|
|
 |
| (GMT+08:00)
2005-04-15 17:42:52
|
 |
|
ວິທີເຮັດໃຫ້ຄວາມຊົງຈຳດີຂຶ້ນ
cri
Author: ສຣ
 ການເຮັດໃຫ້ຄວາມຊົງຈຳດີຂຶ້ນອາດຈະແມ່ນບັນຫາຍາກສຳລັບມະນຸດ. ໃນ 10 ກວ່າປີມານີ້ ບັນດານັກວິທະຍາສາດໄດ້ດຳເນີນການຄົ້ນຄວ້າໃນດ້ານນີ້ໂດຍຕະຫຼອດ. ນັກວິທະຍາສາດປະກົດເຫັນວ່າ,ເລື່ອງທຳມະດາທີ່ຄົນທຳມະດາເຮັດໄດ້ນັ້ນສາມາດເຮັດໃຫ້ຄວາມຊົງຈຳຂອງຄົນດີຂຶ້ນ.
ນັກວິທະຍາສາດປະກົດເຫັນວ່າມີອາຫານແລະເຄື່ອງດື່ມຫຼາຍຢ່າງສາມາດເພີ່ມຄວາມຊົງຈຳຂອງຄົນ. ນັກວິທະຍາສາດອິສຣາລາແອນຢືນຢັນວ່າ,ກິນກາເຟຈະຊ່ອຍໃຫ້ຄວາມຊົງຈຳດີຂຶ້ນ. ຄວາມຊົງຈຳມີການພົວພັນຢ່າງແໜ້ນແຟ້ນກັບຈຸລັງປະສາດໃນສະໝອງ,ຕາມເຫັນວ່າ,ພາກສ່ວນທີ່ຮັບຜິດຊອບຄວາມຊົງຈຳໃນສະໝອງແມ່ນ"ກິ່ງກ້ານຂອງແຊນປະສາດ". ນັກວິທະຍາສາດຂອງອິສຣາແອນໄດ້ແຍກຈຸລັງກິ່ງກ້ານເຫຼົ່ານີ້ອອກຈາກສະໝອງ ແລ້ວວາງໄວ້ໃນນ້ຳຢາລ້ຽງໄວ້,ໃຕ້ສະພາບທີ່ບໍ່ມີການກະຕຸກໃດໆ,ຈຸລັງເຫຼົ່ານີ້ຈະຢູ່ຊື່ໆ 3-4 ຊົ່ວໂມງ. ແຕ່ໃນເວລາເອົາກາເຟອິນລົງໃສ່ນ້ຳຢາລ້ຽງແລ້ວ, ຈຸລັງກິ່ງກ້ານເຫຼົ່ານີ້ກໍເຕີບໃຫຍ່ຂຶ້ນແລະຍາວອອກ, ບາງທີຈົນມີ"ກິ່ງງ່າ"ໃໝ່ແຕກອອກຊຶ່ງເປັນປະກົດການທີ່ເຫັນໜ້ອຍ,ນີ້ໝາຍຄວາມວ່າ,ສັບພະຄຸນຂອງຈຸລັງເຫຼົ່ານີ້ໄດ້ເພີ່ມຂຶ້ນ. ນັກເຄມີສາດຂອງຍີ່ປຸ່ນປະກົດເຫັນວ່າ,ຢາເອັນຊິມລະງັບໝວດໜຶ່ງໃນເຫຼົ້າໂທມີບົດບາດເພີ່ມຄວາມຊົງຈຳ.
ການຄົ້ນຄວ້າການພົວພັນລະຫວ່າງອາຫານເຄື່ອງດື່ມກັບຄວາມຊົງຈຳແມ່ນເນື້ອໃນສຳຄັນລາຍໜຶ່ງຂອງວິທະຍາສາດໂພຊະນາການເສັ້ນປະສາດທີ່ຫາກໍ່ເລີ່ມຕົ້ນ. ການກິນວັດຖຸທີ່ມີສານເຄມີປະສາດທຳມະຊາດຢ່າງເໝາະສົມສາມາດເສີມສະຕິປັນຍາ,ແລະຍັງອາດຈະປ້ອງກັນສະໝອງເຖົ້າໄວ. ອາຫານທີ່ຊ່ອຍຄວາມຊົງຈຳເຫຼົ່ານີ້ລວມມີໝາກໄມ້ແລະຜັກຕ່າງໆ,ປາທີ່ມີໄຂມັນຫຼາຍ,ນ້ຳຕານແລະວິຕາມິນເບເປັນຕົ້ນ.
ການຄົ້ນຄວ້າຂອງມະຫາວິທະຍາໄລຫຼັງໜຶ່ງຂອງອັງກິດສະແດງໃຫ້ເຫັນວ່າ,ການຫຍ້ຳຊິງກົມຈະຊ່ອຍຄວາມຊົງຈຳ. ຈາກການທົດລອງປຽບທຽບກັນປະກົດເຫັນວ່າ,ຄວາມຊົງຈຳຂອງຜູ້ຫຍ້ຳຊິງກົມດີກວ່າຜູ້ທີ່ບໍ່ຫຍ້ຳຊິງກົມ. ຜູ້ຄົ້ນຄວ້າເຫັນວ່າ,ໃນເວລາຫຍ້ຳຊິງກົມນັ້ນ ການຫຍ້ຳບໍ່ຢຸດບໍ່ເຊົາໄດ້ເລັ່ງລັດໃຫ້ຫົວໃຈເໜັງຕິງ, ສະໜອງເລືອດໃຫ້ສະໝອງຫຼາຍຂຶ້ນ,ແລ້ວຊຸກຍູ້ການເຄື່ອນໄຫວຂອງສະໝອງ,ຍົກຄວາມສາມາດຄິດຫງຳຂອງຄົນເຮົາໃຫ້ສູງຂຶ້ນ. ພ້ອມກັນນັ້ນ ການຫຍ້ຳເຮັດໃຫ້ມີນ້ຳລາຍຊຶມອອກ,ສ່ວນພາກສ່ວນທີ່ຮັບຜິດຊອບນ້ຳລາຍຊຶມອອກໃນສະໝອງພັດມີການພົວພັນຢ່າງແໜ້ນແຟ້ນກັບຄວາມຊົງຈຳແລະການຮ່ຳຮຽນ. ຜູ້ຄົ້ນຄວ້າວິທະຍາສາດຂອງຍີ່ປຸ່ນກໍປະກົດເຫັນວ່າ,ການຫຍ້ຳຈະກະຕຸກພາກສ່ວນທີ່ກຳກັບຄວາມຊົງຈຳໃນສະໝອງ. ຈຸລັງນິ້ວຕີນມ້ານ້ຳໃນສະໝອງແມ່ນພາກສ່ວນທີ່ກຳກັບການຮ່ຳຮຽນ,ມັນຈະເສື່ອມລົງຕາມການເພີ່ມຂຶ້ນຂອງອາຍຸ,ຄວາມຊົງຈຳໄລຍະສັ້ນກໍຈະເສື່ອມລົງ. ຜູ້ຄົ້ນຄວ້າຂອງຍີ່ປຸ່ນໄດ້ໃຊ້ວິທີສະແກນ ປະກົດເຫັນວ່າ,ການຫຍ້ຳຫຼືຄາງກະໄຕເໜັງຕີງສາມາດເຮັດໃຫ້ຈຸລັງໃນເຂດນິ້ວຕີນມ້ານ້ຳໃນສະໝອງເພີ່ມຂຶ້ນ,ປ້ອງກັນບໍ່ໃຫ້ມັນເຖົ້າແກ່.
ຜູ້ຄົ້ນຄວ້າປະກົດເຫັນວ່າ,ຜູ້ທີ່ນອນຫຼັບດີໆພາຍຫຼັງຮ່ຳຮຽນແລະຝຶກສິ່ງທີ່ຮຽນໃໝ່ນັ້ນ ມື້ລຸນມາ ເຂົາຈະຈື່ຈຳສິ່ງທີ່ຮຽນໃນມື້ກ່ອນດີກວ່າຜູ້ທີ່ຮຽນແນວດຽວກັນແຕ່ບໍ່ນອນໝົດຄືນ. ການປະກົດເຫັນຈຳນວນໜຶ່ງກໍໄດ້ຢັ້ງຢືນຂໍ້ສະຫຼຸບຂອງນັກວິທະຍາສາດອາເມລິກາດັ່ງນີ້ວ່າ:ຮັກສາຈິດໃຈໃຫ້ສະຫງົບທຸ່ນທ່ຽງ,ຮັກສາໃຫ້ໃຈຕ້ອມ,ເຮັດໃຫ້ສະໝອງໄດ້ພັກຜ່ອນເປັນຢ່າງດີຈະຊ່ອຍໃຫ້ຄວາມຊົງຈຳດີຂຶ້ນ. ວິທີງ່າຍໆທີ່ຊ່ອຍໃຫ້ມີສະພາວະດັ່ງກ່າວນັ້ນກໍແມ່ນນວດ,ຄືໃຊ້ນິ້ວໂປ້ແລະນີ້ວຊີ້ນວດໃບຫູຈາກເທິງລົງລຸ່ມເບົາໆ,ໃຊ້ນີ້ວມືສອງເບື້ອງນວດສອງຈຸດຢູ່ຫວ່າງກາງແຄມກັບຄິ້ວ. ວິທີເຫຼົ່ານີ້ຈະຊຸກຍູ້ໃຫ້ເລືອດໝູນວຽນ,ລົບລ້າງອຸປະສັກຂັດຂວາງຄວາມຊົງຈຳແລະເພີ່ມຄວາມຊົງຈຳ. ແຕ່ທຳມະດາແລ້ວ ເພີ່ມຄວາມຊົງຈຳຍັງພົວພັນເຖິງເງື່ອນໄຂສຸຂະພາບ,ສິ່ງແວດລ້ອມແລະປັດໄຈອື່ນໆ,ໂດຍສະເພາະແມ່ນນັກວິທະຍາສາດໄດ້ປະກົດເຫັນວ່າ,ສະໝອງຍິ່ງໃຊ້ກໍຍິ່ງດີ,ໃຊ້ສະໝອງໃຫ້ຫຼາຍຢ່າງເໝາະສົມ,ຈະເລື່ອນເວລາລະບົບປະສາດເຖົ້າໄວ,ຈະຊ່ອຍຮັກສາແລະເສີມຄວາມຊົງຈຳໃຫ້ດີຂຶ້ນ.
|
|
|
