|
 ຄຳສຸພາສິດນີ້ໄດ້ບັນທຶກໄວ້ໃນຕຳລາວິທະຍາຍຸດຊຸ່ນຈືທີ່ມີຊື່ສຽງຂອງຊຸ່ນອູ ນັກການທະຫານທີ່ມີຊື່ສຽງໃນສະໄໝບູຮານຂອງຈີນ, ຄວາມຫມາຍຂອງສຸພາສິດນີ້ກໍ່ແມ່ນ ເວລາ "ປິດລ້ອມຝ່າຍສັດຕູຕ້ອງຈົ່ງທາງອອກໄວ້ໃຫ້ຝ່າຍສັດຕູ. ອາດຈະມີຄົນຖາມວ່າ, ເປັນຫຍັງຝ່າຍເຮົາຈະໄດ້ຮັບໄຊຊະນະແລ້ວ, ພັດຍັງຈົ່ງທາງໃຫ້ສັດຕູປົບຫນີ? ແມ່ນແທ້, ເວົ້າຕາມກົດເກນທຳມະດາແລ້ວ, ນີ້ແມ່ນເລື່ອງທີ່ເຂົ້າໃຈຍາກ. ແຕ່ຖ້າພວກເຮົາຄິດເບິ່ງດີໆ, ກໍ່ຈະເຂົ້າໃຈຄວາມໝາຍອັນເລິກເຊິ່ງຂອງເຈດຈຳນົງດັ່ງກ່າວຂອງຊຸນອູໄດ້ບໍ່ຍາກ.
ໂດຍທົ່ວໄປແລ້ວ, ບໍ່ວ່າຈະສູ້ລົບຢູ່ທີ່ຫມັ້ນກາງສະໜາມຫຼືວ່າສູ້ລົບຮັກສາເມືອງ, ກອງທະຫານສັດຕູທີ່ຕົກຢູ່ໃນສະພາບຖືກປິດລ້ອມ, ອາດຈະມີຄວາມຄິດສາມຢ່າງ, ໜຶ່ງແມ່ນຍອມຈຳນົນ, ສອງແມ່ນສູ້ລົບຢ່າງເອົາເປັນເອົາຕາຍ, ແຕ່ສ່ວນຫຼາຍແມ່ນປະເພດທີ່ສາມຄືຄອຍສັງເກດເບິ່ງກ່ອນ, ຟັງຄຳສັ່ງຂອງຜູ່ບັນຊາ.
ໃຕ້ສະພາບແນວນີ້, ຖ້າປິດລ້ອມສັດຕູທັງສີ່ດ້ານ, ອາດຈະພາໃຫ້ຜູ່ບັນຊາການຝ່າຍສັດຕູຕັດສິນໃຈໂສຕາຍ. ກົງກັນຂ້າມ, ຖ້າຕັ້ງຈົ່ງທາງອອກໃຫ້ຝ່າຍສັດຕູ, ກໍ່ອາດຈະເຮັດໃຫ້ຜູ່ບັນຊາການຝ່າຍສັດຕູລັງເລໃຈຈະໂຕນໜີຫຼືສູ້ຕາຍ, ພ້ອມກັນນັ້ນ ກໍ່ຈະເຮັດໃຫ້ທະຫານສັດຕູເສຍຂັວນແລະກຳລັງໃຈໃນການສູ້ລົບ.
ຍິ່ງສຳຄັນກວ່ານັ້ນແມ່ນ ການຈົ່ງທາງອອກໃຫ້ສັດຕູແມ່ນຈົ່ງທາງໃຫ້ສັດຕູປົບໜີ, ຫາກແມ່ນຄອຍຖ້າຜົກຕີສັດຕູຢູ່ບ່ອນທີ່ສັດຕູຕ້ອງຜ່ານໃນເວລາປົບຫນີ, ເຮັດໃຫ້ສັດຕູຕົກຢູ່ໃນວົງດັກສະກັດຂອງກອງທັບຝ່າຍເຮົາໃນເວລາປົບໜີຢ່າງຟ້າວຟັ່ງ.
ໂດຍສະເພາະແມ່ນເວລາປິດລ້ອມຝ່າຍສັດຕູທີ່ເຝົ້າຮັກສາເມືອງ, ຕາບໃດສັດຕູປະເມືອງໜີໄປ, ຝ່າຍເຮົາກໍ່ຈະໄດ້ເມືອງນັ້ນໂດຍບໍ່ຕ້ອງໄປຕີເອົາຢ່າງຍາກຊາ, ແລະຫັນມາດັບສູນກອງທະຫານສັດຕູຢ່າງຮາບຄາບຢູ່ສະໜາມລົບ. ເມື່ອທຽບກັນແລ້ວ, ຄວາມລຳບາກໃນການສູ້ລົບກັບກອງທະຫານສັດຕູທີ່ຜ່ານແພ້ໂຕນໜີຈະງ່າຍກວ່າການສູ້ລົບກັບກອງທະຫານສັດຕູທີ່ສູ້ຕາຍຢ່າງເດັ່ນຊັດ, ຄ່າຕອບແທນກໍໜ້ອຍກວ່າຫຼາຍ. ນາຍທະຫານທີ່ມີຫົວຄິດທຳມະດາຍ່ອມຮູ້ເຫດຜົນງ່າຍໆແບບນີ້. ສະນັ້ນ, ຈົ່ງທາງອອກການໄວ້ໃຫ້ສັດຕູໃນເວລາປິດລ້ອມ ຈຶ່ງກາຍເປັນວິທີສູ້ລົບຢ່າງໜຶ່ງທີ່ມັກໃຊ້ກັນໃນສົງຄາມທຸກສະໄໝ.
ເຈັງກິສຂານໃນສະໄໝບູຮານສາມາດນຳພາທະຫານມ້າເອົາຊະນະສັດຕູຕະຫຼອດທາງ, ບໍ່ວ່າສູ້ລົບກັນຢູ່ສະໜາມຫຼືວ່າບຸກປ້ອມປາການ, ເກືອບວ່າບຸກເອົາໄດ້ທຸກແຫ່ງ, ມູນເຫດສຳຄັນອັນໜຶ່ງກໍ່ແມ່ນ ເຈັງກິສຂານໄດ້ໃຊ້ຍຸດໂທບາຍ ຈົ່ງທາງອອກໃຫ້ສັດຕູເກືອບທຸກເທື່ອ, ມັກລໍ້ໃຫ້ທະຫານສັດຕູທີ່ເຝົ້າຮັກສາອອກຈາກປ້ອມປາການ, ແລ້ວດັບສູນສັດຕູຢູ່ສະໜາມລົບທີ່ເຄື່ອນໄຫວໄດ້ຢ່າງສະດວກ.
ທີ່ຈິງແລ້ວ, ການຈົ່ງຊ່ອງຫວ່າງໃນເວລາ"ປິດລ້ອມສັດຕູ ແມ່ນຍຸດທະວິທີຢ່າງໜຶ່ງ, ແຕ່ຍິ່ງແມ່ນວິທີຄຶດຢ່າງໜຶ່ງ. ເຕືອນໃຫ້ຄົນທັງຫຼາຍໃນເວລາເຮັດວຽກແກ້ໄຂບັນຫາຕ້ອງເພື່ອເອົາໄວ້ ຈົ່ງຊ່ອງຫວ່າງໄວ້ ເວົ້າຫຍັງກໍຢ່າເວົ້າຂາດຕົວໂພດ ເຮັດຫຍັງກໍ່ຢ່າເຮັດໂພດກາຍໂດຍບໍ່ຄິດເຖິງຜົນສຸດທ້າຍ ໃຫ້ຜູ່ອື່ນຫຼືໃຫ້ຄວາມຂັດແຍ່ງກັນມີຊ່ອງຫວ່າງແລະມີເວລາແປປ່ຽນ ເຮັດຫຍັງຖ້າເຮັດໂພດກາຍ ລື່ນກາຍລະດັບອັນແນ່ນອນແລ້ວ ອາດຈະໄດ້ຜົນກົງກັນຂ້າມ
|
