|
|
 |
| (GMT+08:00)
2005-04-20 10:48:32
|
 |
|
ຟີລິບປິນແລະປາກີສະຖານກ້າວເຖິງຂັ້ນມີຄວາມຮັບຮູ້ຄືກັນຢ່າງກວ້າງຂວາງກ່ຽວກັບການເພີ່ມທະວີການຮ່ວມມືກັນ
cri
Author: da
ຕາມຂ່າວສານຊິນຮວາ:ວັນທີ 19 ເມສາ,ລັດຖະບານຟີລິບປີນອອກຖະແຫຼງການວ່າ,ທ່ານນາງອາໂລໂຢ ປະທານາທິບໍດີຟີລິບປິນໄດ້ພົບປະເຈລະຈາກັບທ່ານມູຊາລັຟ ປະທານາທິບໍດີປາກີສະຖານທີ່ໄປຢ້ຽມຢາມ,ສອງຝ່າຍໄດ້ກ້າວເຖິງຂັ້ນມີຄວາມຮັບຮູ້ຄືກັນຢ່າງກວ້າງຂວາງກ່ຽວກັບຫຼາຍບັນຫາເຊັ່ນການເພີ່ມທະວີການຮ່ວມມືຕ້ານລັດທິກໍ່ການຮ້າຍ ເປີດກວ້າງການແລກປ່ຽນທາງເສດຖະກິດແລະວັດທະນະທຳເປັນຕົ້ນລະຫວ່າງສອງປະເທດ.
ໃນເວລາພົບປະ,ທ່ານມູຊາລັຟເວົ້າວ່າ,ປາກີສະຖານສະໜັບສະໜູນລັດຖະບານຟີລິບປິນທຳຄວາມພະຍາຍາມເພື່ອປາບປາມການເຄື່ອນໄຫວກະບົດຢູ່ເກາະມີນດານາວພາກໃຕ້ຂອງຟີລິບປິນ.
ທ່ານນາງອາໂລໂຢເວົ້າວ່າ,ຟີລິບປິນຫວັງເປັນສະມາຊິກຂອງອົງການສະພາອິສລາມ,ເພື່ອເຮັດໃຫ້ຊາວມຸສລີມຂອງຟີລີບປິນຮູ້ສຶກຄວາມສຳຄັນຂອງຕົນທີ່ມີຕໍ່ທົ່ວໂລກມຸສລິມ.ສຳລັບເລື່ອງນີ້,ທ່ານມູຊາລັຟເວົ້າວ່າ,ລັດຖະບານປາກີສະຖານສະໜັບສະໜູນຟີລິບປີນທີ່ຂໍຮ້ອງເປັນຜູ້ສັງເກດການຖາວອນຂອງອົງການສະພາອິສລາມ.
ວັນທີ 19 ເມສາ,ຢູ່ນະຄອນມານີລາ,ເຈົ້າໜ້າທີ່ລັດຖະບານຂອງສອງປະເທດຍັງໄດ້ລົງນາມໃນຂໍ້ຕົກລົງຮ່ວມມື 4 ລາຍທີ່ກ່ຽວພັນເຖິງການຮ່ວມມືຕ້ານລັດທິກໍ່ການຮ້າຍ ການຮ່ວມມືໃນຂົງເຂດເສດຖະກິດແລະວັດທະນະທຳເປັນຕົ້ນ.
|
|
|
