|
 ວັນທີ 8 ເມສາ ງານສະແດງລະຄອນສາກົນປັກກິ່ງຄັ້ງທີ 3 ໄດ້ເປີດສາກຢູ່ປັກກິ່ງ,ລາຍການລະຄອນທີ່ອຸດົມສົມບູນຈະສະແດງຢູ່ສະຖານທີ່ສະແດງຕ່າງໆໃນງນະຄອນປັກກິ່ງຕາມລຳດັບໃນໄວໆນີ້,ຜູ່ຊົມທີ່ມັກລະຄອນໄດ້ຕ້ອນຮັບຍາມລາຕີທີ່ເປັນຫນ້າຕື່ນເຕັ້ນແລະລືມຍາກ
ທ່ານຜູ່ຟັງ ທີ່ຟັງມານັ້ນແມ່ນອັດສຽງຂອງລະຄອນກາຊາບຼັງກາທີ່ສະແດງໃນພິທີໄຂງານ,ສາກຫຼັງທີ່ໃຫຍ່ສູງ ແສງໂຄມທີ່ເຫື້ຼອມຕາພ້ອມທັງຫໍແອບແຟ້ນທີ່ພໍເຫັນມົວໆ,ເຮັດໃຫ້ຜູ່ຊົມເຫມືອນດັ່ງຢູ່ເອີລົບພາຍໃຕ້ການປົກຫຸ້ມຂອງເງົາມືດແຫ່ງສົງຄາມ.ລະຄອນຟ້ອນດົນຕີທີ່ແຕ່ງໂດຍອາເມລິກາເລື່ອງນີ້ແມ່ນຮຽບຮຽງຂຽນໃຫມ່ຕາມຮູບເງົາທີ່ມີຊື່ດຽວກັນທີ່ຍອດຍ້ຽມຂອງ ໂຮລີວຸດອາເມລິກາປີ 1942 ,ໄດ້ເລົ່າເລື່ອງຄວາມຮັກທີ່ສັລສົນລະຫວ່າງ ຄວາມເປັນທຳກັບອາລົມຈິດ ຄວາມເຊື່ອຖືກັບຄວາມຮັກ ຄວາມໄວ້ເນື້ອເຊື້ອໃຈກັນກັບການທໍລະຍົດຂອງນາງເອກພະເອກທີ່ຕົກຢູ່ໃນສະພາບວຸ້ນວາຍແຫ່ງສົງຄາມໂລກຄັ້ງທີສອງເມື່ອ 60 ປີກ່ອນ.
ທ່ານຢອນຄຼີຟົດ ຜູ່ກຳກັບການສະແດງລະຄອນດັ່ງກ່າວ ຜູ່ຮຽບຮຽງແລະນຳສະແດງທີ່ມີຊື່ສຽງລະດັບໂລກແນະນຳວ່າໃນການສະແດງເທື່ອນີ້ ພວກຂ້າພະເຈົ້າໄດ້ໃຊ້ປັດໃຈທັງຫມົດທີ່ສາມາດສະແດງນິທານ ລວມທັງການຮ້ອງ ການຟ້ອນແລະການອອກແບບໂຄມໄຟເປັນຕົ້ນ ຈາກດ້ານທີ່ຕ່າງກັນ ຊ່ອຍເພີ່ມທະວີປະສິດທິຜົນລະຄອນທີ່ສະແດງດ້ວຍການຟ້ອນ
ງານສະແດງລະຄອນສາກົນປັກກິ່ງແມ່ນການເຄື່ອນໄຫວວັດທະນະທຳຂະຫນາດໃຫຍ່ທີ່ມີລັກສະນະສັນຍະລັກຂອງນະຄອນປັກກິ່ງ,ນັບມາຮອດປັດຈຸບັນໄດ້ຈັດສອງສະໄຫມຢ່າງສຳເລັດຜົນຕໍ່ເນື່ອງກັນ,ເຮັດໃຫ້ຊີວິດການເປັນຢູ່ດ້ານວັດທະນະທຳຂອງມວນຊົນນະຄອນປັກກິ່ງອຸດົມສົມບູນຂຶ້ນຢ່າງຫຼວງຫຼາຍ,ຕາມສະເຫນີວ່າ ໃນງານສະແດງລະຄອນໃນປີນີ້ຈະສະແດງລາຍການຍອດຍ້ຽມໃຫ້ຫຼາຍກວ່າເກົ່າ,ໃນການລະສະແດງທີ່ຈະດຳເນີນໄປເປັນເວລາ 20 ມື້, ລະຄອນດີເດັ່ນ 19 ເລື່ອງທີ່ມາຈາກຈີນແລະຕ່າງປະເທດຈະສະແດງຢູ່ນະຄອນປັກກິ່ງເປັນລຳດັບ,ແລະຈະສະແດງ 50 ກວ່າຮອບ ທ່ານລ້ຽວເປິ່ນ ຜູ່ຮັບຜິດຊອບຜູ່ຫນຶ່ງຂອງຝ່າຍຈັດການເຄື່ອນໄຫວເວົ້າດ້ວຍຄວາມຊື່ນໃຈວ່າ:ງານສະແດງລະຄອນສາກົນປັກກິ່ງພວມນັບມື້ນັບຂະຫຍາຍໄປສູ່ການຫັນເປັນຍີ່ຫໍ້ ຫັນເປັນແບບສະບັບແລະຫັນເປັນຫຼາຍຢ່າງຫຼາຍແນວ
ຈຸດຮຸ່ງຈຸດຫນຶ່ງໃນງານສະແດງລະຄອນປີນີ້ ກໍ່ແມ່ນຈະສະແດງ10 ເລື່ອງຍອດຍ້ຽມທີ່ໄດ້ຮັບນາມມະຍົດກິດຈະການສີລະປະເວທີປາໄສຍອດຍ້ຽມແຫ່ງຊາດຈີນ
ກິດຈະການສີລະປະເວທີປາໄສຍອດຍ້ຽມແຫ່ງຊາດແມ່ນການເຄື່ອນໄຫວປະກວດສີລະປະຍອດຍ້ຽມແຫ່ງຊາດຈີນປະຈຳປີ,ລະຄອນທີ່ໄດ້ຮັບການປະກວດລ້ວນແຕ່ແມ່ນລະຄອນທີ່ດີເດັ່ນກວ່າຫມູ່ຂອງຈີນປີ 2005 ແລະຕາງຫນ້າລະດັບສູງສຸດຂອງສີລະປະເວທີປາໄສຈີນໃນສະເພາະຫນ້ານີ້ ,ປັດຈຸບັນ ລະຄອນຄວາມຝັນຄູຫາຕຸ່ນຮວງເປັນຕົ້ນໄດ້ສະແດງຢ່າງສຳເລັດຜົນໃນງານສະແດງລະຄອນ,ໄດ້ຮັບຄວາມນິຍົມຊົມຊອບຈາກຜູ່ຊົມ
ທີ່ທ່ານພວມຟັງຢູ່ນີ້ແມ່ນດົນຕີຂອງລະຄອນຟ້ອນຄວາມຝັນຄູຫາຕຸ່ນຮວງ,ດົນຕີລະຄອນຟ້ອນມີເອກະລັກພາກຕາເວັນຕົກສຽງເຫນືອຂອງຈີນຢ່າງເຂັ້ມຂຸ້ນ,ການອອກແບບການສະແດງການຟ້ອນກໍເຕັມໄປດ້ວຍລັກສະນະລະຄອນຢ່າງຮຸນແຮງ
ຢູ່ສະຖານທີ່ສະແດງ ບໍ່ພຽງແຕ່ມີຜູ່ຊົມຈີນຫຼາຍໆຄົນມັກລະຄອນຟ້ອນນິ້ ແລະຍັງມີເພື່ອນຕ່າງປະເທດບາງຄົນກໍໂອ້ລົມສົນທະນາເລື່ອງການສະແດງຂອງນັກສະແດງຢ່າງຕິດອົກຕິດໃຈ.ທ່ານກາມີເຢີ ຜູ່ຊົມຝຣັ່ງຜູ່ຫນຶ່ງທີ່ມາທ່ຽວປັກກິ່ງເວົ້າຕໍ່ນັກຂ່າວວ່າ,ເພິ່ນຮູ້ສຶກແປກໃຈຕໍ່ອິລິຍາບົດໃນການຟ້ອນຂອງລະຄອນນີ້,ເພິ່ນເວົ້າວ່າ,ລະຄອນເລື່ອງນີ້ມ່ວນຫຼາຍ,ມັນຕ່າງກັນກັບການຟ້ອນບານເລດັ້ງເດີມ,ມັນໄດ້ສະແດງໃຫ້ເຫັນຄວາມຮັກອັນເລິກເຊິ່ງລະຫວ່າງຊາວຫນຸ່ມດ້ວຍຮູບການຟ້ອນພິເສດແນວນີ້,ເຮັດໃຫ້ຄົນຮູ້ສຶກກະຕຸ້ນໃຈ,ຂ້າພະເຈົ້າມັກທີ່ສຸດ
ໃນການສະແດງຂອງງານສະແດງລະຄອນໃນຫຼາຍມື້ມານີ້, ລະຄອນກິນຊາ ເຊິ່ງແມ່ນລະຄອນດົນຕີຈີນເປັນຜູ່ແຕ່ງນັ້ນກໍໄດ້ດູດດຶງສາຍຕາຂອງຜູ່ຊົນຈຳນວນຫຼວງຫຼາຍ ລະຄອນດັ່ງກ່າວແມ່ນທ່ານຊານປາວ ນັກດົນຕີທີ່ມີຊື່ສຽງຂອງຈີນເປັນຜູ່ແຕ່ງນົດເພງແລະຫົວຫນ້າຜູ່ກຳກັບການສະແດງ
ເມື່ອກ່າວເຖິງຂະບວນການແຕ່ງລະຄອນ,ທ່ານຊານປາວເວົ້າວ່າຂ້າພະເຈົ້າແມ່ນຢາກໃຊ້ເນື້ອເລື່ອງແບບມວນຊົນທີ່ເຮັດໃຫ້ຄົນຫຼາຍກວ່າເກົາຮັບເອົາໄດ້ ເຮັດໃຫ້ຄົນຫຼາຍຍິ່ງຂຶ້ນຫວນຄືນວັດທະນະທຳທີ່ບັນພະບຸລຸດຈົ່ງໄວ້ໃຫ້ພວກເຮົາ ນີ້ແມ່ນຈຸດປະສົງຂອງຂ້າພະເຈົ້າ ນຳໃຊ້ພາຫະນະທີ່ເຜີຍແຜ່ໃຫ້ທົ່ວເຖິງ ໃຫ້ສາມັນຊົນແລະຜູ່ຊົມເຂົ້າສູ່ໂຮງລະຄອນ,ໄປຊອກຮູ້ອາລະຍະທຳອັນກ້ານກຸ່ງຮຸ່ງເຮືອງທີ່ບັນພະບຸລຸດປະດິດສ້າງໄວ້ໃຫ້ພວກເຮົາ,ນີ້ກໍແມ່ນຈຸດປະສົງຂອງຂ້າພະເຈົ້າ
|
