ຫນັງ​ສື​ປົກ​ຂາວ​ກ່ຽວ​ກັບ​ການ​ຄືບ​ຫນ້າ​ຂອງ​ພາ​ລະ​ກິດ​ສິດທິ​ມະນຸດ​​ຈີນ​​ປີ 2004 ​ເຊິ່ງ​ແມ່ນ​ຫ້ອງ​ການ​ຖະ​ແຫຼງຂ່າວ​ຂອງ​ລັດ​ຖະ​ບານ​ຈີນ​ປະກາດ​ນັ້ນຂຽນ​ວ່າ,ລະ​ບອບ​ການ​ຊ່ອຍ​ເຫຼືອ​ດ້ານ​ກົດ​ຫມາຍ​ຂອງ​ຈີນ​ໃນ​ປີ 2004 ​ໄດ້​ຮັບ​ການ​ບູລະນະ​ໃຫ້​ສົມບູນຂຶ້ນ​ຕື່ມ​ອີກ.

ສານ​ປະຊາຊົນ​ສູງ​ສຸດ​ໄດ້​ຜ່ານ​ຂໍ້​ກຳນົດ​ກ່ຽວ​ກັບ​ການ​ຊ່ອຍ​ເຫຼືອດ້ານ​ຕຸລາ​ການ​ແກ່​ຜູ່​ກ່ຽວ​ທີ່​ມີ​ຄວາມ​ຫຍຸ້ງຍາກ​ດ້ານ​ເສດຖະກິດ​ຢ່າງ​​ແທ້​ຈິງ.​ໄດ້​ບູ​ລະ​ນະ​ລະ​ບອບ​ຊ່ອຍ​ເຫຼືອ​ດ້ານ​ຕຸລາການ​ໃຫ້​ສົມບູນ​ຂຶ້ນຕື່ມ​ອີກ,ຕໍ່​ຜູ່​ກ່ຽວ​ທີ່​ມີ​ຄວາມ​ຫຍຸ້ງຍາກ​ດ້ານ​ເສດຖະກິດ​ຢ່າງ​ແທ້​ຈິງ​ໃນ​ຄະດີ​ແພ່ງ​ແລະ​ຄະດີ​ດ້ານ​ບໍລິຫານ​ໂດຍ​ສະ​ເພາະ​ແມ່ນ​ຜູ່​ເຖົ້າ​ຜູ້​ແກ່ ​ແມ່ຍິງ ຜູ້​​ບໍ່​ທັນ​​ເຕັມ​ກະ​ສຽນ​ອາ​ຍຸ,ຄົນ​ພິ​ການ ​ກຳ​ມະ​ກອນ​ທີ່​ຕົກ​ການ ຊາວ​ນາທີ່​ເຮັດ​ວຽກ​ໃນ​ຕົວ​ເມືອງ​ເປັນຕົ້ນ,​ແລະ​ຜູ້​ຖືກ​ທຳ​ຮ້າຍ​ຍ້ອນ​ອຸປະຕິ​ເຫດ​ໃນ​ການ​ປິ່ນປົວ ບາດ​ເຈັບ​​ໃນ​ເວລາເຮັດ​ວຽກ​ເປັນ​ຕົ້ນ,ຜ່ອນ​​ເວລາ​ຈ່າຍ​ຄ່າ​ຮ້ອງ​ຟ້ອງ​ຫຼຸດ​ຫຼືຍົກ​ເວັ້ນ​ຄ່າ​ຮ້ອງ​ຟ້ອງ​ ​ເຮັດ​ໃຫ້​ຜູ່​ກ່ຽວ​ທີ່​ມີ​ເຫດ​ມີ​ຜົນ​ແຕ່​ບໍ່​ມີ​ເງິນ​ກໍ່​ຟ້ອງ​ສານໄດ້.

ຫນັງສື​ປົກ​ຂາວ​ຂຽນ​ວ່າ,​ໃນ​ປີ2004,ສານ​ທົ່ວ​ປະ​ເທດ​ດຳ​ເນີນ​ຄະດີ​​ຊ່ອຍ​ເຫຼືອດ້ານ​ຕຸລາການ 263860 ລາຍ.ຍອດ​ຈຳນວນ​ເງິນ​ຊ່ອຍ​ເຫຼືອດ້ານ​ຕຸລາການມີ 1 ຕື້ 90 ລ້ານ​ຢວນຕ່າງ​​ໄດ້ເພີ່ມ​ຂຶ້ນຫຼາຍກວ່າ​ປີ​ກ່ອນ 15,6%​ແລະ 3,1% .​ໂດຍ​ສະ​ເພາະ​ໄດ້​ອອກ​ປະກາດ​ແຈ້ງການ​​ດ່ວນ​ກ່ຽວ​ກັບ​​ການ​​ໂຮມ​ສູນ​ຊຳລະຄະດີ​​ຕິດ​ຫນີ້ເງິນກິດຈະການ​ແລະ​ເງິນ​ເດືອນ​ຂອງ​​ຊາວນາທີ່​ເຮັດ​ວຽກ​ໃນ​ຕົວ​ເມືອງ,.​ໃຫ້ການ​ຊ່ອຍ​ເຫຼືອ
ດ້ານ​ຕຸລາການ​ຕໍ່​ຄະດີ​ວິວາດ​ກັນ​ຂອງ​ຊາວນາ​ທີ່​ເຮັດວຽກ​ໃນ​ຕົວ​ເມືອງ​ແລະ​ຊຳລະຄະດີ​  ທວງ​​ເອົາ​ຄ່າ​​ແຮງ​ງານ​ເປັນຕົ້ນ 163151 ລາຍ.

​ໃນ​ປີ 2004,ອົງການ​ປົກ​ຄອງ​ທຸກຂັ້ນ​ໄດ້​ເບີກ​​ເງິນ​​ຊ່ອຍ​ເຫຼືອ​ດ້ານ​ກົດ​ຫມາຍ​ 217 ລ້ານ​ຢວນ, ​ໄດ້​ເພີ່ມ​ຂຶ້ນ  43%,ທົ່ວ​ປະ​ເທດ​ໄດ້ສ້າງ​ອົງການ​ຊອ່ຍ​ເຫຼືອ​ນິ​ຕິ​ບັນ​ຍັດ 3023 ​ອົງການ,​ເພີ່ມ​ຂຶ້ນ​ຫຼາຍ​ກວ່າ​ປີ​ກ່ອນ 249 ​ອົງ​ການ,​ໃນຫມົດ​ປີ​​ກາຍໄດ້​ດຳ​ເນີ​ນຄະດີ​​ໃຫ້ການ​ຊ່ອຍ​ເຫຼືອດ້ານ​ກົດຫມາຍ​ລວມ 190187 ລາຍ,ຍ​ອດຈຳນວນຄົນ​ທີ່​ໄດ້​ຮັບ​ການ​ຊ່ອຍ​​ເຫຼືອ 294138 ຄົນ.

ຫນັງສື​ປົກ​ຂາວ​ຂຽນ​ວ່າ,ວົງ​ການ​ຕ່າງ​ໆ​ໃນ​ສັງຄົມ​ກໍ​ຕັ້ງຫນ້າ​ເຂົ້າຮ່ວມ​ວຽກ​ງານ​ການ​ຊ່ອຍ​ເຫຼືອດ້ານ​ກົດຫມາຍ,ລະບົບ​ສະຫະພັນ​ແມ່ຍິງທົ່ວປະ​ເທດ​ໄດ້​ສ້າງ​ສູນ​ຊ່ອຍ​ເຫຼືອດ້ານກົດຫມາຍ​ແລະ​ອົງການ​ປົກ​ປ້ອງ​ສິດ​ຂອງ​ແມ່ຍິງ 2700 ອົງການ,ລະບົບ​ສະຫະພັນ​ກຳມະບານ​ທົ່ວ​ປະ​ເທດ​ໄດ້​ສ້າງ​ອົງການ​ຊ່ອຍ​ເຫຼືອດ້ານ​ກົດຫມາຍ​ຂອງ​ ພາລະກອນ 29990 ​ແຫ່ງ,ລະບົບ​ສະຫະພັນ​ຄົນ​ພິການ​ໃນ​ທົ່ວ​ປະ​ເທດ​ໄດ້​ເຊັນ​ສັນຍາ​​ຮ່ວມ​ມື​ແລະ​​ຊ່ອຍ​ເຫຼືອດ້ານ​ກົດຫມາຍ​ກັບ​ສຳນັກງານ​ທະນາຍຄວາມ 3 ພັນ​ກວ່າ​ຫລັງ​​ຊຳລະ​ຄະດີ​ປົກ​ປ້ອງສິດຂອງ​ຄົນ​ພິການ ມະຫາວິທະຍາ​ໄລ 30 ກວ່າ​ແຫ່ງ​ເຊັ່ນ:ມະຫາວິທະຍາ​ໄລ​ປັກ​ກິ່ງ,ມະຫາວິທະຍາ​ໄລ​ຊິງ​ຮວາ​ແລະມະຫາວິທະຍາ​ໄລ​ອູ​ຮ້ານ​ເປັນຕົ້ນ​ໄດ້​​ເອົ​າການ​ຊ່ອຍ​ເຫຼືອດ້ານ​ກົດຫມາຍ​ແລະການ​ສຶກສາ​ດ້ານ​ກົດຫມາຍ​ປະສານ​ກັນ,​ໃຫ້ການ​ຊ່ອຍ​ເຫຼືອດ້ານ​ກົດຫມາຍ​​ແກ່ມ​ວນຊົນ​ທີ່​ມີ​ຄວາມ​ຫຍຸ້ງຍາກ.