|
|
 |
| (GMT+08:00)
2005-04-19 16:39:16
|
 |
|
ທ່ານຕິງຟັງ ນັກແຕ້ມຮູບ
cri
Author: q
ທ່ານຕິງຟັງ ປີນີ້ອາຍຸ 49 ປີ,ເກີດຢູ່ເມືອງອູກົງແຫ່ງແຂວງສ້ານຊີພາກພາຍັບຂອງຈີນ,ເພິ່ນມັກແຕ້ມຮູບມາຕັ້ງແຕ່ຍາມຍັງນ້ອຍ,ທິວທັດແລະຮີດຄອງປະເພນີຢູ່ພູພຽງດິນເຫຼືອງເຊິ່ງເປັນແຫຼ່ງກຳເນີດໄດ້ເປັນພາບປະທັບໃຈອັນເລິກເຊິ່ງຝັງໄວ້ໃນຄວາມຈຳຂອງເພິ່ນຕັ້ງແຕ່ຍາມໄວເດັກ,ນີ້ກໍ່ແມ່ນສາຍເຫດອັນຫນຶ່ງໃນຂັ້ນຕໍ່ມາເພິ່ນໄດ້ເອົາພູພຽງດິນເຫຼືອງຂອງບ້ານເກີດເປັນບໍ່ເກີດແຫ່ງການແຕ້ມຮູບຂອງເພິ່ນ.ປີ 1978 ,ທ່ານຕິງຟັງໄດ້ເສັງເຂົ້າຮຽນໃນສະຖາບັນສິນລະປະກຳນານກິ່ງແລ້ວໄດ້ຮັບການຝິກແອບແຕ້ມຮູບຢ່າງເປັນລະບົບເປັນທາງການປີ 1990,ທ່ານຕິງຟັງໄດ້ເລີ່ມຜ່ານຊີວິດເປັນນັກແຕ້ມອາຊີບຢູ່ປັກກິ່ງ.
ທ່ານຕິງຟັງແມ່ນເດັກນ້ອຍທີ່ອອກຈາກພູພຽງດິນເຫຼືອງ,ເພິ່ນມີຄວາມຂອບອົກຂອບໃຈແລະຄວາມອາໄລອາວອນຢ່າງເລິກເຊິ່ງຕໍ່ບ້ານເກີດເມືອງນອນ,ເພິ່ນເຄີຍໄປຜະຈົນໄພແລະເຕ້ມຮູບຢູ່ພູພຽງເຫຼືອງຕັ້ງຫຼາຍເທື່ອ,ບໍ່ຫນຳ,ມີເທື່ອຫນຶ່ງເພິ່ນຜູ່ດຽວຍັງໄດ້ນອນຢູ່ເທິງພູເຮື້ອຕັ້ງ 40 ກວ່າມື້,ພູພຽງອັນພິລຶກຫຶກຫນັກຫນາໄດ້ເຮັດໃຫ້ດວງໃຈວິນຍານຂອງເພິ່ນສັ່ນສະເທືອນແຮງທີ່ສຸດ,ຮີດຄອງປະເພນີອັນຜູດຜ່ອງກໍ່ໄດ້ເຮັດໃຫ້ເພິ່ນມີຄວາມຮູ້ສຶກຕໍ່ຄວາມອຸດົມສົມບູນຂອງວັດທະນະທຳຈີນຢ່າງເລິກເຊິ່ງ,ຈາກນັ້ນເພິ່ນໄດ້ແຕ້ມຮູບພູພຽງດິນເຫຼືອງຢ່າງເປັນລະບົບ.ໃນຮູບແຕ້ມເຫຼັ້ມນີ້,ຮູບພູພຽງທັງຫມົດງາມສະຫງ່າຫນ້າຊົມ,ຄົນກັບດິນໄດ້ເຊື່ອມໂຍງເຂົ້າກັນເປັນອັນດຽວ,ໃນຮູບເຫຼົ່ານີ້ຍັງສະແດງໃຫ້ເຫັນກຳລັງໃຈອັນແຮງກ້າແນວຫນຶ່ງອີກ.
ທ່ານຕິງຟັງແມ່ນນັກສິລະປິນຜູ່ຫນຶ່ງທີ່ສະແຫວງຫາຄວາມຫມັ້ນໃຈໃນມະໂນພາບ,ເພິ່ນເຫັນວ່າກຳລັງຈິດໃຈໃນສິ່ງປະພັນແມ່ນສຳຄັນທີ່ສຸດຢູ່ໃນໂລກນີ້ບໍ່ມີສິ່ງປະພັນອັນຍິ່ງໃຫຍ່ທີ່ບໍ່ມີຈິດໃຈ,ສິ່ງປະພັນບໍ່ພຽງແຕ່ແມ່ນອາໄວຍະວະທີ່ກະຕຸ້ນຄວາມຮູ້ສຶກທໍ່ນັ້ນ,ສຳຄັນກວ່າຫມູ່ແມ່ນສັ່ນສະເທືອນຈິດວິນຍານ,ໃນເວລາແຕ້ມຮູບຢູ່ນັ້ນ,ເພິ່ນໄດ້ສຳນຶກຮູ້ຢ່າງເລິກເຊິ່ງວ່າ,ຈິດໃຈແຫ່ງຄວາມເຊື່ອຖືກັບການຢູ່ລອດຂອງມວນມະນຸດແມ່ນກ່ຽວພັນກັບຢ່າງສະຫນິດແຫນ້ນ,ການພັດທະນາເສດຖະກິດຂອງຈີນແລະລະດັບການຄອງຊີບສູງຂຶ້ນນັ້ນໄດ້ເຮັດໃຫ້ທັດສະນະ ຄູນຄ່າຂອງຄົນຈຳນວນຫນຶ່ງມີການປ່ຽນແປງຢ່າງໃຫຍ່ຫຼວງ,ເພິ່ນຫວັງຢາກອາໄສສິນລະປະ,ໄປຊອກຫາຈິດໃຈຊາດທີ່ຕົກເຮ່ຽແລ້ວນັ້ນ,ມາສ້າງທັດສະນະຄຸນຄ່າທາງດ້ານຈິດໃຈຂອງຊາວຈີນຄືນໃຫມ່.
ເພິ່ນເວົ້າວ່າ,ໃນຫຼາຍປີມານີ້, ສິ່ງທີ່ຂ້າພະເຈົ້າຜິປອງຊອກຄົ້ນນັ້ນຕົ້ນຕໍແມ່ນຈິດໃຈພາກຕາເວັນອອກທີ່ໄດ້ຕົກເຮ່ຍໄປແລ້ວ,ຫຼືເວົ້າວ່າແມ່ນຈິດໃຈຊາດຈີນ,ເຈົ້າຂອງກໍໄດ້ຊອກຄົ້ນແລະທຳຄວາມພະຍາຍາມມາຫຼາຍສົມຄວນໃນດ້ານນີ້ມາແລ້ວ,ຮູບແຕ້ມຂອງເພິ່ນຫຼາຍໆແຜ່ນລ້ວນແຕ່ສະແດງໃຫ້ເຫັນແນວຄຶດດັ່ງກ່າວນີ້,ທ່ານຕິງຟັງໄດ້ຮຽກຮູບແຕ້ມປະເພດນີ້ຂອງເພິ່ນເປັນຮູບແຕ້ມອັນລ້ຳເລິກ.
ທ່ານຜູ່ຟັງທີ່ໂຄລົບ,ຮູບແຕ້ມສີນ້ຳມັນແມ່ນຮູບແຕ້ມຊະນິດຫນຶ່ງຂອງຝ່າຍຕາເວັນຕົກ,ໃນຕົ້ນສັດຕະວັດທີ 20 ໄດ້ແຜ່ເຂົ້າສູ່ປະເທດ,ເຊິ່ງຕ່າງກັນຫມົດກັບຮູບແຕ້ມຂອງຈີນທີ່ໃຊ້ສີປົນນ້ຳເປັນຫຼັກ,ໃນການແຕ້ມດ້ວຍສີນ້ຳມັນນັ້ນ,ທ່ານຕິງຟັງແມ່ນຄຶດຈະເດີນຕາມເສັ້ນທາງທີ່ມີສີສັນພິເສດຂອງຕາເວັນອອກລອງເບິ່ງ,ເພິ່ນໄດ້ຫມູນໃຊ້ບາງຈຸດພິເສດຂອງການແຕ້ມຮູບດັ້ງເດີມຂອງຈີນເຂົ້າໃນການແຕ້ມຮູບສີນ້ຳມັນ.ເຮັດໃຫ້ຮູບມີປະສິດທິຜົນໂດດເດັ່ນຂຶ້ນ.
ເພິ່ນເວົ້າວ່າ, ລັກສະນະແຕ້ມໂຍກຂອງຂ້າພະເຈົ້າແມ່ນຕາມໃຈ,ມີຫຼາຍອັນແມ່ນມີລັກສະນະບັງເອີນ,ມັນບໍ່ແມ່ນວິທະຍາສາດປານໃດ,ນີ້ແມ່ນຫົວກະທິຂອງຮູບແຕ້ມດ້ວຍຄວາມຄຶດແບບຈີນອ້ອຍຕ້ອຍ,ຮູບແຕ້ມຂອງຂ້າພະເຈົ້າຈຳນວນຫນຶ່ງໃນປະຈຸບັນ,ປະສິດທິພາບຂອງໂຄງປະກອບແລະແສງທັງຫມົດ,ເຮັດໃຫ້ຄົນທັງຫຼາຍເບິ່ງແລ້ວເຫັນວ່າອາດຈະແມ່ນຂອງຝ່າຍຕາເວັນຕົກ,ແຕ່ໃນຕົວຈິງແລ້ວ,ຂະບວນວິວັດແຫ່ງການແຕ້ມແລະວິທີສະແດງອອກພ້ອມທັງຄວາມຮູ້ສຶກຈາກການເຊື່ອມຊືມນັ້ນລ້ວນແຕ່ໄດ້ຮັບຜົນຈາກມູນເຊື້ອຂອງຝ່າຍຕາເວັນອອກທັງຫມົດ.
ທ່ານຕິງຟັງໄດ້ເອົາຮູບແຕ້ມຂອງທ່ານໄປວາງສະແດງເປັນລຳດັບຢູ່ອາເມລິກາ.ເຢຍລະມັນ ຊູແອັດເປັນຕົ້ນ,ຜ່ານການແລກປ່ຽນກັນທາງສາກົນ,ທ່ານຕິງຟັງຮູ້ສຶກວ່າ,ຢູ່ຕ່າງປະເທດມີຄົນຈຳນວນຫນຶ່ງມີຄວາມເຂົ້າໃຈຜິດຕໍ່ສິນລະປະກຳຂອງຈີນ,ເພິ່ນຫວັງວ່າໂດຍຜ່ານຮູບແຕ້ມຂອງເພິ່ນ,ຄົງຈະເຮັດໃຫ້ຄວາມອຸດົມທາງດ້ານຈິດໃຈຂອງສິນລະປະກຳຈີນແບອອກໃຫ້ຊາວໂລກເຫັນຄົງຈະເຮັດໃຫ້ຊາວຕ່າງປະເທດມີຄວາມຮູ້ສຶກລັກສະນະຫຼາຍເຄົ້າຂອງສິນລະປະກຳຈີນ.
ທ່ານຕິງຟັງຍັງແມ່ນນັກສິນລະປິນແບບນັກປາດຜູ່ຫນຶ່ງ,ປະຈຸບັນ,ເພິ່ນຍັງຮັບດຳລົງຕຳແຫນ່ງເປັນສາດສະດຈານຜູ່ຮັບເຊີນຢູ່ສະຖາບັນຄົ້ນຄວ້າສິນລະປະຮູບຄວັດຂອງມະຫາວິທະຍາໄລນານກິ່ງຂອງຈີນ,ນອກຈາກແຕ້ມຮູບແລ້ວ,ເພິ່ນຍັງຂຽນປື້ມ,ພິມຊຸມນຸມນິພົນແລະບົດຄົ້ນຄວ້າສິນລະປະກຳຂອງຕົນອີກ,ບົດວິຈານຂອງເພິ່ນຄືສິນລະປະກຳຍຸກສະໄຫມພວກເຮົາ,ຈິດໃຈກັບພາສາແຕ້ມຮູບເປັນຕົ້ນລ້ວນແຕ່ເລິກເຊິ່ງທີ່ສຸດ,ມີຄວາມເຫັນຈຳເພາະຂອງຕົນ.
|
|
|
