|
|
 |
| (GMT+08:00)
2005-04-21 11:52:06
|
 |
|
ທ່ານຫູຈີນທາວ ປະທານປະເທດຈີນ
ເຈລະຈາກັບສົມເດັດຮາຊານານ
ໂບນເກຍຊຸນຕານບຣູໄນ
cri
Author: da
|
ຕາມຂ່າວCRI: ວັນທີ 20 ເມສາຢູ່ນະຄອນບານດາເຊລີເບກາວັນ ນະຄອນຫຼວງບຣູໄນ, ທ່ານຫູຈີນທາວ ປະທານປະເທດຈີນໄດ້ເຈລະຈາກັບສົມເດັດຮາຊານານຊຸນຕານບຣູໄນ. ສອງຝ່າຍສະແດງວ່າຈະພ້ອມກັນພະຍາຍາມ, ເຮັດໃຫ້ການພົວພັນມິດຕະພາບແລະຮ່ວມມືຖານບ້ານໃກ້ເຮືອນຄຽງລະຫວ່າງຈີນບຣູໄນໄດ້ຮັບການປັບປຸງໃຫ້ໝັ້ນຄົງແລະຂະຫຍາຍຕົວຢ່າງບໍ່ຢຸດຢັ້ງ.
ທ່ານຫູຈີນທາວກ່າວວ່າ, ຝ່າຍຈີນຍິນດີຕັ້ງໜ້າຄົ້ນຄວ້າຊ່ອງທາງແລະແບບວິທີພັດທະນານຳກັນກັບບຣູໄນຢູ່ເຂດທະເລທີ່ມີການວິວາດກັນຢູ່ທະເລຈີນໃຕ້ແລະກັບປະເທດທີ່ກ່ຽວຂ້ອງຂອງອາຊຽນບົນພື້ນຖານຕ່າງໂຄລົບກັນສະເໝີພາບຕ່າງຝ່າຍຕ່າງມີຜົນປະໂຫຍດດ້ວຍທ່າທີຄ່ອງແຄ່ວແລະເປີດປະຕູ, ເຮັດໃຫ້ທະເລຈີນໃຕ້ກາຍເປັນສາຍພານມິດຕະພາບລະຫວ່າງຈີນກັບບັນດາປະເທດອາຊຽນ.
ສົມເດັດຮາຊານານໂບນເກຍກ່າວລື້ມວ່າ, ບຣູໄນຍຶດໝັ້ນໂຄລົບນະໂຍບາຍຈີນດຽວ.ສົມເດັດຍັງກ່າວວ່າ,ບຣູໄນມີທ່າທີອັນຕັ້ງໜ້າຕໍ່"ຄຳຖະແຫຼງການກ່ຽວກັບການກະທຳຂອງບັນດາຝ່າຍຢູ່ທະເລຈີນໃຕ້"ທີ່ຈີນເຊັນກັບປະເທດອາຊຽນ.
ນອກຈາກບຣູໄນແລ້ວ,ທ່ານຫູຈີນທາວຍັງຈະໄປຢ້ຽມຢາມອິນໂດເນເຊຍແລະຟີລິບປິນທາງລັດຖະກິດ,ແລະເຂົ້າຮ່ວມກອງປະຊຸມສຸດຍອດອາຊີອາຟຼີກາປີ 2005ແລະການເຄື່ອນໄຫວລະລຶກວັນຈັດກອງປະຊຸມບັນດຸງຄົບຮອບ 50 ປີທີ່ຈັດຂຶ້ນຢູ່ອິນໂດເນເຊຍ.
|
|
|
