|
ການປະດິດສ້າງຫມາກໄຂ່ຫລັງທຽມຫນ່ວຍທຳອິດໃນໂລກ
cri
Author: sayvanny
ຢູ່ໃນຮ່າງກາຍຂອງຄົນເຮົາແຕ່ລະຄົນ,ປົກກະຕິແລ້ວ,ລ້ວນແຕ່ມີຫມາກໄຂ່ຫລັງສອງຫນ່ວຍ,ຄືຂ້າງຊ້າຍແລະຂ້າງຂວາຂອງສ່ວນແອວ,ອະໄວຍະວະນ້ອຍໆຄູ່ນີ້ແຕ່ລະ 50 ນາທີກໍສາມາດທຳຄວາມສະອາດເລືອດທັງຫມົດພາຍໃນຮ່າງກາຍໄດ້ເທື່ອຫນຶ່ງ,ແຕ່ລະມື້ສາມາດທຳຄວາມສະອາດເລືອດໄດ້ປະມານ 1700 ລິດ,ເຖິງວ່າຫມາກໄຂ່ຫລັງສອງຫນ່ວຍກວມບໍ່ຮອດ 0,5% ຂອງນ້ຳຫນັກຮ່າງກາຍກໍຕາມ,ແຕ່ຖ້າເອົາເຄື່ອງຕອງແລະທໍ່ໃນຫມາກໄຂ່ຫລັງເຊື່ອມຕໍ່ເຂົ້າກັນແລ້ວ,ຄວາມຍາວຂອງມັນຈະຍາວຮອດເກືອບ 80 ກິໂລແມັດ,ອະໄວຍະວະທີ່ສຳຄັນຄືແນວນີ້,ຖ້າເກີດບັນຫາແລ້ວ,ຄົນເຮົາກໍອາດຈະຕ້ອງເສຍຊີວິດ, ດັ່ງນັ້ນ,ນັກແພດສາດຫຼວງ ຫຼາຍໃນໂລກລ້ວນແຕ່ສຸມກຳລັງເຂົ້າໃນການຄົ້ນຄວ້າເຮັດຫມາກໄຂ່ຫລັງທຽມ.ຕໍ່ໄປພວກເຮົາຂໍແນະນຳການປະດິດສ້າງຫມາກໄຂ່ຫລັງທຽມຫນ່ວຍທຳອິດໃນໂລກ.
ພວກເຮົາຮູ້ດີວ່າ,ໃນເລືອດຂອງຄົນເຮົາ,ນອກຈາກຈຸລັງແດງແລະຈຸລັງຂາວແລ້ວ, ຍັງມີນ້ຳຢາງປຼັສມາຢ່າງຫຼວງຫຼາຍ,ປຼັສມາທີ່ປະກອບດ້ວຍນ້ຳເປັນສ່ວນໃຫຍ່ນັ້ນໄດ້ກາຍເປັນແມ່ນ້ຳທີ່ໄຫຼໃນສາຍເລືອດ,ຍ້ອນວ່າມີນ້ຳຢາປຼັສມາ,ເລືອດຈຶ່ງໄຫຼໄດ້ຢ່າງສະດວກ,ໃນເວລາຈຸລັງຂອງຮ່າງກາຍປ່ຽນຄວາມຮ້ອນໃຫ້ເປັນພະລັງງານນັ້ນ,ມັນຈະມີສິ່ງເສດເຫຼືອຈຳນວນຫນຶ່ງເກີດຂຶ້ນ,ຖ້າຂອງເສດເຫຼົ່ານີ້ທ້ອນກັນຢູ່ໃນເນື້ອເຍື້ອກໍຈະເປັນຜົນຮ້າຍຕໍ່ຮ່າງກາຍຂອງຄົນ,ແລະອັນຕະລາຍເຖິງແກ່ຊີວິດ, ສະນັ້ນ,ຈຸລັງສົ່ງຂອງເສດເຂົ້າໄປໃນເລືອດ,ໄຫຼເຂົ້າຫມາກໄຂ່ຫລັງຕາມເລືອດ, ຫມາກໄຂ່ຫລັງເກັບເອົາສ່ວນທີ່ມີປະໂຫຍດໃນເລືອດຄືນ,ພ້ອມທັງລະບາຍສິ່ງທີ່ເປັນໂທດແລະບໍ່ຕ້ອງການນັ້ນອອກຖິ້ມຕາມປັດສາວະ,ສັບພະຄຸນຂອງຫມາກໄຂ່ຫລັງກໍທໍ່ກັບໂຮງງານທຳຄວາມສະອາດເລືອດ,ນອກນີ້,ຫມາກໄຂ່ຫລັງຍັງມີຫນ້າທີ່ດັດສົມທາດນ້ຳແລະເກືອໃນຮ່າງກາຍ.
ຫມາກໄຂ່ຫລັງມີຄວາມສຳຄັນປານນີ້ໃນອະໄວຍະວະຮ່າງກາຍ,ຕາບໃດທີ່ມັນມີບັນຫາ,ກໍຈະນຳເອົາຄວາມອັນຕະລາຍທີ່ສຸດມາໃຫ້ຄົນເຈັບ,ດັ່ງນັ້ນ,ມີນັກແພດສາດຫຼວງຫຼາຍຈຶ່ງສຸມກຳລັງຄົ້ນຄວ້າການປົວພະຍາດຫມາກໄຂ່ຫລັງ,ສຸມກຳລັງຄົ້ນຄວ້າເຮັດຫມາກໄຂ່ຫລັງທຽມ.
ປີ 1943 ທ່ານໂຄຟ ນາຍຫມໍຂອງໂຮນລັງໄດ້ເຮັດຫມາກໄຂ່ຫລັງທຽມຫນ່ວຍທຳອິດສຳເລັດເອົາມາ,ຕາງອະໄວຍະວະສຳຄັນຂອງຄົນເປັນຄັ້ງທຳອິດ, ຫມາກໄຂ່ ຫລັງທຽມໃນຮາງນ້ຳມີເຄື່ອງຕອງເຄື່ອງຫນຶ່ງ,ວັດຖຸມີພິດໃນເລືອດຈະຖືກຕອງອອກ,ແຕ່ເມັດເລືອດແລະໂປຼຕິນພັດຜ່ານບໍ່ໄດ້,ເຄື່ອງຈັກເຄື່ອງນີ້,ສາມາດເຂົ້າ ແທນສັບພະຄຸນຂອງຫມາກໄຂ່ຫລັງ,ເຮັດໃຫ້ຫມາກໄຂ່ຫລັງທີ່ຖືກເສື່ອມສັບພະຄຸນຄ່ອຍໆດີຄືນ.
ແຕ່ວ່າຫມາກໄຂ່ຫລັງທຽມກໍຕ້ອງຄ່ອຍໆດັດແປງໃຫ້ສົມບູນຂຶ້ນ,ປີ 1960 ,ທ່ານສະຄຼິບນີ ນາຍຫມໍພະແນກພາຍນອກຂອງອາເມລິກາໄດ້ປະດິດເຄື່ອງເຊື່ອມຕໍ່ທີ່ເຮັດດ້ວຍປຼາສຕິກຕໍ່ໃສ່ໃນແຂນຂອງຄົນເຈັບຢ່າງຖາວອນໄດ້.ເຊື່ອມຕໍ່ສາຍເລືອດແດງກັບສາຍເລືອດດຳຫມາກໄຂ່ຫລັງທຽມເຊື່ອມຕໍ່ໄດ້ງ່າຍທີ່ສຸດ,ທັງບໍ່ທຳລາຍສາຍເລືອດ,ພາຍໃນຫຼາຍປີ,ຜູ້ເປັນພະຍາດຫມາກໄຂ່ຫລັງເປັນຫມື່ນເປັນແສນຄົນໄດ້ໃຊ້ຫມາກໄຂ່ຫລັງທຽມມາຕອງເລືອດ,ອາທິດລະ 3 ເທື່ອ,ເທື່ອລະ 10 ຮອດ 20 ຊົ່ວໂມງ,ເພື່ອຮັກສາຊີວິດ.
ຮອດຊຸມປີ 70 ສະຕະວັດທີ 20 ໃຍໂຟມເລກຸນສູງທີ່ມີສັບພະຄຸນບາງຢ່າງໄດ້ຂະຫຍາຍຕົວຢ່າງວ່ອງໄວ,ໃນນັ້ນ,ໃຍໂຂ່ງໃນກໍແມ່ນຊະນິດຫນຶ່ງ,ຈາກນັ້ນມາ, ຫມາກໄຂ່ຫລັງທຽມທີ່ໃຊ້ມາຕອງເລືອດໄດ້ເລີ່ມຜະລິດດ້ວຍໃຍໂຂ່ງໃນ,ຫມາກໄຂ່ຫລັງທຽມເຮັດດ້ວຍໃຍໂຂ່ງໃນ 1 ຫມື່ນເສັ້ນໃຍດັ່ງກ່າວເສັ້ນຜ່າກາງຂ້າງໃນມີແຕ່ 200 ມີໂຄຼແມັດ,ຄວາມຫນາມີແຕ່ 20 ຮອດ 50 ມີໂຄຼແມັດແລະຍາວ 18 ຊັງຕິແມັດ,ຫມາກໄຂ່ຫລັງທຽມຊະນິດນີ້ມີສະມັດຖະພາບສູງ,ໃຊ້ງ່າຍ,ປັດຈຸບັນໃນໂລກນີ້ໄດ້ມີ 1 ແສນຄົນອາໃສຫມາກໄຂ່ຫລັງທຽມຊະນິດນີ້ມາດຳລົງຊີວິດ.
ເຖິງວ່າໃນປັດຈຸບັນ,ຫມາກໄຂ່ຫລັງທຽມໄດ້ໃຊ້ກັນໂດຍທົ່ວໄປ,ແຕ່ທຳມະດາແລ້ວ,ມັນພຽງແຕ່ມີສັບພະຄຸນຕອງເລືອດທໍ່ນັ້ນ,ດີແທ້,ຫມາກໄຂ່ຫລັງທຽມຄວນມີສັບພະຄຸນທັງຫມົດຄືກັນ,ຫມາກໄຂ່ຫລັງຂອງຄົນ,ຄືມີສັບພະຄຸນຕ່າງໆເຊັ່ນສົ່ງຮັບສັນຍານ,ການສະທ້ອນຄືນ,ຄວບຄຸມແລະຊຳລະຂໍ້ມູນຂ່າວສານຂອງຊີວະຊາດທັງຫມົດ,ນີ້ແມ່ນຈຸດຫມາຍທີ່ຄົນເຮົາພະຍາຍາມໃນອະນາຄົດ.
|
|
