ເຈົ້າໜ້າທີ່ຊັ້ນສູງຂອງກະຊວງການຕ່າງປະເທດຈີນກ່າວວ່າ,ການຢ້ຽມຢາມສາມປະເທດອາຊີອາຄະເນໃນໄວໆນີ້ຂອງທ່ານຫູຈິນທາວຈະມີຄວາມໝາຍສຳຄັນ
cri
Author: q
ຕາມຂ່າວCRI,ວັນທີ18ເມສາ,ຢູ່ປັກກິ່ງ,ທ່ານອູຕ້າເວີຍ ຮອງລັດຖະມົນຕີກການຕ່າງປະເທດຈີນກ່າວວ່າ,ທ່ານຫູຈິນທາວ ປະທານປະເທດຈີນຈະໄປຢ້ຽມຢາມທາງລັດຖະກິດຕໍ່ບຼູໄນ,ອິນໂດເນເຊຍແລະຟີລິບປິນ,ການຢ້ຽມຢາມເທື່ອນີ້ມີຄວາມໝາຍສຳຄັນຍິ່ງ.
ໃນງານຊຸມນຸມນັກຂ່າວ,ທ່ານອູຕ້າເວີຍເວົ້າວ່າ,ທ່ານຫູຈິນທາວຈະເຂົ້າຮ່ວມກອງປະຊຸມອາຊີອາຟິຼກກາປະຈຳປີ2005ແລະການເຄື່ອນໄຫວລະລຶກວັນຈັດກອງປະຊຸມບັນດຸງຄົບຮອບ50ປີທີ່ຈັດຂຶ້ນຢູ່ອິນໂດເນເຊຍ.ການຢ້ຽມຢາມຂອງທ່ານຫູຈິນທາວເທື່ອນີ້ຈະເພີ່ມທະວີການຮ່ວມມືດ້ວຍໄມຕີຈິດລະຫວ່າງຈີນກັບສາມປະເທດດັ່ງກ່າວຕື່ມອີກ,ເຮັດໃຫ້ການພົວພັນຄູ່ຂາຍຸດທະສາດຈີນອາຊຽນຂະຫຍາຍລົງສູ່ລວງເລິກ,ພ້ອມກັນນັ້ນ,ຕໍ່ການລົງເລິກການຮ່ວມມືດ້ວຍໄມຕີຈິດລະຫວ່າງຈີນກັບປະເທດອາຊີອາຟິຼກການັ້ນ,ກໍມີຄວາມໝາຍສຳຄັນທີ່ສຸດ.
|
|