|
ທ່ານຜູ່ຟັງທີ່ໂຄລົບ,ທ່ານກໍຈະຮູ້ຈັກອົງປະກອບຮ່າງກາຍຂອງຕົນເອງແດ່ບໍ່?ຖ້າຫາກມີຄົນຖາມທ່ານວ່າ,ໃນຮ່າຍກາຍຂອງທ່ານມີກະດູກຈັກທ່ອນມີເລືອດຫຼາຍປານໃດ,ແຕ່ລະມື້,ທ່ານຫາຍໃຈເອົາອາກາດໄດ້ຫຼາຍປານໃດ,ທ່ານຈະຕອບໄດ້ບໍ່?ເຮົາຄຶດວ່າ,ບັນຫາແນວນີ້,ນອກຈາກພະນັກງານວິຊາແພດສະເພາະແລ້ວ,ຜູ້ຕອບໄດ້ນັ້ນຄືຊິບໍ່ຫຼາຍປານໃດ,ບັນຫານີ້ແມ່ນພາກສ່ວນຫນຶ່ງໃນສາງປະເສີດແຫ່ງຄວາມຮູ້,ເຮົາຄຶດວ່າ,ຕື່ມຄວາມຮູ້ໃນດ້ານນີ້ຈັກຫນ່ອຍຄົງຈະມີປະໂຫຍດສຳລັບທ່ານ,ສະນັ້ນຕໍ່ໄປ,ເຮົາຈິ່ງຂໍສະເຫນີຕົວເລກອັນຫນ້າສົນໃຈໃນສ່ວນປະກອບຮ່າງກາຍຂອງຄົນເຮົາ.
ຮ່າງກາຍຂອງຄົນເຮົາກໍຄືກັນກັບເຮືອນຫລັງຫນຶ່ງ,ມີໂຄງປະກອບອັນແນ່ນອນ,ກະດູກແມ່ນໂຄງຂອງຮ່າງກາຍ,ແລະເປັນສິ່ງທີ່ຊີ້ຂາດຮູບຮ່າງຂອງຄົນເຮົາ,ຫມົດຕົນໂຕຂອງຄົນຫນຶ່ງແມ່ນຕິດຕໍ່ດ້ວຍດູກຍາວ,ດູກສັ້ນ,ດູກແປແລະກະດູກທີ່ບໍ່ເປັນລະບຽບລວມ 206 ທ່ອນ,ກະດູກບາງຕ່ອນແມ່ນເຊື່ອມຕິດກັນເປັນຜົ້ງເພື່ອຮັກສາອະໄວຍະວະທີ່ຖືກຫຸ້ມຫໍ່,ຕົວຢ່າງກະໂຫຼກຫົວກໍແມ່ນປະກອບດ້ວຍກະດູກ 23 ທ່ອນທີ່ນ້ອຍໃຫຍ່ຕ່າງກັນເພື່ອຮັກສາສະຫມອງ,ຕາແລະຫູສ່ວນໃນ,ການເຄື່ອນໄຫວຕ່າງໆຂອງຮ່າງກາຍເຊັ່ນ ຍ່າງ ເຮັດວຽກແລະອື່ນໆກໍແມ່ນອີງໃສ່ກະດູກ ຂໍ້ກະດູກແລະກ້າມເນື້ອພາເຮັດຕາມການຄອບງຳຂອງລະບົບປະສາດ.
ກ້າມເນື້ອທີ່ຫຸ້ມຫໍ່ກະດູກ ເອີ້ນວ່າກ້າມເນື້ອກະດູກ ຫມົດຕົນໂຕມີກ້າມເນື້ອ 639 ຕ່ອນ,ກວມນ້ຳຫນັກຂອງຮ່າງກາຍປະມານ 40%,ຖ້າບໍ່ເຫນັງບໍ່ຕີງຍາວນານ,ກ້າມເນື້ອກໍຈະຫົດຫູ່ເຂົ້າ,ເອີ້ນວ່າກ້າມເນື້ອຫົດ,ທຳມະດາຖ້າກ້າມເນື້ອເຄື່ອນໄຫວຫຼາຍໂພດ,ຫຼືດຸເດືອດຫຼາຍກໍ່ບໍ່ດີ,ຈະພາໃຫ້ເຈັບປວດ,ອັນນີ້ເພິ່ນເອີ້ນວ່າກ້າມເນື້ອປັ້ນ.
ອະໄວຍະວະທຸກພາກສ່ວນຫມົດຕົນໂຕລ້ວນແຕ່ຕ້ອງການເລືອດສະຫມອງວັດຖຸບຳລຸງທຸກຊະນິດຕາມປົກກະຕິ,ປະລິມານເລືອດໃນຮ່າງກາຍຂອງຄົນເຮົາກວມ 1 ສ່ວນ 13 ຂອງນ້ຳຫນັກຮ່າງກາຍ.ຜູ່ຊາຍ ນ້ຳຫນັກແຕ່ລະກິໂລ ມີເລືອດ 77 ມີລິລິດ,ຜູ່ຍິງນ້ຳຫນັກແຕ່ລະກິໂລມີເລືອດ 55 ມີລິລິດ,ດັ່ງນັ້ນ, ຈິ່ງຄຳນວນໄດ້ວ່າ,ຜູ່ຊາຍຜູ່ຫນຶ່ງທີ່ມີນ້ຳຫນັກ 60 ກິໂລ ຈະຕ້ອງມີເລືອດ 4 ພັນ 620 ມີລິລິດ.ເລືອດເຫຼົ່ານີ້ມີສ່ວນຫນຶ່ງແມ່ນສະສົມໄວ້ໃນສາງເລືອດຄືຢູ່ຕາມມ້າມ ແລະຕັບ ອີກສ່ວນຫນຶ່ງແມ່ນໄຫຼໄປຕາມສາຍເລືອດໃນທົ່ວຮ່າງກາຍຢ່າງາບໍ່ຢຸດຢັ້ງ.
ຮ່າຍກາຍຂອງຄົນເຮົາກໍເຫມືອນດັງຖະຫນົນນ້ອຍໃຫຍ່ທີ່ຢາຍກັນຢູ່ໃນຕົວເມືອງ,ມີສາຍນ້ອຍໆໃຫຍ່ໆເຕັມຫມົດຕົນໂຕ,ໃນນັ້ນ,ມີສາຍເລືອດແດງ ສາຍເລືອດດຳແລະສາຍເລືອດຝອຍ,ຄັນເອົາສາຍເລືອດນ້ອຍໆໃຫຍ່ໆເຫຼົ່ານີ້ຕໍ່ກັນ,ກໍຈະຍາວປະມານ 1 ແສນ 5 ຫມື່ນກິໂລແມັດ,ອ້ອມຫນ່ວຍໂລກໄດ້ແຕ່ 3 ຮອບຂຶ້ນໄປ,ສ່ວນສາຍເລືອດຝອຍກໍແຮງຫຼາຍຈົນຫນ້າງຶດ,ໃນຫນ້າຕັດກ້າມເນື້ອ 1 ມີລີຕາລາງແມັດ,ກໍມີສາຍເລືອດຝອຍຕັ້ງຫຼາຍພັນເສັ້ນ,ສາຍເລືອດຝອຍໃນສະຫມອງ,ຖ້າເອົາມາຕໍ່ໃສ່ກັນກໍຈະຍາວຮອດ 1 ລ້ານ 5 ແສນກິໂລແມັດ,ທໍ່ກັບປະມານ 4 ເທື່ອຂອງໄລຍະທາງ,ຈາກຫນ່ວຍໂລກໄປຫາດວງພະຈັນ,ໃນເລືອດຂອງຄົນປົກກະຕິຜູ່ຫນຶ່ງໃນ 1 ມີລີຕາລາງແມັດໃດມີຈຸລັງຂາວແຕ່ 6 ພັນເຖິງ 8 ພັນໂຕ,ຈຸລັງແດງແຕ່ 4 ລ້ານ ເຖິງ 5 ລ້ານໂຕ,ມີເລືອດເຍື້ອ(ຄືໂຕຼມໂບຊິດ)ແຕ່ 1
ແສນເຖິງ 2 ແສນເມັດ,ຊີວິດຂອງຈຸລັງຂາວແມ່ນຢູ່ໄດ້ປະມານ 13 ມື້,ຊີວິດຂອງເລືອດເຍື້ອແມ່ນຢູ່ໄດ້ບໍ່ທໍ່ໃດມື້,ຊີວິດຂອງຈຸລັງແດງຢູ່ໄດ້ປະມານ 120 ມື້, ຫມາຍຄວາມວ່າ,ໃນແຕ່ລະມື້,ໃນຮ່າງກາຍຂອງຄົນຜູ່ຫນຶ່ງຈະມີຈຸລັງແດງຕາຍໄປ 1 ສ່ວນ 120 ,ພ້ອມກັນນັ້ນກໍຈະມີຈຸລັງແດງໃຫມ່ເກີດຂຶ້ນມາແທນທີ່ສ່ວນຈຸລັງຂາວນັ້ນ,ເປັນນັກລົບທີ່ກ້າຫານ,ຮັບຜິດຊອບກັບສູນແມ່ພະຍາດທີ່ເຂົ້າມາໃນຮ່າງກາຍຂອງຄົນເຮົາ,ຕານການຊຶມເຊື້ອ,ເພີ່ມຄວາມສາມາດຕ້ານທານພະຍາດ,ຮັກ
ສາຮ່າງກາຍຂອງຄົນ,ສ່ວນເລືອດເຍື້ອ,ຄືຕຼົມໂບຊິດນັ້ນ ແມ່ນເຂົ້າຮ່ວມການເຮັດໃຫ້ເລືອດກ້າມ,ບົດບາດສຳຄັນທີ່ສຸດຂອງຈຸລັງແດງແມ່ນລຳລຽງອັອກຊີໃຫ້ຫມົດທຸກພາກສ່ວນຂອງຮ່າງກາຍ.
ອັອກຊີແມ່ນຄົນເຮົາຫາຍໃຈເອົາຜ່ານປອດເຂົ້າໄປຢູ່ໃນເລືອດ,ຜູ່ໃຫຍ່ຜູ່ຫນຶ່ງໃນ 24 ຊົ່ວໂມງຫັນໃຈເອົາອາກາດປະມານ 10 ພັນລິດ.ປອດແມ່ນຢູ່ຫວ່າງກາງຜົ້ງເອິກ,ປອດເບື້ອງຊາຍມີ 2 ໃບ,ປອດເບື້ອງຂວາມີ 3 ໃບ ໃນປອດ 5 ໃບນີ້,ມີຝອດ 750 ລ້ານເມັດ,ຄັນເອົາຝອດໃນປອດເຫຼົ່ານີ້ມາແບອອກແລ້ວຕໍ່ເຂົ້າກັນ ກໍຈະມີຫນ້າກວ້າງປະມານເຄິ່ງຫນຶ່ງຂອງສະຫນາມບານບ້ວງ.
ການຫາຍໃຈ ການຫມູນວຽນຂອງເລືອດແລະການເຄື່ອນໄຫວຂອງຊີວິດຄົນແມ່ນລ້ວນແຕ່ດຳເນີນຕາມການບັນຊາຊັບຊ້ອນຂອງລະບົບປະສາດ,ກອງບັນຊາການສູງສຸດຂອງລະບົບປະສາດແມ່ນຢູ່ທີ່ເຈັ້ຍຫຸ້ມສະຫມອງເຈ້ຍຫຸ້ມສະຫມອງປະກອບດ້ວຍຈຸລັງປະສາດ 14 ຕື້ໂຕ,ແມ່ນສູນເຄື່ອນໄຫວຈິດຕະສາດຕ່າງໆ,ເຊັ່ນ:ຄວາມຈື່ຈຳ,ນຶກຄຶດ,ຈິດຕະນາການແລະອື່ນໆຂອງຄົນເຮົາ,ມັນມີກຳລັງບົ່ມຊ້ອນຢ່າງບໍ່ມີຂອບເຂດ,ມີປະສິດທິພາບວຽກງານສູງທີ່ສຸດ,ຕົວຢ່າງຄື,ໃນເວລາທ່ານຕີປິ່ງປ່ອງຢູ່ນັ້ນ,ປະສາດຕາຈະລາຍງານສະພາບຕ່າງໆໃຫ້ສະຫມອງດ້ວຍຄວາມໄວ 1 ວິນາທີຕໍ່ 120 ແມັດ,ແລະສະຫມອງກໍຈະກະທົບຕອບພາຍໃນ 1 ພັນສ່ວນ 1 ວີນາທີ.ສະຫມອງສາມາດເກັບກຳຂໍ້ມູນຂ່າວຄາວໄດ້ຢ່າງຫຼວງຫຼາຍ,ບັນຊາການເຄື່ອນໄຫວຂອງທຸກພາກສ່ວນໃນຮ່າງກາຍ,ຄົນເຮົາມັກເວົ້າກັນວ່າ,ສະມອງນັ້ນ,ແຮ່ງໃຊ້ກໍແຮ່ງຄ່ອງແຄ່ວ,ແມ່ນມີເຫດຜົນທາງວິທະຍາສາດທີ່ສຸດ,ສະນັ້ນ,ຖ້າທ່ານຢາກສະຫຼາດ,ກໍຕ້ອງໃຊ້ສະຫມອງຫຼາຍໆໃນເວລາຮ່ຳຮຽນແລະເຮັດວຽກ.
|
