|
ຄົນເຈັບຍ້ອນສາຍເຫດຕ່າງໆເຊັ່ນຄົມມະນາຄົມ,ເສດຖະກິດ,ພູມິພາກປະເທດແລະຊົນເຜົ່າເປັນຕົ້ນບໍ່ສາມາດຮັບການກວດແລະປິ່ນປົວຈາກທ່ານຫມໍແລະຜູ່ຊ່ຽວຊານໂດຍກົງຢູ່ໂຮງຫມໍນັ້ນລ້ວນແຕ່ສາມາດຮັບການກວດແລະປິ່ນປົວຈາກທ່ານຫມໍແລະຜູ່ຊ່ຽວຊານໃນກໍລະນີທີ່ຫ່າງໄກຈາກໂຮງຫມໍ,ເຊິ່ງທ່ານຫມໍແລະຜູ່ຊ່ຽວຊານຈະຜ່ານການຊ່ອຍເຫຼືອຈາກເຕັກນິກຂໍ້ມູນຂ່າວສານຄືອິນເທີແນັດ,ຄອມພິວເຕີແລະດາວທຽມໂທລະຄົມໄດ້,ທັງນີ້ກໍແມ່ນການປິ່ນປົວໂດຍທາງໄກ,ທາດແທ້ຂອງມັນກໍແມ່ນເອົາ IT ແລະເຕັກນິກໂທລະຄົມປະສານກັບແພດສາດ,ສະນັ້ນຈິ່ງໄດ້ຕັ້ງຊື່ຕ່າງໆເຊັ່ນ:ການປິ່ນປົວໂດຍທາງອິນເທີເນັດ,ການປິ່ນປົວ IT , ການປິ່ນປົວເຄືອຂ່າຍ,ຄລິນິກອິນເທີແນັດແລະຫ້ອງໃຫ້ຄຳປຶກສາອິນເທີແນັດເປັນຕົ້ນ.
ທຳມະດາແລ້ວ,ການປິ່ນປົວໂດຍທາງໄກໄດ້ກ້າວເຂົ້າສູ່ຊີວິດການເປັນຢູ່ຂອງຄົນທັງຫຼາຍຢ່າງບໍ່ຕ້ອງສົງໃສ,ປັດຈຸບັນ.ບົດບາດໃຫຍ່ກວ່າຫມູ່ແລະຕົວຈິງກວ່າຫມູ່ຂອງການປິ່ນປົວໂດຍທາງໄກແມ່ນການກວດພະຍາດໂດຍທາງໄກ,ການກວດພະຍາດໂດຍທາງໄກໃນປັດຈຸບັນແມ່ນເຂົ້າສູ່ແບບສະບັບແລະເຮັດໄດ້ແລ້ວ,ກ່ອນອື່ນແມ່ນໃຫ້ໂຮງຫມໍໃນທ້ອງຖິ່ນກວດ,ແລ້ວຈຶ່ງສົ່ງຊີວະປະຫວັດຫຍໍ້ແລະຜົນການກວດເບື້ອງຕົ້ນໄປຮອດມືຂອງຜູ່ຊ່ຽວຊານຢູ່ໂຮງຫມໍໃຫຍ່ໃນຕົວເມືອງໃຫຍ່,ທຳມະດາແລ້ວຈະຕ້ອງມີເອກະສານກວດທັງຫມົດຕິດຫ້ອຍໄປນຳເຊັ່ນ:CT，X ເລໃບວິເຄາະທາດ,ເມື່ອຜູ່ຊ່ຽວຊານວິເຄາະລະອຽດແລ້ວຈຶ່ງນັດເວລາກັບຄົນເຈັບກັບທ່ານຫມໍແລະຄອບຄົວຂອງຄົນເຈັບ,ແລ້ວກວດພະຍາດໂດຍທາງໄກພ້ອມກັນ.ເຕັກນິກ IT ໃນປັດຈຸບັນສາມາດສະຫນອງຫນ້າຈໍທີ່ຫຼຽວເບິ່ງໄດ້ແລະການສົນທະນາກັນໄປພ້ອມໃນເວລາດຽວກັນ.ຜູ່ຊ່ຽວຊານສາມາດຫຼຽວເຫັນອະລິຍາບົດແລະໃບຫນ້າຂອງຄົນເຈັບ,ແລະຍັງສາມາດກວດຄົນເຈັບຢູ່ກັບບ່ອນ,ຫຼືຊີ້ນຳທ່ານຫມໍຂອງຝ່າຍກົງກັນຂ້າມກວດຮ່າງກາຍຈຳນວນຫນຶ່ງຂອງຄົນເຈັບ.
ແຕ່ວ່າ,ເຖິງວ່າເຕັກນິກ IT ແລະໂທລະຄົມຜ່ານດາວທຽມໃນຊູ່ມື້ນີ້ສາມາດແກ້ໄຂບັນຫາຫຼຽວເຫັນແລະສົນທະນາກັນໄດ້ກໍຕາມ,ບໍ່ຫນຳຍັງຖ່າຍຮູບເອົາບ່ອນເຈັບ,ໂດຍຜ່ານກ້ອງຖ່າຍຮູບດີຈີຕອນເຊື່ອມຕໍ່ກັບເຄືອຂ່າຍອິນເທີເນັດແຈ້ງຊັດກວ່າຮູບຖ່າຍດັ້ງເດີມກໍຕາມ,ແຕ່ກໍຍັງມີຂໍ້ບົກພ່ອງທີ່ແກ້ໄຂບໍ່ໄດ້ຄືທ່ານຫມໍແລະຜູ່ຊ່ຽວຊານຈະສົນທະນາກັນແລະກວດຄົນເຈັບແບບເຊິ່ງຫນ້າບໍ່ໄດ້ເທື່ອ,ໃນຫຼາຍປັດໄຈໃຫຍ່ຂອງການກວດພະຍາດຄືເບິ່ງ,ດົມ,ເຄາະແລະຟັງ,ແມ່ນຂາດປັດໄຈດົມແລະເຄາະເຊິ່ງບໍ່ສາມາດກວດຮ່າງກາຍດ້ານນອກຂອງຄົນເຈັບດ້ວຍວິທີຊູນແລະດົມກິ່ນໂດຍກົງ,ຈະເປັນຜົນກະທົບເຖິງຄວາມແມ່ນຢຳຂອງການກວດ ຍັງມີອີກຄືເຖິງວ່າການປິ່ນປົວໂດຍທາງໄກສາມາດແກ້ໄຂບັນຫາຫຼຽວເບິ່ງໄດ້ກໍຕາມ,ແຕ່ກໍ່ບໍ່ສາມາດເປັນຜົນດີຄືກັນກັບການກວດພະຍາດແບບເກົ່າທີ່ທ່ານຫມໍກັບຄົນເຈັບຢູ່ເຊິ່ງຫນ້າກັນ.ເພາະວ່າ,ການສະແດງອາລົມສີຫນ້າລະສີສັນຮ່າງກາຍຂອງຄົນເຈັບລ້ວນແຕ່ແມ່ນປັດໄຈສຳຄັນດ້ານນອກທີ່ສະແດງອອກເຖິງອາການເຈັບຂອງຜູ່ກ່ຽວ.
ທຳມະດາແລ້ວ,ມູນເຫດເຫຼົ່ານີ້ເປັນການຈຳກັດການຂະຫຍາຍຕົວຂອງການປິ່ນປົວໂດຍທາງໄກແລະກໍແມ່ນມູນເຫດສຳຄັນທີ່ເປັນຫຍັງການປິ່ນປົວໂດຍທາງໄກຈິ່ງມີແຕ່ໃຊ້ໃນການຮ່ວມກັນກວດໃນປະຈຸບັນ.
ຄວາມຈິງແລ້ວ,ເນື້ອໃນທີ່ອ່າວຄຶກຄັກແດ່ຂອງການປິ່ນປົວໂດຍທາງໄກໃນປະຈຸບັນກໍສ່ອງແສງໃຫ້ເຫັນເຊັ່ນດຽວກັນໃນການໃຫ້ຄຳປຶກສາທາງແພດສາດແລະການປິ່ນປົວພະຍາດໃນອິນເທີເນັດ,ມັນໄດສະຫນອງໂອກາດແລະຊ່ອງຫວ່າງແກ່ຫຼາຍຄົນທີ່ສະແຫວງຫາວິທີປົວພະຍາດ,ທຳມະດາແລ້ວ,ຖ້າວ່າການປິ່ນປົວໂດຍທາງໄກແມ່ນເອົາ IT ອິນເທີເນັດແລະດາວທຽມໂທລະຄົມປະສານກັບການປິ່ນປົວແລ້ວ,ມັນກໍ່ບໍ່ແມ່ນມີແຕ່ສັບພະຄຸນແລະບົດບາດຈຳນວນຫນຶ່ງທີ່ກ່າວມາຂ້າງເທິງນີ້ທໍ່ນັ້ນ,ຊອຟແວຄອມພິວເຕີແພດສາດ ກໍແມ່ນໂຄງການຮັບໃຊ້ສາທາລະນະຊົນທີ່ມີຊ່ອງຫວ່າງແລະບໍລິມາດຢ່າງບໍ່ມີການຈຳກັດລາຍນຶ່ງເຊິ່ງກໍພວມເກີດມີແລະຈະເກີດມີໂອກາດການຄ້າຢ່າງບໍ່ມີການຈຳກັດອີກດ້ວຍ,ຕັ້ງແຕ່ປີ 1991 ພຸ້ນ,ຜູ່ຄົ້ນຄວ້າຂອງລັດ ວິສຄອນຊິນແຫ່ງອາເມລິກາກໍໄດ້ຂຽນຊອຟແວກ່ຽວກັບການກວດແລະຢາດີກວ່າຫມູ່ສຳລັບປົວພະຍາດລອດເລືອດໃນຫມາກຫົວໃຈ,ພວກເຂົາເຈົ້າໄດ້ແບ່ງປະເພດມູນເຫດ,ຈຸດພິເສດ,ອາການຂອງພະຍາດ,ຄວາມເວົ້າຂອງຄົນເຈັບ,ຈຸດພິເສດຂອງການໃຊ້ຢາແລະຈາກຕົວຢ່າງຄົນເຈັບຊະນິດຕ່າງໆທີ່ເລືອກອອກມາຈາກຕົວຢ່າງຄົນເຈັບເປັນຈຳນວນຫຼວງຫຼາຍ,ແລ້ວຂຽນເປັນຊອຟແວມີແຕ່ໃຫ້ຄົນເຈັບບອກອາການເຈັບຕໍ່ຊອຟແວດັ່ງກ່າວນີ້ແລ້ວ,ທ່ານຫມໍຄອມພິວເຕີກໍຈະກວດບົ່ງມະຕິແລະຂຽນໃບສັ່ງຢາໃຫ້.ອີງຕາມຫຼັກມູນດັ່ງກ່າວ,ພະຍາດແຕ່ລະຊະນິດກໍລ້ວນແຕ່ໃຫ້ທ່ານຫມໍຄອມພິວເຕີກວດເບິ່ງໄດ້,ພ້ອມກັນນັ້ນ,ຍັງສາມາດໃຫ້ຄົນເຈັບທີ່ຢູ່ບ່ອນສອກຫຼີກກວດແລະປິ່ນປົວພະຍາດໄດ້ຢ່າງທັນການ
ອະນາຄົດກວ້າງກວ່າຫມູ່ແລະເຮັດໃຫ້ຄົນຕິດໃຈຫຼາຍກວ່າຫມູ່ຂອງການໃຊ້ IT ,ປະສານກັບແພດສາດນັ້ນແມ່ນໂຮງຫມໍທີ່ອຸປະໂຫຼກຂຶ້ນແລ້ວ,ໂຄງຄວາມຄຶດຂອງພວກເຂົາເຈົ້າແມ່ນຈັດເອົາລະບຽບທັງຫມົດກ່ຽວກັບການຂຶ້ນທະບຽນ,ກວດຢູ່ພະແນກ ກວດກາ ປິ່ນປົວ ເອົາຢາແລະກວດຄືນຂອງຄົນເຈັບເຂົ້າຢູ່ໃນຄອມພິວເຕີ,ແລ້ວປະກອບເປັນເຄືຍຂ່າຍທີ່ອຸປະໂຫຼກຂຶ້ນ,ທ່ານຫມໍໃນພະແນກແລະຫ້ອງສັ່ງຢາຕ່າງໆລ້ວນແຕ່ແມ່ນຄົນອຸປະໂຫຼກຫຼືມະນຸດກົນ ແລະສາມາດເຊື່ອມຕໍ່ກັບຄອມພິວເຕີສ່ວນຕົວແລະຄອມພິວເຕີມືຖືຂອງຜູ່ໃດຜູ່ຫນຶ່ງ.
ເວົ້າລວມແລ້ວ,ການປິ່ນປົວທີ່ໃຝ່ຝັນໃນອະນາຄົດກໍແມ່ນວ່າຖ້າຜູ່ໃດມີຄວາມຕ້ອງການປິ່ນປົວ,ບໍ່ວ່າຢູ່ບ່ອນໃດໃນຫນ່ວຍໂລກນີ້,ຂໍແຕ່ວ່າຢູ່ໃນມືຫາກມີຄອມພິວເຕີກໍສາມາດກົດປຸ່ມໄປຫາໂຮງຫມໍ,ຄຣີນິກ ທ່ານຫມໍສ່ວນຕົວຫຼືໂຮງຫມໍທີ່ອຸປະໂຫຼກຂຶ້ນທຸກແຫ່ງທີ່ທ່ານຢາກກວດພະຍາດໄດ້.ຖ້າຫາກບໍ່ຮູ້ໂຮງຫມໍແລະຄຣິນິກເຫຼົ່ານີ້,ກໍອາດຈະຊອກຫາຕາມອິນເທີເນັດໄດ້ຢ່າງວ່ອງໄວ,ໃນທີ່ສຸດກໍໄດ້ຮັບແຜນປິ່ນປົວ,ໃບສັ່ງຢາແລະເຄື່ອງປິ່ນປົວຈາກທ່ານຫມໍ,ຜ່ານຈາກການຈົດບັນຊີໃນອິນເທີເນັດ,ບໍລິສັດຢຸກຢາແລະເຄື່ອງປິ່ນປົວກໍຈະແຕ່ງຄົນສົ່ງຂອງໄປຮອດເຮືອນ,ຖ້າຕ້ອງການພະຍາບານຕົວໂດຍກົງແບບທ່ານຫມໍ,ຍັງສາມາດສັ່ງຊື້ໄດ້ໃນອິນເທີເນັດ,ທ່ານຫມໍແລະນາງພະຍາບານກໍຈະມາຮອດເຮືອນ,ແຕ່ວ່າ,ປະຈຸບັນ,ໂຮງຫມໍທີ່ອຸປະໂຫຼກຂຶ້ນແບບນີ້ກໍ່ພຽງແຕ່ເປັນອຸດົມການຊື່ໆ,ແຕ່ມັນກໍພວມກ່າວມາຫາພວກເຮົາຄືກັນກັບການປິ່ນປົວໂດຍທາງໄກຜ່າຕັດໃຫ້ຄົນເຈັບແລະຂະຫຍາຍໂຮງຫມໍທີ່ອຸປະໂຫຼກຂຶ້ນແລ້ວກໍຕາມ,ແຕ່ຄົນອາເມລິກາກໍຍັງຄົງຖືວ່າ,ການໃຊ້ອິນເທີເນັດຊອກຫາຂໍ້ມູນຂ່າວສານການປົວພະຍາດນັ້ນແມ່ນສັບພະຄຸນຫນຶ່ງທີ່ໃຫຍ່ກວ່າຫມູ່ແລະໃຊ້ຢູ່ເລື້ອຍໆຂອງບໍລິການ ON LINE ຂອງອິນເທີເນັດໃນປັດຈຸບັນ
ແຕ່ລະປີຢູ່ອາເມລິກາມີຄົນເຖິງກະສຽນອາຍຸກວ່າ 25 ລ້ານຄົນໄປຊອກຫາຂໍ້ມູນຂ່າວສານແພດ ສາດໃນອິນເທີເນັດແລ້ວ,ແວບໄຊຂອງທ່ານຫມໍທີ່ມີຊື່ສຽງຫຼາຍຄົນໄດ້ຮັບຄວາມນິຍົມຊົມຊອບຫຼາຍຈາກຄົນທັງຫຼາຍ,ແວບໄຊຂອງທ່ານຫມໍອີແວນທ໌ ຄູໂບແພດພະແນກພາຍນອກກໍແມ່ນແວບໄຊຫນຶ່ງ,ທ່ານເຫັນວ່າ,ຄວາມຮູ້ທີ່ຄົນເຈັບໄດ້ຮັບຈາກອິນເທີເນັດນັ້ນເຮັດໃຫ້ພະຍາດນັບມື້ນັບຫຼາຍສາມາດໄດ້ຮັບການຄວບຄຸມໄວ້ແລ້ວໄດ້ປະສານສົມທົບກັບທ່ານຫມໍງ່າຍກວ່າເກົ່າ.
|
