|
|
 |
| (GMT+08:00)
2005-04-17 17:05:08
|
 |
|
ຈີນຈະສ້າງລະບົບກົດບັນຍັດດ້ານຂະແໜງການບໍລິການຮັບຮອງເອເລັກໂຕຼນິກເປັນກ້າວໆ
cri
Author: li
ຕາມຂ່າວສານຊິນຮວາ: ຈີນຈະປະກາດໃຊ້ກົດໝາຍກົດບັນຍັດຕ່າງໆກ່ຽວກັບການຮັບຮອງເອເລັກໂຕຼນິກ,ສ້າງລະບົບກົດບັນຍັດດ້ານຂະແໜງການບໍລິການຮັບຮອງເອເລັກໂຕຼນິກເປັນກ້າວໆ,ເພື່ອຊຸກຍູ້ການຄ້າເອເລັກໂຕຼນິກຂະຫຍາຍຕົວຕື່ມອີກຢູ່ຈີນ.
ຕາມຜູ້ຮັບຜິດຊອບທີ່ກ່ຽວຂ້ອງຂອງກະຊວງອຸດສາຫະກຳຂໍ້ມູນຂ່າວສານຈີນແນະນຳວ່າ,ໃນຫຼາຍປີມານີ້ ການຄ້າເອເລັກໂຕຼນິກຂອງຈີນໄດ້ຂະຫຍາຍຕົວຢ່າງວ່ອງໄວ,ແຕ່ຢູ່ໃຕ້ສະພາບແວດລ້ອມການຄ້າດັ້ງເດີມ,ການຂະຫຍາຍຕົວຂອງການຄ້າເອເລັກໂຕຼນິກກໍໄດ້ປະສົບອຸປະສັກດ້ານກົດໝາຍ,ສະນັ້ນ ອົງການນິຕິບັນຍັດກໍໄດ້ເອົາໃຈໃສ່ຫຼາຍນຳວຽກງານສ້າງກົດໝາຍກ່ຽວກັບການຮັບຮອງເອເລັກໂຕຼນິກ. ສ່ວນກົດໝາຍເຊັນຊື່ເອເລັກໂຕຼນິກທີ່ຈີນເລີ່ມປະຕິບັດແຕ່ເດືອນນີ້ເປັນຕົ້ນໄປກໍແມ່ນກົດໝາຍສຳຄັນສະບັບໜຶ່ງໃນດ້ານນີ້,ມັນແມ່ນກົດໝາຍສະບັບທຳອິດໃນຂົງເຂດຂໍ້ມູນຂ່າວສານຂອງຈີນ,ໄດ້ກຳນົດຜົນສັກສິດດ້ານກົດໝາຍຂອງການເຊັນຊື່ເອເລັກໂຕຼນິກ,ເຮັດໃຫ້ການເຊັນຊື່ເອເລັກໂຕຼນິກເປັນແບບສະບັບ,ຮັກສາສິດປະໂຫຍດອັນຊອບກົດໝາຍຂອງບັນດາຝ່າຍທີ່ກ່ຽວຂ້ອງ,ໄດ້ຮັບປະກັນຄວາມປອດໄພຂອງການຄ້າເອເລັກໂຕຼນິກດ້ານລະບອບກົດໝາຍ. ຕໍ່ໄປພາຍໜ້າ,ຈີນຍັງຈະວາງວິທີຄຸ້ມຄອງແລະມາດຖານທີ່ສົມຄູ່ກັນກ່ຽວກັບການຮັບຮອງເອເລັກໂຕຼນິກອື່ນໆ.
|
|
|
