|
ຫວ່າງມໍ່ໆນີ້, ຢູ່ຫຼາຍຕົວເມືອງຂອງຈີນໄດ້ຈັດການແຂ່ງຂັນມາລາທອນ, ເຊັ່ນ: ມາລາທອນປັກກິ່ງ ມາລາທອນເຊ້ຍເໝິນ ມາລາທອນຮົງກົງ ມາລາທອນຊິງຕາວ ມາລາທອນອູຮ້ານ ມາລາທອນລາຊາແລະອື່ນໆ, ຖ້າວ່າປະຈຸບັນ ໃນວົງການແລ່ນແລະລານຈີນຮຸ່ງທີ່ສຸດນັ້ນແມ່ນທ້າວລິວສຽງ ຜູ່ຊິງໄດ້ແຊມປຽນໃນການແຂ່ງຂັນແລ່ນຂ້າມຮົ້ວ 110 ແມັດ ເພດຊາຍໃນງານກິລາໂອລິມປິກອາແຕນແລ້ວ, ສ່ວນລາຍການ ໃນກິລາແລ່ນແລະລານຢູ່ມາລາທອນແມ່ນແລ່ນຢູ່ຕາມຖະໜົນຫົນທາງສະໜາມແຂ່ງຂັນກວ້າງກວ່າໝູ່ມີນັກກິລາເຂົ້າຮ່ວມຫຼາຍກວ່າໝູ່, ສະນັ້ນ, ການແຂ່ງຂັນມາລາທອນກໍເປັນພາທະນາໂຄສະນາຕົວເມືອງທີ່ເປັນເຈົ້າພາບແລະເປັນພາທະນະໂຄສະນາສິນຄ້າດີທີ່ສຸດ, ອົງການປົກຄອງເປັນຜູ່ຈັດ, ວິສາຫະກິດເປັນຜູ່ເຂົ້າຮ່ວມໂຄສະນາ, ການແຂ່ງຂັນມາລາທອນຈິ່ງໄດ້ຈັດຂຶ້ນຢ່າງຟົດຟື້ນຢູ່ຕົວເມືອງຕ່າງໆຂອງຈີນ.
ເມື່ອເອີ່ຍເຖິງກິລາແລ່ນທົນ, ຄົນທັງຫຼາຍກໍ່ມັກຈະຄິດເຖິງມາລາທອນ, ໄລຍະທາງຂອງມາລາທອນໃນຍຸກປະຈຸບັນມີ 42,195 ກິໂລແມັດ, ທຳມະດາແລ້ວແມ່ນແລ່ນຕາມທາງຫຼວງ.
ຄົນຈີນຕິລາຄາຜົນສະທ້ອນແລະບົດບາດຂອງມາລາທອນທີ່ແລ່ນໃນຕົວເມືອງແນວໃດ? ໃນກອງປະຊຸມ, ເວທີສຸດຍອດມາລາທອນຈີນຄັ້ງປະຖົມມະເລີກທີ່ຈັດຂຶ້ນຢູ່ເມືອງເຊ້ຍເໝິນ, ເມືອງແຄມທະເລທາງພາກຕາເວັນອອກສຽງໃຕ້ຂອງຈີນແລະສິ້ນສຸດລົງຫວ່າງມໍ່ໆນີ້, ທ່ານຫວັງຕ້າເວິ້ຍ ຮອງປະທານສະມາຄົມກິລາແລ່ນແລະລານຈີນເວົ້າວ່າ, "ກິລາແລ່ນແມ່ນຮູບການຫັດກາຍບໍລິຫານທີ່ງ່າຍດາຍແລະໃຊ້ຕົ້ນທຶນໜ້ອຍທີ່ສຸດ, ມວນຊົນເຂົ້າຮ່ວມການແຂ່ງຂັນລາຍນີ້ມີຜົນປະໂຫຍດຫຼາຍ. ການພັດທະນາກິລາມາລາທອນສາມາດຊຸກຍູ້ກິລາຫັດກາຍບໍລິຫານທົ່ວປວງຊົນຂອງພວກເຮົາ, ມີຜົນດີຕໍ່ສຸຂະພາບຂອງປະຊາຊົນ ຊັກນຳການພັດທະນາກິລາແຂ່ງຂັນ, ໃນງານແຂ່ງຂັນມາລາທອນສ່ວນໜຶ່ງຍັງເຊີນນັກກິລາລະດັບສູງມາເຂົ້າຮ່ວມ, ນີ້ກໍ່ຈະຊຸກຍູ້ລະດັບກິລາມາລາທອນຈີນສູງຂຶ້ນ."
ທ່ານຫວັງຕ້າເວິ້ຍກ່າວວ່າ, ເວົ້າສຳລັບຕົວເມືອງໜຶ່ງ, ຖ້າຢາກຈັດງານແຂ່ງຂັນມາລາທອນຕ້ອງມີເງື່ອນໄຂເບື້ອງຕົ້ນສາມຂໍ້ດັ່ງລຸ່ມນີ້: ໜຶ່ງຕ້ອງມີການສະໜັບສະໜູນຂອງພາກສ່ວນສາທາລະນະຄືອົງການປົກຄອງເປັນຕົ້ນ; ສອງຕ້ອງມີເສັ້ນທາງເໝາະສຳລັບການແຂ່ງຂັນ; ສາມມີການອຸປະຖຳຂອງວິສາຫະກິດ. ໃນຂະບວນການພັດທະນາກິລາມາລາທອນຂອງຈີນ, ພາກສ່ວນສາທາລະນະຄືອົງການປົກຄອງແລະວິສາຫະກິດໃຫຍ່ຂອງຈີນແລະຕ່າງປະເທດຈຳນວນໜຶ່ງໄດ້ໃຫ້ການສະໜັບສະໜູນຢ່າງແຂງແຮງ; ສະທານີໂທລະພາບແລະສື່ມວນຊົນອື່ນໆບໍລິສັດກິລາໄດ້ນຳໃຊ້ທ່າແຮງຂອງຕົນເອງຢ່າງເຕັມສ່ວນໃນດ້ານໂຄສະນາແລະຫ້າງຫາເງິນທຶນໃຫ້ແກ່ງານແຂ່ງຂັນມາລາທອນຂອງຈີນ. ມາລາທອນສາກົນປັກກິ່ງແຕ່ຄັ້ງປະຖົມມະເລີດຮອດປະຈຸບັນໄດ້ຈັດຂຶ້ນຢ່າງສຳເລັດຜົນ 24 ຄັ້ງແລ້ວ, ອົງການປົກຄອງບໍ່ໄດ້ລົງທຶນຈັດອັດ, ລ້ວນແຕ່ອາໃສການອຸປະຖຳຂອງວິສາຫະກິດ. ມາລາທອນສາກົນເຊ້ຍເໝິນໄດ້ພັດທະນາຢ່າງວ່ອງໄວນັ້ນ, ກໍ່ໄດ້ຮັບການປະສານສົມທົບຢ່າງແໜ້ນແຟ້ນຈາກຝ່າຍຕ່າງໆທີ່ໄດ້ອຸປະຖຳເງຶນທຶນ.
1 2
|
