|
|
 |
| (GMT+08:00)
2005-04-14 16:25:06
|
 |
|
ບົດບາດຂອງສະພາປຶກສາການເມືອງໃນຊີວິດການເມືອງຂອງຈີນນັບມື້ນັບເພີ່ມຂຶ້ນ
cri
Author: sayvanny
ຫນັງສືປົກຂາວກ່ຽວກັບການຄືບຫນ້າຂອງພາລະກິດສິດທິມະນຸດຈີນປີ 2004ເຊິ່ງແມ່ນຫ້ອງການຖະແຫຼງຂ່າວຂອງລັດຖະບານຈີນປະກາດໃນວັນທີ 13 ເມສາຊີ້ອອກວ່າ,ລະບອບການຮ່ວມມືຫຼາຍພັກແລະຫາລືການເມືອງທີ່ນຳໂດຍພັກກອມມູນນິດຈີນແມ່ນລະບອບການເມືອງພື້ນຖານລາຍຫນຶ່ງຂອງຈີນ ,ແມ່ນລະບອບພັກການເມືອງສັງຄົມນິຍົມທີ່ມີສີສັນພິເສດຂອງຈີນ,ໄດ້ເສີມຂະຫຍາຍບົດບາດນັບມື້ນັບຫຼາຍໃນຊີວິດການເມືອງຂອງຈີນ.
ຫນັງສືປົກຂາວຂຽນວ່າ,ໃນປີ2004,ສະພາປຶກສາການເມືອງແຫ່ງຊາດປະຕິບັດພາລະບົດບາດເຂົ້າຮ່ວມແລະຫາລືວຽກງານການປົກຄອງໂດຍຜ່ານວຽກງານປະຈຳເຊັ່ນ:ສະເຫນີຍັດຕິ ສຳຫຼວດ ການຄົ້ນຄວ້າຫົວຂໍ້ສະເພາະແລະສ່ອງແສງຄວາມປາຖະຫນາຂອງປະຊາຊົນແລະສະພາບການສັງຄົມ,ນຳໃຊ້ສິດປະຊາທິປະໄຕ,ດຳເນີນການຕິດຕາມກວດກາແບບປະຊາທິປະໄຕ,ອົງການສະພາປຶກສາການເມືອງແຫ່ງຊາດໄດ້ດັດແກ້ກົດຂໍ້ກຳນົດວຽກງານຍັດຕິຂອງຄະນະກຳມະການແຫ່ງຊາດຂອງສະພາປຶກສາການເມືອງປະຊາຊົນຈີນ,ແລະໄດ້ຊຸກຍູ້ການສ້າງສາວຽກງານຍັດຕິຫັນເປັນລະບອບ ເປັນແບບສະບັບແລະເປັນແບບລະບຽບ.
ໃນຫນຶ່ງປີມານີ້,ສະພາປຶກສາການເມືອງແຫ່ງຊາດຈີນໄດ້ຮັບຍັດຕິທີ່ມາຈາກບັນ ດາຫົວຫນ່ວຍເຂົ້າຮ່ວມແລະກຳມະການຂອງສະພາປຶກສາການເມືອງ 4478 ລາຍ.ໃນນັ້ນໄດ້ຕັ້ງຄະຕິ 4263 ລາຍ,ເນື້ອໃນກ່ຽວພັນເຖິງດ້ານຕ່າງໆເຊັ່ນ:ການສ້າງສາລະບອບກົດຫມາຍແລະປະຊາທິປະໄຕ ເຮັດໃຫ້ຊາວກະສິກອນມີລາຍໄດ້ເພີ່ມຂຶ້ນ ປົກປັກຮັກສາສິດປະໂຫຍດຊອບກົດຫມາຍຂອງຊາວນາທີ່ເຮັດວຽກໃນຕົວເມືອງ ສ້າງລະບົບປະກັນສັງຄົມໃນຊົນນະບົດທີ່ມີຫຼາຍລະດັບ,ການປະກອບອາຊີບແລະປະກອບອາຊີບຄືນໃຫມ່ ສະຫວັດດີການເປັນຕົ້ນ,ໄດ້ຈັດຕັ້ງຄະນະສຳຫຼວດ 30 ກວ່າຄະນະ, ກຳມະການສະພາປຶກສາການເມືອງ 750 ກວ່າທ່ານໄດ້ໄປສຳຫຼວດຢູ່ທົ່ວປະເທດ,ສະເຫນີບົດລາຍງານສຳຫຼວດ 26 ສະບັບ,ຄະນະກຳມະການຈຳເພາະຂອງສະພາປຶກສາການເມືອງແຫ່ງຊາດດຳເນີນການຄົ້ນຄວ້າຫົວຂໍ້ສະເພາະແລະແຕ່ງບົດລາຍງານສຳຫຼວດ 68 ສະບັບ,ສະເຫນີຂໍ້ມູນຂ່າວສານສຳຄັນ 1390 ບົດ,ສູນກາງພັກຝ່າຍປະຊາທິປະໄຕຕ່າງໆ ສະຫະພັນອຸດສາຫະກຳການຄ້າແຫ່ງຊາດໄດ້ສະເຫນີຍັດຕິ 115 ສະບັບ,ສະເຫນີບົດຄວາມຄາວທີ່ສ່ອງແສງຄວາມປາຖະຫນາຂອງປະຊາຊົນແລະສະພາບການສັງຄົມ 2503 ບົດ,ຍັດຕິແລະຂ່າວຄາວເຫຼົ່ານີ້ໄດ້ຮັບການຊຳລະແລະຕອບສະຫນອງຢ່າງທັນການ.
ຫນັງສືປົກຂາວຂຽນວ່າກອງປະຊຸມຄັ້ງທີ 3 ຂອງຄະນະກຳມະການແຫ່ງຊາດ ສະພາປຶກສາການເມືອງສະໄຫມທີ 10 ທີ່ໄຂຂຶ້ນເມື່ອປີ 2005 ໄດ້ຮັບຍັດຕິ 4508 ສະບັບ,ຕັ້ງຄະຕິ 4375 ລາຍ,ກວມເອົາຍັດຕິ 97,05%.
ຫນັງສືປົກຂາວກ່ຽວກັບການຄືບຫນ້າຂອງພາລະກິດສິດທິມະນຸດຈີນ ປີ 2004ຍັງຂຽນວ່າ,ປະຈຸບັນນີ້,ປະເທດຈີນມີ 23 ແຂວງ ເຂດປົກຄອງຕົນເອງແລະກຳແພງນະຄອນໄດ້ສ້າງລະບອບຖະແຫຼງຂ່າວ, ມີ 20ແຂວງແລະເຂດໄດ້ແຕ່ງຕັ້ງໂຄສົກຂອງອົງການປົກຄອງຂັ້ນແຂວງ ,ຄວາມເສລີພາບດ້ານຂໍ້ມູນຂ່າວສານ ກິລິຍາວາຈາແລະການພິມຈຳຫນ່າຍຂອງພົນະເມືອງຈີນໄດ້ມີການຄ້ຳປະກັນໂດຍອີງຕາມກົດຫມາຍ.
ຕາມສະຖິຕິ,ໃນປີ 2004, 44 ພາກສ່ວນຂອງລັດຖະບານໄດ້ຈັດງານຖະແຫຼງຂ່າວປະມານ 270 ຮອບ, ມີ 28 ແຂວງ ເຂດປົກຄອງຕົນເອງ ກຳແພງນະຄອນໄດ້ຈັດງານຖະແຫຼງຂ່າວ 460 ກວ່າຮອບ,ຫນັງສືປົກຂາວຊີ້ອອກວ່າ:
ທັງຫມົດເຫຼົ່ານີ້ລ້ວນແຕ່ໄດ້ເພີ່ມທະວີຄວາມໂປ່ງໄສຂອງວຽກງານອົງການປົກ ຄອງແລະເປີດເຜີຍຂໍ້ມູນຂ່າວສານຂອງວຽກງານການເມືອງ,ການຄ້ຳປະກັນສິດຮູ້ສະພາບການ ສິດຕິດຕາມກວດກາແລະສິດເຂົ້າຮ່ວມວຽກງານສາທາລະນະໄດ້ເພີ່ມທະວີຂຶ້ນ.
|
|
|
