ຄຽງຄູ່ກັບການຂະຫຍາຍຕົວຂອງອຸດສາຫະກຳປຼັສຕິກນັ້ນ,ເຄື່ອງຫຸ້ມຫໍ່ປັຼສຕິກໄດ້ຖືກນຳໃຊ້ເຂົ້າແທນພາດຊະນະແກ້ວ ເຈ້ຍ ໃບຕອງແລະອື່ນໆຢ່າງກວ້າງຂວາງ,ເຄື່ອງຫຸ້ມຫໍ່ປັຼສຕິກນັ້ນເບົາ ທົນໃຊ້ ລາຄາກໍຖືກ,ມັນໄດ້ນຳເອົາຄວາມສະດວກສະບາຍມາໃຫ້ມວນມະນຸດຢ່າງຫຼວງຫຼາຍ,ແຕ່ກໍເຫມືອນດັ່ງທີ່ຄົນທັງຫຼາຍໄດ້ຮູ້ມາແລ້ວ,ເວົ້າອີກດ້ານຫນຶ່ງ ມັນກໍໄດ້ນຳເອາບັນຫາມາໃຫ້ມວນມະນຸດ,ຄືການຊຳລະຂີ້ເຫຍື້ອປັຼສຕິກ,ຈົນຮອດປະເທດກ້າວຫນ້າຈຳນວນຫນຶ່ງກໍ່ຮູ້ສຶກປວດຫົວຍ້ອນ,ຕົວ ຢ່າງຄືຍີ່ປຸ່ນຕາມຂໍ້ມູນ,ແຕ່ລະປີ ມີຂີ້ເຫຍື້ອປຼັສຕິກແຕ່ 5 ລ້ານເຖິງ 10 ລ້ານໂຕນ.
ຂີ້ເຫຍື້ອປຼັສຕິກຢ່າງມາກມາຍກ່ອຍກອງເຫຼົ່ານີ້ ຄັນແມ່ນແຕ່ກ່ອນ ກໍ່ມີແຕ່ສອງວິທີແກ້ທໍ່ນັ້ນ,ຄືຫນຶ່ງແມ່ນເຜົາຖິ້ມ,ສອງແມ່ນຖອດໃສ່ຮ່ອມພູຮ່ອມຜາ,ແຕ່ສອງວິທີນີ້ລ້ວນແຕ່ບໍ່ແມ່ນວິທີດີທັງນັ້ນ.
ປະຈຸບັນ ຮ່ອມພູແລະຂຸມຄອງກໍນັບມື້ນັບຫາຍາກແລ້ວ,ແລະການເຜົາຂີ້ເຫຍື້ອປຼັສຕິກນັ້ນກໍພາໃຫ້ມີບັນຫາເກີດຂຶ້ນຢູ່ບໍ່ຂາດ,ເຊັ່ນ:ເຊື່ອມພິດອາກາດແລະອື່ນໆ ສະນັ້ນ,ຄົນທັງຫຼາຍຈິ່ງພວມພະຍາຍາມຊອກຫາວິທີທີ 3 ມາຊຳລະຂີ້ເຫຍື້ອປຼັສຕິກເຕັກໂນໂລຢີເຮັດໃຫ້ຂີ້ເຫຍື້ອກັບຄືນເປັນນ້ຳມັນເຊື້ອໄຟນັ້ນໄດ້ກາຍເປັນວິທີອັນບໍລິບູນຢູ່ໃນຄວາມຄຶດຂອງຄົນທັງຫຼາຍແລ້ວ,ການຊຳລະເຄື່ອງຖິ້ມຂອງເສດແບບນີ້,ບໍ່ພຽງແຕ່ໄດ້ແກ້ໄຂຄວາມຫຍຸ້ງຍາກໃນການກຳຈັດຂີ້ເຫຍື້ອທໍ່ນັ້ນ,ຫາກຍັງເປັນການປະກອບສ່ວນເຮັດໃຫ້ການນຳໃຊ້ວັດຖຸແບບຫມູນວຽນຄືນອີກ.
ທ່ານ ຄູລາຕະ ຄົນຍີ່ປຸ່ນທີ່ຮຽນສຳເລັດຈາກມະຫາວິທະຍາໄລຫລັງຫນຶ່ງຢູ່ອາເມລິກາ, ເຄີຍໄດ້ສຸມຈິດສຸມໃຈຄົ້ນຄວ້າບັນຫາຊຳລະເຄື່ອງຖິ້ມຂອງເສດຢູ່ແຖບອາຊີອາຄະເນມາຫຼາຍປີແລ້ວ,ທ່ານເຜີຍໃຫ້ຮູ້ວ່າ,ດຽວນີ້,ທ່ານໄດ້ປະດິດວິທີໃຫມ່ຢ່າງຫນຶ່ງ ສາມາດເຮັດໃຫ້ຂີ້ເຫຍື້ອປຼັສຕິດກັບກາຍເປັນນ້ຳມັນເຊື້ອໄຟ.
ວິທີໃຫມ່ສຸດຂອງທ່ານຄູລາຕະ ແມ່ນເອົາຂີ້ເຫຍື້ອປຼັສຕິກໃສ່ໄວ້ໃນເຕົາເຫຼັກຂະຫນາດໃຫຍ່ຫນ່ວຍຫນຶ່ງ,ແລ້ວເອົາຢາເລັ່ງໂລຫະ 5 ຢ່າງທີ່ຕ່າງກັນແລະນ້ຳຢາພິເສດແນວຫນຶ່ງຖອກໃສ່ເພື່ອເຮັດໃຫ້ປຼັສຕິກລະລາຍ.ທ່ານເວົ້າວ່າ,ວິທີຊຳລະແບບນີ້ແມ່ນອີງໃສ່ຫລັກມູນການເຄື່ອນເຫນັງຂອງຟອງທະເລ.ຢູ່ໃນເຕົາມີເຄື່ອງປະກອບພິເສດຢ່າງຫນຶ່ງ ສາມາດເຮັດໃຫ້ເກີດມີພະລັງງານຂອງຟອງທະເລ,ເມື່ອພະລັງງານດັ່ງກ່າວກະທົບໂມລະກຸນຂອງປຼັສຕິກແຕກແລ້ວ,ປຼັສຕິກກໍຈະລະລາຍ. ຈາກການທົດລອງ,ປຼັສຕິກກິໂລຫນຶ່ງຈະຜະລິດນ້ຳມັນກາດໄດ້ກິໂລຫນຶ່ງກັບສອງຂີດ ເຊິ່ງເປັນຫນ້າງຶດງໍ້ທີ່ສຸດ.
ມີເມືອງນ້ອຍແຫ່ງຫນຶ່ງທີ່ມີປະຊາກອນ 32 ພັນຄົນ,ແຕ່ລະປີຂີ້ເຫຍື່ອປັຼສຕິກ 1 ລ້ານ 4 ແສນໂຕນ,ປະຈຸບັນ ພວກເຂົາເຈົ້າໄດ້ຂົນເອົາຂີ້ເຫຍື້ອເຫຼົ່ານີ້ໄປໃຫ້ບ່ອນເກັບຂີ້ເຫຍື້ອຂອງເມືອງ ແລ້ວທ່ານຄູລາຕະເອົາຂີ້ເຫຍື່ອເຫຼົ່ານີ້ຖອກໃສ່ເຕົາລະລາຍ ແລ້ວເຮັດໃຫກັບກາຍເປັນນ້ຳມັນເຊື້ອໄຟ. ຫລັງຈາກກຳມະກອນທັງຫຼາຍເອົາຂີ້ເຫຍື້ອປຼັສຕິກໃສ່ໃນຖົງຢາງເປັນຖົງໂຍນເຂົ້າເຕົາເຫຼັກແລ້ວ ບໍ່ພໍຈັກນາທີ ທ່ານຄູລາຕະບິດຫົວກ໊ອກທີ່ເດ່ອອກມາຈາກເຕົານັ້ນ,ກໍເຫັນນ້ຳມັນໄຫຼອອກລຸດໆ,ທ່ານເອົາຜ້າຕ່ອນຫນຶ່ງແຊນ້ຳມັນທີ່ໄຫຼອອກມານັ້ນ,ແລ້ວຈຸດເຫຼັກໄຟແກັສບາດຫນຶ່ງ,ຜ້າຕ່ອນນັ້ນກໍລຸກເປັນໄຟວູ່ໆຂຶ້ນໃນທັນທີຫມາຍຄວາມວ່າຂີ້ເຫຍື້ອປຼັສຕິກໄດ້ກັບຄືນມາເປັນວັດຖຸໄຟປານຫຼິ້ນກົນເອົາໂລດ
ທ່ານຜູ່ຟັງທີ່ໂຄລົບ,ຕໍ່ໄປ,ເຮົາຂໍສະເຫນີການຄາດຄຶດກ່ຽວກັບການສ້າງໂຮງໄຟຟ້າຢູ່ເທິງອະວະກາດ.ຢູ່ໃນໂລກມີພະລັງງານ 65%ແມ່ນເອົາມາຈາກນ້ຳມັນເຊື້ອໄຟແລະອາຍແກັສ ເມື່ອຕົ້ນຊຸມປີ 70 ,ຍ້ອນລາຄານ້ຳມັນເຊື້ອໄຟຖີບສູງຂຶ້ນຢ່າງໄວວາ,ມີຫຼາຍເທື່ອພາໃຫ້ຂາດເຂີນນ້ຳມັນເຊື້ອໄຟ,ເພື່ອແກ້ໄຂວິກິດການພະລັງງານ,ບັນດາປະເທດຈິ່ງໄດ້ທະຍອນກັນຄົ້ນຄວ້າທົດລອງບຸກເບີກແຫຼ່ງພະລັງງານໃຫມ່,ຫນຶ່ງໃນພະລັງງານໃຫມ່ດັ່ງກ່າວກໍແມ່ນພະລັງຕາເວັນ.
ພະລັງຕາເວັນແມ່ນພະລັງງານທີ່ເອົາບໍ່ຫມົດຈັກເທື່ອ,ພະລັງງານທີ່ດວງຕາເວັນສົ່ງອອກມາໃຫ້ຊົ່ວໂມງດຽວກໍພໍຈະໃຫ້ມະນຸດເຮົາໃຊ້ໄດ້ຕັ້ງຫຼາຍຫມື່ນປີ,ສ່ວນທີ່ສົ່ງມາເຖິງຫນ່ວຍໂລກເຮົານີ້ກໍມີປະມານ 180 ລ້ານກິໂລວັດ,ທໍ່ກັບພະລັງຄວາມຮ້ອນຂອງຖ່ານຫີນ 90 ລ້ານໂຕນ,ຄັນຊັ້ນຈະເຮັດຈັ່ງໃດມະນຸດເຮົາຈິ່ງຈະສາມາດໃຊ້ພະລັງງານອັນອຸດົມສົມບູນນີ້ໄດ້?ບັນດານັກວິທະຍາສາດຖືວ່າ,ວິທີດີທີ່ສຸດແມ່ນສ້າງໂຮງໄຟຟ້າພະລັງຕາເວັນຢູ່ເທິງອະວະກາດ.
ອັນວ່າໂຮງໄຟຟ້າອະວະກາດນັ້ນ,ທີ່ຈິງແລ້ວກໍແມ່ນດາວທຽມຜະລິດໄຟຟ້າດ້ວຍພະລັງຕາເວັນນັ້ນເອງຢູ່ເປືອກນອກຂອງດາວທຽມດັ່ງກ່າວມີແຜ່ນເກັບພະລັງຕາເວັນຫຸ້ມຫໍ່.ຕາມການຄົ້ນຄວ້າຂອງນັກວິທະຍາສາດພິສູດວ່າ,ດາວທຽມສົ່ງໄຟຟ້າທີ່ບໍ່ເປືອງເງິນເປືອງຄຳກວ່າຫມູ່ແມ່ນມີຄວາມຍາວ 9 ພັນ 600 ແມັດ,ກວ້າງ 3 ພັນແມັດ,ຫນັກຫຼາຍຮ້ອຍໂຕນ,ກະຈາຍໄຟຟ້າໄດ້ 5 ລ້ານກິໂລວັດ,ພໍປານກັບບໍລິມາດໄຟຟ້າຂອງໂຮງໄຟຟ້ານິວເຄຼຍອ່າວໃຫຍ່ແດ່ 5 ຫລັງ,ແຕ່ບັນຫາຢູ່ບ່ອນວ່າ ຈະສົ່ງພະລັງໄຟຟ້າລົງສູ່ຫນ້າດິນແນວໃດ?ອັນນີ້ແມ່ນບັນຫາຍາກທີ່ສຸດທີ່ຕ້ອງແກ້ໄຂໃນການສ້າງໂຮງໄຟຟ້າອະວະກາດ,ວິທີທີ່ອ່າວດີແດ່ເຊິ່ງຄົ້ນພົບໃນປະຈຸບັນກໍແມ່ນສົ່ງດ້ວຍໄມໂຄຼເວັບ,ຫລັກມູນສົ່ງໄຟຟ້າດ້ວຍໄມໂຄຼເວັບແມ່ນຄ້າຍກັບສົ່ງຄືນວິທະຍຸ ຄືຕ້ອງມີເຄື່ອງຮັບຢູ່ທາງໄກເພື່ອຮັບເອົາສັນຍານຄື່ນທີ່ສົ່ງອອກຈາກດາວທຽມ,ແລ້ວຄ່ອຍປ່ຽນເປັນພະລັງໄຟຟ້າ,ເຖິງແມ່ນວ່າປະຈຸບັນ ໂຮງໄຟຟ້າອະວະກາດບໍ່ທັນສ້າງສຳເລັດເທື່ອ,ແຕ່ການທົດລ້ອງສົ່ງໄຟຟ້າດ້ວຍໄມໂຄຼເວັບນັ້ນກໍສຳເລັດຜົນແລ້ວ.ຢູ່ການາດາ ນັກວິທະຍາສາດໄດ້ຄົ້ນຄວ້າເຮັດເຮືອບິນທີ່ບໍ່ມີພະລັງ ງານລຳຫນຶ່ງ,ເຄື່ອງໃນເຮືອບິນລຳນີ້ສາມາດຮັບເອົາຄື່ນໄມໂຄຼເວັບທີ່ສົ່ງຈາກຫນ້າດິນ ແລ້ວຫັນເປັນພະລັງໄຟຟ້າທີ່ໄຊ້ການໄດ້.
ຕາບໃດໂຮງໄຟຟ້າອະວະກາດຫາກສ້າງສຳເລັດການໃຊ້ພະລັງງານຂອງມະນຸດຈະເກີດການປ່ຽນແປງໃນດ້ານກົກຮາກ ແລະຈະນຳເອົາຄວາມຮຸ່ງລົງມາສູ່ຂົງເຂດຄົມມະນາຄົມຂົນສົ່ງການບິນອະວະກາດແລະອື່ນໆ,ເມື່ອຮອດຍາມນັ້ນກໍຈະຜະລິດ ລົດຍົນ ລົດໄຟ ຫຼືກ່ຳປັ່ນໃຊ້ພະລັງໄຟຟ້າໄດ້ເປັນຈຳນວນຫຼວງຫຼາຍ,ໃນພາຫະນະເຫຼົ່ານີ້,ຈະມີເຄືອງຮັບເອົາພະລັງໄຟຟ້າ ແລ້ວຈະມີພະລັງງານໃຊ້ຢູ່ບໍ່ຂາດໃນທຸກເວລາ,ເຮືອບິນກໍຈະຮັບເອົາພະລັງໄຟຟ້າທີ່ສົ່ງອອກຈາກໂຮງໄຟຟ້າອະວະກາດໂດຍກົງໂດຍບໍ່ຕ້ອງໃຫ້ຫນ້າດິນລຳລຽງພະລັງງານໃຫ້ອີກ.ໃນດ້ານອະວະກາດກໍຍິ່ງເປັນວິຖີທາງທີ່ດີທີ່ສຸດໃນການລຳລຽງພະລັງງານໃຫ້ເຄື່ອງເດີນອະວະກາດ.
|