|
|
 |
| (GMT+08:00)
2005-04-15 16:49:26
|
 |
|
ການຫົວ--ວິຕາມິນຂອງຊີວິດ
cri
Author: li
 ການຄົ້ນຄວ້າສະແດງໃຫ້ເຫັນວ່າ,ການຫົວໃຫຍ່ຢ່າງສົມອົກສົມໃຈ 100 ເທື່ອຮອດ 200 ເທື່ອຈະນຳເອົາຜົນປະໂຫຍດມາສູ່ຮ່າງກາຍຂອງຄົນເຮົາທໍ່ກັບພາຍເຮືອ 10 ນາທີ. ການຫົວຈະເຮັດໃຫ້ເລືອດໝູນວຽນເພີ່ມຂຶ້ນ,ເຮັດໃຫ້ໝາກຫົວໃຈໄດ້ຫັດແຮງ,ສະໜອງອອກຊີໃຫ້ປອດ,ກະຕຸກສະໝອງ,ເຮັດໃຫ້ລະບົບພູມຕ້ານທານຄຶກຄັກຂຶ້ນ,ສະກັດກັ້ນຮອກໂມນທີ່ພາໃຫ້ເກີດກຳລັງກົດໜີບ.
ຖ້າທ່ານເຄີຍໄປທ່ຽວວັດຈີນ,ທ່ານອາດຈະເຄີຍເຫັນພະພຸດທະຮູບຕົນໜຶ່ງທີ່ຮູບຮ່າງອ້ວນທ້ວນສົມບູນ,ເບືອຍເອິກເບືອຍປູມ,ນັ້ນກໍຄືພະສັງກະຈາຍ. ນັ່ງຂັດຕະໝາດຫົວຢູ່ເລື້ອຍໆ,ໄດ້ນຳເອົາອາລົມເບີກບານມ່ວນຊື່ນມາໃຫ້ຜູ້ທ່ອງທ່ຽວ.
ຊີວິດການເປັນຢູ່ຂອງຄົນຍຸກປັດຈຸບັນເຄັ່ງຕຶງຫຼາຍ,ຈົນພາໃຫ້ຄົນທັງຫຼາຍຕ້ອງໄປຊອກຫາບ່ອນພັກຜ່ອນຢ່ອນອາລົມ. ຖ້າຊີວິດຂອງຄົນເຮົາສາມາດໃຊ້ເຂິງຮ່ອນເອົາສິ່ງທີ່ບໍ່ຕ້ອງການນັ້ນຖິ້ມ,ທ່ານຈະເຫັນວ່າ,ເລື່ອງທີ່ລຳຄານໃຈແມ່ນຮ່ອນຖິ້ມບໍ່ໝົດຈັກເທື່ອ; ເລື່ອງທີ່ອຸກອັ່ງແກ້ບໍ່ໝົດໝົດຊາດໄດ້.
ຖ້າຄິດເບິ່ງຢ່າງລະອຽດແລ້ວກໍເຫັນໄດ້ວ່າ,ຄວາມລຳຄານໃຈແລະຄວາມອຸກອັ່ງລ້ວນແຕ່ເປັນການທຳໂທດຕໍ່ຕົນເອງ. ຄົນຜູ້ໜຶ່ງ ໃນເວລາອຸກໃຈຫຼືເສົ້າໝອງນັ້ນ,ສັບພະຄຸນຂອງເລືອດລົມໃນຮ່າງກາຍກໍຈະເສຍຄວາມດຸນດຽງ,ພາໃຫ້ສັບພະຄຸນຂອງອະໄວຍະວະຜິດປົກກະຕິ,ແລ້ວເປັນພະຍາດ. ຄວາມອຸກອັ່ງແລະເສົ້າໝອງເກີນຄວນຈະສີ້ນເປືອງແຮງປອດ,ເຮັດໃຫ້ຫັນໃຈບໍ່ອິ່ມຫາຍໃຈຝືດເປັນຕົ້ນ. ສ່ວນການຄິດຫຼາຍແລະອຸກອັ່ງເປັນເວລາດົນນານຈະເຮັດໃຫ້ລົມໃນຮ່າງກາຍບໍ່ລຸລ່ວງ,ດົນໄປ,ຈະທຳລາຍເລືອດລົມ,ແລະມີອາການອື່ນໆເຊັ່ນຫົວໃຈເຕັ້ນໄວ,ນອນບໍ່ຫຼັບ,ເຈັບຫົວໃຈ,ກິນໜ້ອຍເປັນຕົ້ນ. ເມື່ອເປັນແນວນີ້,ສັບພະຄຸນຂອງຮ່າງກາຍຈະຊຸດໂຊມ,ເຮັດໃຫ້ເຖົ້າໄວ.
ອາລົມຈິດທາງລົບເຫຼົ່ານີ້ຈະເປັນໂທດຕໍ່ສຸຂະພາບ,ຄົນເຮົາຄວນຮຽນຮູ້ປັບຕົວໃຫ້ມຸ່ງໄປສູ່ທິດທີ່ມີປະໂຫຍດຕໍ່ສຸຂະພາບ,ຕ້ອງມີຈິດໃຈທີ່ອົດກັ້ນໄວ້,ອະນຸໂລມ,ໃຈກວ້າງແລະເຫັນໄປໃນແງ່ດີ,ສາມາດຫັນປ່ຽນອາລົມທີ່ບໍ່ມ່ວນຊື່ນ. ຈະເຮັດໄດ້ແບບນີ້,ວິທີທີ່ງ່າຍແລະໄດ້ຜົນທີ່ສຸດກໍແມ່ນຫົວເລື້ອຍໆ,ຊອກຫາສິ່ງເປັນຕາຫົວ,ເຮັດໃຫ້ຊີວິດເຕັມໄປດ້ວຍສຽງຫົວ.
ຢູ່ຈີນມີຄຳພັງເພີຍວ່າ,"ຫົວເທື່ອໜຶ່ງ,ໜຸ່ມຂຶ້ນ 10 ປີ". ນັກແພດສາດກໍບອກຄົນທັງຫຼາຍວ່າ,"ການຫົວແມ່ນວິຕາມິນຂອງຊີວິດ". ໃນເວລາຫົວ,ກ້າມເນື້ອທຸກພາກສ່ວນຂອງຮ່າງກາຍລ້ວນແຕ່ຢູ່ໃນສະພາບເໜັງຕິງ,ໃນເວລາເຊົາຫົວ,ກ້າມເນື້ອເຫຼົ່ານີ້ຈະຢູ່ໃນສະພາບຜ່ອນຍານ. ແຕ່ຖ້າກ້າມເນື້ອເຄັ່ງຕຶງຈະພາໃຫ້ຮູ້ສຶກເຈັບ,ສະນັ້ນ ຄົນເຈັບທີ່ເຈັບຄໍ່,ເປັນພະຍາດປະດົງແລະພະຍາດອື່ນໆຈະໄດ້ຮັບຜົນປະໂຫຍດຈາກການຫົວ. ຖ້າພວກເຮົາຮັກສາຮອຍຍິ້ມເລື້ອຍໆ,ກ້າມເນື້ອຍິ້ມຈະເຮັດໃຫ້ຄົນເຮົາເບິ່ງຄືໜຸ່ມກວ່າອາຍຸ,ເບີກບານ,ໃຈດີເປັນໜ້າເຂົ້າໃກ້ຊິດ.
ການຫົວໄດ້ຖືກພິສູດໃນຊີວິດຕົວຈິງແລ້ວວ່າ,ແມ່ນຢາວິເສດທີ່ຖືກກວ່າໝູ່,ແລະຢາປັບມະນຸດສຳພັນທີ່ໄດ້ຜົນທີ່ສຸດ. ອົງການອະນາໄມໂລກໄດ້ກຳນົດມາດຖານ 10 ຂໍ້ກ່ຽວກັບສຸຂະພາບ,ລວມມີສາມດ້ານຄືຮ່າງກາຍແຂງແຮງ,ຈິດໃຈສົມບູນແລະມະນຸດສຳຄັນທີ່ດີ,ສ່ວນການຫົວຍິ້ມແມ່ນວິທີດຽວທີ່ດີທີ່ສຸດທີ່ລື່ນກາຍສາມດ້ານດັ່ງກ່າວ.
ໃນເວລາຫົວ,ຍ້ອນບົດບາດຂອງການຫາຍໃຈ,ໄດ້ເພີ່ມພະລັງແຮງໃຫ້ໂຜ້ງເອິກແລະເນື້ອຫຸ່ມເອິກ,ປອດຈະແວບລົງ,ປະລິມານອອກຊີແຊນໃນເລືອດຈະເພີ່ມຂຶ້ນ,ສະນັ້ນ ການຫົວເປັນການຫັດໝາກຫົວໃຈແລະການໝູນວຽນຂອງເລືອດທີ່ເໝາະສົມ,ມີຜົນດີທີ່ສຸດຕໍ່ການປິ່ນປົວຜູ້ເປັນພະຍາດກ້າມເນື້ອຫົວໃຈຕັນແລະມະເຮັງ. ສຽງຫົວໃນເວລາດີໃຈສາມາດເຮັດໃຫ້ເກີດວັດຖຸຕ້ານພະຍາດຍິ່ງຫຼາຍໃນຮ່າງກາຍ,ສາມາດກຳຈັດພະຍາດຢ່າງບັງເກີດຜົນ. ການຫົວເຮັດໃຫ້ມ່ວນຊື່ນແລະຮູ້ສຶກມີຄວາມສຸກ,ກຳຈັດອາລົມບໍ່ດີທີ່ບັ່ນທອນພູມຕ້ານທານພະຍາດ,ການຫົວມີຜົນດີຕໍ່ການປິ່ນປົວພະຍາດລະບົບປະສາດ.
ຊີວິດຄືກັບໝາກທຸບແທນແຫ່ງຄວາມລຳຄານພວງໜຶ່ງ,ຜູ້ທີ່ມອງໂລກໄປໃນແງ່ດີນັ້ນແມ່ນນັບໄປໝົດພວງດ້ວຍຮອຍຍິ້ມ. ການຫົວຈະນຳເອົາສິ່ງອັດສະຈັນມາຍິງຊີວິດຂອງທ່ານ,ການຫົວຈະຊ່ອຍທ່ານເອົາຊະນະຄວາມເຈັບປວດທຳລະມານແລະຫຼຸດພົ້ນອອກຈາກຄວາມອຸກອັ່ງ,ລືມຄວາມເສົ້າໝອງ,ແລະນຳເອົາສຸຂະພາບມາຍັງທ່ານ.
|
|
|
