ທ່ານຫູຈິນທາວ(ຂວາ)ພົບປະທ່ານທັກສິນຊິນນະວັດ(ຊ້າຍ)

ຕາມ​ຂ່າວCRI, ວັນ​ທີ22​ເມສາ,ຢູ່​ຢາ​ກາກ​ຕາ ນະຄອນຫຼວງ​ອິນ​ໂດ​ເນ​ເຊຍ,​ໃນ​ເວລາ ທ່ານ​ຫູ​ຈິນທາວ ປະທານ​ປະ​ເທດ​ຈີນ​​ພົບ​ປະ​ທ່ານ​ທັກສິນ​ຊິນນະ​ວັດ ນາຍົກລັດຖະມົນຕີ​ໄທ​ທີ່​ໄປ​ເຂົ້າ​ຮ່ວມ​ກອງ​ປະຊຸມ​ສຸດ​ຍອດ​ອາຊີ​ອາ​ຟິຼກກາປີ2005ນັ້ນ.ທ່ານກ່າວວ່າ, ຈີນ​ມີ​ຄວາມ​ໝັ້ນ​ໃຈ​ເຕັມ​ປ່ຽມ​ຕໍ່​ອະນາ​ຄົດ​ອັນ​ກວ້າງຂວາງ​ແຫ່ງ​ການ​ຂະຫຍາຍ​ໄມ​ຕີ​ຈິດ​ລະ​ຫວ່າງ​ຈີນ​ໄທ.​ຈີນ​ຍິນ​ດີ​ພ້ອມ​ກັນ​ກັບ​ຝ່າຍ​ໄທ​ທຳ​ຄວາມ​ພະຍາຍາມ,ຊຸກ​ຍູ້​ການ​ຮ່ວມ​ມື​ດ້ວຍ​ໄມຕີ​ຈິດ​ຮອບ​ດ້ານ​ລະ​ຫວ່າງ​ສອງ​ປະ​ເທດ​ໃນ​ຫຼາຍ​ຂົງ​ເຂດ​ແລະຫຼາຍ​ລະດັບ.

ທ່ານ​ທັກສິນ​ຂອບ​ອົກ​ຂອບ​ໃຈ​ນຳ​ລັດຖະບານ​ແລະ​ປະຊາຊົນ​ຈີນ​ທີ່​ໃຫ້ການ​ຊ່ອຍ​ເຫຼືອ​ດ້ານ​ຊັບ​ສິນ​ແລະ​ວັດຖຸ​ແກ່​ລັດຖະບານ​ແລະ​ປະຊາຊົນ​ໄທ​ພາຍຫຼັງ​ໄທ​ປະສົບ​ໄພ​​ແຜ່ນດິນ​ໄຫວ​ແລະ​ຄື້ນ​ຊື​ນາ​ມິ.ທ່ານ​ກ່າວ​ລື້​ມວ່າ​ລັດຖະບານ​ໄທ​ຈະ​ດັດ​​ດ່ຽວ​ປະຕິບັດ​ນະ​ໂຍບາຍ​ຈີນ​ດຽວ.ທ່ານ​ກ່າວ​ວ່າ, ຕໍ່​ເລື່ອງ​ໃດໆ​ທີ່​ມີ​ຜົນ​ດີຕໍ່​ຄວາມ​ເປັນ​ເອກະ​ພາບ​ຂອງ​ຈີນ,ລັດ​ຖະ​ບານ​ໄທ​ຍ່ອມ​ຈະ​ສະ​ໜັບ​ສະ​ໜູນ​ຢ່າງ​ຫ້າວ​ຫັນ.