|
ຊຸດນ້ຳຊາຂອງຈີນມີຫຼາຍ ຢ່າງຫຼາຍແນວ,ໃນນັ້ນແມ່ນການ້ຳຊາສີອິດທີ່ເປັນເຄື່ອງປັ້ນດິນເຜົາທີ່ຜະລິດຢູ່ເມືອງອີຊິງແຂວງຈຽງຈູ່ແມ່ນມີຊື່ສຽງກວ່າ ຫມູ່.ການ້ຳຊາສີອິດທີ່ເປັນເຄື່ອງປັ້ນດິນເຜົາກຳເນີດເກີດຂຶ້ນໃນປີໃດ, ປັດຈຸ ບັນບໍ່ມີຂໍ້ມູນພິສູດໃຫ້ເຫັນ,ແຕ່ວ່າເອກະສານບູຮານນະຄະດີໄດ້ພິສູດໃຫ້ເຫັນວ່າ ການກຳເນີດການ້ຳຊາສີອິດທີ່ເປັນເຄື່ອງປັ້ນດິນເຜົາຢ່າງຫນ້ອຍໄດ້ມີປະຫວັດຫນຶ່ງພັນປີແລ້ວ
ມູນເຫດກົກຮາກທີ່ການ້ຳຊາທີ່ເປັນເຄື່ອງປັ້ນດິນເຜົາມີຊື່ສຽງໃນໂລກນັ້ນແມ່ນຍ້ອນທ່າແຮງດິນສີອິດທີ່ເຮັດເປັນວັດຖຸດິບທີ່ຜະລິດການ້ຳຊາສີອິດ.ໃນເວລາບົດປະພັນກ່ຽວກັບເຄື່ອງປັ້ນດິນເຜົາຫຼາຍໆບົດວິເຄາະວັດຖຸດິບດິນສີອິດໃນສະໄຫມມໍ່,ລ້ວນແຕ່ກ່າວວ່າມີທາດທີ່ມີເຫຼັກເຂົ້າຫມ້ຽງ.ສິ່ງທີ່ເປັນຫນ້າປະຫຼາດນັ້ນແມ່ນດິນທີ່ມີເຫຼັກເຂົ້າຫມ້ຽງ,ຢູ່ແຫ່ງຕ່າງໆຂອງຈີນມີຫຫຼາຍໆແຫ່ງ,ແຕ່ດິນຢູ່ແຫ່ງອື່ນໆຜະລິດການ້ຳຊາສີອິດບໍ່ໄດ້.ຕາມວິທະ ຍາສາດ ສະໄຫມປັດຈຸບັນວິເຄາະວິໄຈວ່າ ອົງປະກອບໂມເລກຸນຂອງດິນສີອິດຕ່າງກັນກັບດິນອື່ນໆ,ເຖິງວ່າແມ່ນດິນສີອິດຄືກັນ ອົງປະກອບຂອງມັນກໍຕ່າງກັນຫຼາຍ ແລະມີຄວາມແຕກຕ່າງກັນບໍ່ຫຼາຍບໍ່ຫນ້ອຍ.ສະນັ້ນ ຍ້ອນວັດຖຸດິບຕ່າງກັນ ຈຶ່ງນຳເອົາສັບພະຄຸນແລະຄວາມຮູ້ສຶກຕ່າງກັນມາໃຫ້ຄົນທັງຫຼາຍ,ສະນັ້ນ ການປະເມີນທາດດີແລະທາດບໍ່ດີຂອງການ້ຳຊາສີອິດທີ່ເປັນເຄື່ອງປັ້ນດິນເຜົາ ກ່ອນອື່ນແມ່ນເບິ່ງຄຸນນະພາບດິນຂອງມັນ
1 2 3 4 5 6
|
