|
ອາຫານບຳລຸງສຸຂະພາບທີ່ດີກວ່າໝູ່
cri
Author: li
 ເມື່ອໄດ້ຄົ້ນຄວ້າແລະປະກວດເປັນເວລາສາມປີແລ້ວ,ປີ 2004 ອົງການອະນາໄມໂລກໄດ້ປະກາດລາຍຊື່ອາຫານສະບັບໜຶ່ງ,ເຖິງວ່າຈະມີແຕ່ຊື່ອາຫານກໍຕາມ,ແຕ່ມັນພັດໄດ້ບອກໃຫ້ຮູ້ອາຫານບຳລຸງສຸຂະພາບທີ່ດີກວ່າເພີ່ນ 6 ຊະນິດ,ເຊື່ອວ່າທ່ານກໍຄົງສົນໃຈບໍ່ຢາກ. ໃນເວລາສາມປີນີ້,ອົງການອະນາໄມໂລກໄດ້ວິໄຈແລະຄົ້ນຄວ້າອາຫານຊະນິດຕ່າງໆໃນຊີວິດປະຈຳວັນຂອງຄົນທັງຫຼາຍ,ໄດ້ປະກວດອາຫານບຳລຸງສຸຂະພາບທີ່ດີກວ່າໝູ່ 6 ປະເພດຄືຜັກທີ່ດີກວ່າໝູ່,ໝາກໄມ້ທີ່ດີກວ່າໝູ່,ຊີ້ນທີ່ດີກວ່າໝູ່,ອາຫານບຳລຸງສະໝອງທີ່ດີກວ່າໝູ່ເປັນຕົ້ນ.
ຜັກທີ່ດີກວ່າໝູ່ມີ 13 ຊະນິດ,ລ້ວນແຕ່ຜັກໝີ່ທີ່ແມ່ນພວກເຮົາກິນເລື້ອຍໆ
ມັນດ້າງທັງຫອມທັງຫວານ,ຄົນເຮົາມັກກິນທີ່ສຸດ,ແຕ່ທ່ານອາດຈະບໍ່ໄດ້ກິນຊູ່ມື້,ໃນມັນດ້າງມີໃຍ,ທາດກາລີ,ເຫຼັກແລະວິຕາມິນເບ 6 ອັນອຸດົມສົມບູນ,ເຊິ່ງບໍ່ພຽງແຕ່ສາມາດປ້ອງກັນບໍ່ໃຫ້ເຖົ້າໄວ,ປ້ອງກັນບໍ່ໃຫ້ສາຍເລືອດແດງແຂງທໍ່ນັ້ນ ຫາກຍັງສາມາດປ້ອງກັນໂຣກມະເຮັງໄດ້ດີນຳອີກ,ສະນັ້ນ ມັນເປັນທີໜຶ່ງຂອງຜັກໝີ່.
ທ່ານສາດສະດາຈານຈາງເຈຍຈືຂອງສະຖາບັນຄົ້ນຄວ້າອາຫານນະຄອນປັກກິ່ງເວົ້າວ່າ,ອາຫານການກິນປະຈຳວັນຕ້ອງທາດກົດກັບທາດດັ່ງປະສົມປະສານກັນ,ຕົວເລກ PH ຂອງຄົນແຂງແຮງຕ້ອງໄດ້ເຖິງປະມານ 7,3,ແຕ່ວ່າຊີ້ນທີ່ພວກເຮົາກິນນັ້ນລ້ວນແຕ່ແມ່ນອາຫານລັກສະນະທາດກົດ,ສະນັ້ນ ຕ້ອງກິນອາຫານທາດດັ່ງສົມທົບ,ສ່ວນຜັກກາດຫໍ່,ຜັກຊີຊ້າງ,ຫົວກາຫຼົດເປັນຕົ້ນກໍແມ່ນອາຫານທາດດັ່ງ,ຄວນກິນໃຫ້ຫຼາຍແດ່.
ນອກຈາກຜັກທີ່ກ່າວມາເທິງນີ້ແລ້ວ,ຍັງມີໜໍ່ໄມ້ຝຣັ່ງ,ຜັກກະຫຼ່ຳດອກ,ໝາກເຂືອຫຳມ້າ,ຜັກຫວານ,ຫົວຜັກກາດ,ເຫັດເຂັມຄຳ,ຜັກສ້ຽນແລະຜັກກາດຂາວແລະອື່ນໆກໍຄວນກິນຫຼາຍໆ.
ເມື່ອເວົ້າເຖິງທາດບຳລຸງກໍຕ້ອງເອີ່ຍເຖິງໝາກໄມ້,ແຕ່ວ່າເມື່ອເວົ້າເຖິງຄຸນຄ່າທາດບຳລຸງຂອງໝາກໄມ້ແລ້ວ,ຜູ້ເວົ້າແນວໃດກໍມີ, ບໍ່ຮູ້ວ່າກິນໝາກໄມ້ແນວໃດຈຶ່ງດີແທ້,ແຕ່ວ່າ,ໝາກໄມ້ຊົງອິດທິພົນ 9 ຊະນິດແມ່ນຕ້ອງເຊື່ອ.
ໝາກໄມ້ນ້ຳເບີ້ໜຶ່ງກໍແມ່ນໝາກຫຸ່ງ,ເຖິງວ່າໝາກພຸກແລະໝາກກ້ຽງທີ່ມີວິຕາມິນເຊຫຼາຍນັ້ນກໍໄດ້ເຂົ້າຮອບປະກວດ,ແຕ່ວ່າວິຕາມິນເຊໃນໝາກຫຸ່ງພັດຫຼາຍກວ່າໝາກກ້ຽງຕັ້ງຫຼວງຫຼາຍ,ບໍ່ໜຳ ໝາກຫຸ່ງຍັງຊ່ອຍຍ່ອຍອາຫານຊີ້ນທີ່ຮັບເອົາຍາກໃນຮ່າງກາຍຄົນເຮົາ,ສາມາດປ້ອງກັນກະເພາະເປັນແຜ.
ສະຕໍເບີຣີເປັນໝາກໄມ້ທີ່ຫວານ,ນ້ຳຫຼາຍ,ມີຜົນດີທີ່ສຸດຕໍ່ສຸຂະພາບ,ໂດຍສະເພາະແມ່ນສາວໆທີ່ມັກງາມໃຫ້ກີນຫຼາຍແດ່,ເພາະວ່າສະຕໍເບີຣີສາມາດເຮັດໃຫ້ສີຜິວງາມ,ຍັງສາມາດຫຼຸດຜ່ອນອາການລົງທ້ອງ. ພິເສດແມ່ນ,ສະຕໍເບີຣີຍັງສາມາດເຮັດໃຫ້ແຂ້ວໝັ້ນ,ເຮັດໃຫ້ບໍ່ມີກິ່ນປາກແລະຊຸ່ມຄໍ. ໃບແລະຮາກຂອງສະຕໍເບີຣີຍັງເອົາມາຊົງນ້ຳກິນໄດ້,ຈັ່ງແມ່ນມີປະໂຫຍດທັງຕົ້ນ.
ນອກນີ້ ໝາກກີວີ,ໝາກມ່ວງ,ໝາກອັນມັງ,ໝາກພັບແລະໝາກໂມກໍຫວານ,ແຊບ,ມີນ້ຳຫຼາຍ,ແມ່ນໝາກໄມ້ທີ່ດີຫຼາຍ.
ອາຫານຊີ້ນເຖິງວ່າມີໄຂມັນຫຼາຍກໍຕາມ,ແຕ່ໃນອາຫານປະຈຳວັນແມ່ນຂາດບໍ່ໄດ້,ເພາະວ່າມັນກໍສາມາດເຮັດໃຫ້ທາດບຳລຸງໃນຮ່າງກາຍດຸນດ່ຽງກັນ.
ຊີ້ນທີ່ດີກວ່າໝູ່ແມ່ນຊີ້ນຫ່ານ,ຊີ້ນເປັດແລະຊີ້ນໄກ່. ຕາມແນະນຳວ່າ,ອົງປະກອບເຄມີຂອງຊີ້ນຫ່ານແລະຊີ້ນເປັດແມ່ນມໍ່ກັບນ້ຳມັນໝາກໂອລິວຫຼາຍ,ມີຜົນດີຕໍ່ຫົວໃຈ,ໂດຍສະເພາະແມ່ນເໝາະສລັບຜູ້ເຖົ້າ. ຊີ້ນໄກ່ແມ່ນ"ແຫຼ່ງໂປຼຕິນທີ່ດີກວ່າໝູ່",ຜູ້ເຖົ້າແລະເດັກນ້ອຍແຮ່ງຄວນກິນເລື້ອຍໆ.
ເມື່ອກິນຊີ້ນແລ້ວ,ຢ່າລືມງົດນ້ຳແກງນຳ,ແກງທີ່ຄຸນນະພາບດີກວ່າໝູ່ແມ່ນແກງໄກ່,ໂດຍສະເພາະແມ່ນນ້ຳຕົ້ມໄກ່ແມ່, ປ້ອງກັນແລະປົວໄຂ້ຫວັດແລະຫຼອດລົມອັກເສບ,ໂດຍສະເພາະແມ່ນລະດູໜາວແລະລະດູບານໃໝ່ຈະໄດ້ຜົນດີຫຼາຍ.
ປັດຈຸບັນ ຜູ້ທີ່ເຮັດວຽກໃຊ້ສະໝອງຫຼາຍເກີນໄປນັ້ນມີຫຼາຍທີ່ສຸດ,ກິນຫຍັງຈະບຳລຸງສະໝອງໄດ້ດີກວ່າໝູ່ແມ່ນບັນຫາທີ່ຄົນເຫຼົ່ານີ້ເອົາໃຈໃສ່ທີ່ສຸດ.
ໃນຜັກປະເພດຕ່າງໆ,ຜັກຕີນເປັດ,ຜັກແປ້ນ,ໝາກອຶ,ຜັກບົ່ວ,ຜັກກະຫຼ່ຳດອກ,ໝາກເພັດໃຫຍ່,ຖົ່ວລັນເຕົາ,ໝາກເຫຼັ່ນ,ຫົວກາຫຼົດ,ຜັກກາດນ້ອຍ,ໃຈຕົ້ນຜັກທຽມແລະຜັກຊີຊ້າງລ້ວນແຕ່ມີບົດບາດບຳລຸງສະໝອງ. ນອກນີ້ ໝາກໄມ້ເປືອກແຂງຕ່າງໆເຊັ່ນໝາກຂະໝອງລີງ(ຫຼືໝາກມັນຫໍ້),ຖົ່ວດິນ,ໝາກມ່ວງຫິມະພານ,ແກນຕົ້ນສົນ,ໄນໝາກອານມັງແລະໝາກຖົ່ວເຫຼືອງກໍບຳລຸງສະໝອງ.
|
|
