|
|
 |
| (GMT+08:00)
2005-04-15 17:35:10
|
 |
|
ໜັງສືປົກຂາວຂຽນວ່າ, ພົນລະເມືອງຈີນມີເສລີພາບເຊື່ອຖືສາສະໜາຕາມກົດໝາຍ
cri
Author: huachunmei
ໜັງສືປົກຂາວກ່ຽວກັບການຄືບໜ້າຂອງພາລະກິດສິດທິມະນຸດຈີນປີ 2004ທີ່ຫ້ອງການຖະແຫຼງຂ່າວຄະນະລັດຖະບານຈີນປະກາດໃນວັນທີ 13 ເມສາຂຽນວ່າ, ພົນລະເມືອງຈີນມີເສລີພາບໃນການເຊື່ອຖືສາສະໜາຕາມກົດໝາຍ. ສິດປະໂຫຍດຊອບກົດໝາຍແລະການເຄື່ອນໄຫວທາງສາສະໜາເປັນປົກກະຕິຂອງອົງການຈັດຕັ້ງສາສະໜາ ສະຖານທີ່ຈັດການເຄື່ອນໄຫວສາສະໜາແລະພົນລະເມືອງຜູ້ເຊື່ອຖືສາສະໜາໄດ້ຮັບການຮັບປະກັນຈາກກົດໝາຍ.
ໜັງສືປົກຂາວຂຽນວ່າ, ປີ 2004, ລັດຖະບານຈີນໄດ້ປະກາດກົດຂໍ້ກຳນົດວຽກງານສາສະໜາ ເຊິ່ງເປັນກົດບັນຍັດບໍລິຫານສັງລວມສະບັບທຳອິດດ້ານສາສະໜາ. ກົດຂໍ້ກຳນົດໄດ້ລະບຸຢ່າງຈະແຈ້ງວ່າ, ອົງການຈັດຕັ້ງສາສະໜາແລະພົນລະເມຶອງຜູ້ເຊື່ອຖືສາສະໜາມີສິດຫຼາຍຢ່າງໃນດ້ານຕ່າງໆ ເຊັ່ນ, ການຈັດການເຄື່ອນໄຫວສາສະໜາ ການສ້າງໂຮງຮຽນສາສະໜາ ການພິມຈຳໜ່າຍວາລະສານສາສະໜາ ການຄຸ້ມຄອງຊັບສິນສາສະໜາແລະການຈັດການເຄື່ອນໄຫວທາງການທູດແລະອື່ນໆ, ພ້ອມກັນນັ້ນ, ຍັງໄດ້ເຮັດໃຫ້ການກະທຳບໍລິຫານຂອງພະແນກບໍລິຫານຄຸ້ມຄອງທີ່ກ່ຽວຂ້ອງຂອງລັດຖະບານເປັນແບບສະບັບ, ຮັບປະກັນຕາມກົດໝາຍບໍ່ໃຫ້ສິດປະໂຫຍດຊອບກົດໝາຍຂອງພົນລະເມືອງຜູ້ເຊື່ອຖືສາສະໜາ ອົງການຈັດຕັ້ງສາສະໜາແລະສະຖານທີ່ຈັດການເຄື່ອນໄຫວສາສະໜາຖືກທຳຮ້າຍ.
ຕາມສະຖິຕິບໍ່ຄົບຖ້ວນ, ປັດຈຸບັນ, ຢູ່ຈີນມີສາສະນິກກະຊົນຂອງສາສະໜາຕ່າງໆ 100 ລ້ານກວ່າຄົນ, ມີສະຖານທີ່ຈັດການເຄື່ອນໄຫວສາສະໜາ 1 ແສນກວ່າແຫ່ງ, ມີຜູ້ປະຕິບັດງານດ້ານສາສະໜາຕ່າງໆປະມານ 3 ແສນຄົນ. ການເຄື່ອນໄຫວເຜີຍແຜ່ສາສະໜາເປັນປົກກະຕິຂອງຜູ້ປະຕິບັດງານເຜີຍແຜ່ສາສະໜາ ການເຄື່ອນໄຫວສາສະໜາເປັນປົກກະຕິທຸກຢ່າງທີ່ຈັດຂຶ້ນຢູ່ສະຖານທີ່ຈັດການເຄື່ອນໄຫວສາສະໜາແລະຈັດຢູ່ເຮືອນຂອງສາສະນິກກະຊົນຕາມຮີດຄອງປະເພນີສາສະໜາລ້ວນແຕ່ໃຫ້ອົງການຈັດຕັ້ງສາສະໜາແລະສາສະນິກກະຊົນຈັດເອົາເອງ, ແລະໄດ້ຮັບການປ້ອງກັນຈາກກົດໝາຍ.
ໜັງສືປົກຂາວຊີ້ອອກວ່າ, ອົງການຈັດຕັ້ງສາສະໜາທີ່ມີລັກສະນະທົ່ວປະເທດແລະທ້ອງຖີ່ນ ເຊິ່ງບັນດາສາສະໜາສ້າງຕັ້ງຂຶ້ນຢ່າງເປັນເຈົ້າຕົນເອງນັ້ນມີ 3 ພັນກວ່າອົງການ, ອົງການດັ່ງກ່າວເລືອກຕັ້ງອົງການນຳພາແລະຜູ້ນຳຕາມກົດລະບຽບຂອງສາສະໜາຕົນ, ຊຳລະວຽກສາສະໜາຢ່າງເປັນເຈົ້າຕົນເອງ, ແລະພິມຈຳໜ່າຍຄຳພີສາສະໜາແລະວາລະສານສາສະໜາ, ສ້າງພາລະກິດບໍລິການສາທາລະນະປະໂຫຍດສັງຄົມ. ໃນນັ້ນ, ໄດ້ພິມຈຳໜ່າຍຄຳພີໄບເບີນ 35 ລ້ານເຫຼັ້ມ. ອົງການຈັດຕັ້ງສາສະໜາໄດ້ສ້າງໂຮງຮຽນສາສະໜາ 76 ແຫຼ່ງເພື່ອອົບຮົມຜູ້ປະຕິບັດງານດ້ານສາສະໜາ.
ນອກນີ້, ບັນດາສາສະໜາຂອງຈີນປະຕິບັດທິດທາງສ້າງສາສະໜາຢ່າງເປັນເອກະລາດ ເປັນເຈົ້າຕົນເອງ, ພ້ອມກັນນັ້ນ, ຕັ້ງໜ້າດຳເນີນການໄປມາຫາສູ່ກັນແລະຕິດຕໍ່ກັນກັບອົງການຈັດຕັ້ງສາສະໜາໃນໂລກບົນພື້ນຖານສະເໝີພາບແລະມີມິດຕະພາບ.
|
|
|
