5%.ລັດໄດ້ຈັດວາງເງິນທຶນ 11 ຕື້ 600 ລ້ານຢວນ, ເພື່ອເປັນການເກື້ອກູນໂດຍກົງແກ່ຊາວນາຜູ່ປູກພືດພັນທັນຍາຫານຢູ່ເຂດປູກເຂົ້າຕົ້ນຕໍ;ໄດ້ຈັດວາງທຶນ 2 ຕື້ 800 ລ້ານຢວນ, ເພື່ອເປັນການເກື້ອກູນແກ່ແນວພັນດີຂອງພືດພັນທັນຍາຫານສີ່ຊະນິດຄື ເຂົ້ານາເຂົ້າ ສາລີ ຖົ່ວເຫລືອງແລະເຂົ້າເບຼ;ໄດ້ຈັດວາງເງິນລາຍຈຳເພາະ 500 ລ້ານຢວນເຮັດເປັນຄ່າເກື້ອກູນໃຫ້ແກ່ການຊື້ເຄື່ອງຈັກກະເສດຂະຫນາດໃຫຍ່. ພ້ອມກັນນັ້ນ, ໄດ້ເພີ່ມຄວາມແຮງໃນການຫລຸດແລະຍົກເວັ້ນພາສີກະສິກຳ.ປີ 2004, ທົ່ວປະເທດຈີນໄດ້ຫລຸດແລະຍົກເວັ້ນພາສີກະສິກຳ 23 ຕື້ 300 ລ້ານ ຢວນ, ຍົກເວັ້ນພາສີເຄື່ອງປ່າຂອງດົງ 6 ຕື້ 800 ລ້ານຢວນ,ເຮັດໃຫ້ຊາວນາຫລຸດພາສີ 30 ຕື້ 100 ລ້ານຢວນ.
|
|
|
