|
|
 |
| (GMT+08:00)
2005-04-25 15:16:32
|
 |
|
ອາຫານ 10 ຢ່າງທີ່ດີກວ່າຫມູ່
cri
Author: sayvanny
ໃນອາຫານທີ່ພວກເຮົາກິນຢູ່ສູ່ມື້ນີ້,ສ່ວນຫຼາຍແມ່ນມີວັດຖຸເຄມີຢ່າງຫນຶ່ງຫຼືຫຼາຍຢ່າງ,ວັດຖຸເຄມີແຕ່ລະຢ່າງລ້ວນແຕ່ມີບົດບາດຕ່າງກັນ,ທ່ານສະແທນເຟີນ ໄທນົສຊ່າງຄຸມເຕັກນິກຂອງໂຮງງານຜະລິດວິຕາມິນຫຼັງຫນຶ່ງຂອງອາເມລິກາເວົ້າວ່າ,ວິຕາມິນເຫຼົ່ານີ້,ບາງຢ່າງແມ່ນສາມາດລະງັບອາລົມໂມໂຫ,ບາງຢ່າງແມ່ນສາມາດຕ້ານພະຍາດໄດ້,ບາງຢ່າງແມ່ນສາມາດດັດສົມຄວາມແຮງໃນຮ່າງກາຍ,ຜ່ານການຄົ້ນຄວ້າ,ບັນດານັກວິທະຍາສາດໄດ້ສະເຫນີຊື່ອາຫານ 10 ຢ່າງທີ່ດີກວ່າຫມູ່,ພວກທ່ານສະເຫນີໃຫ້ໃນແຕ່ລະມື້,ຢ່າງຫນ້ອຍຕ້ອງກິນອາຫານສອງຢ່າງໃນ 10 ຢ່າງທີ່ຈະສະເຫນີດັ່ງຕໍ່ໄປນີ້ຄື:
ຫນື່ງແມ່ນຜັກກະຫຼຳດອກ,ຕາມທົດລອງພິສູດວ່າ,ໃນຜັກກະຫຼຳດອກມີທາດແຟກມັງຕ້ານມະເຮັງເປັນຈຳນວນຫຼວງຫຼາຍ,ຄືຫຼາຍກວ່າອາຫານທີ່ມີແຟັກມັງແນວອື່ນຢ່າງຫຼວງຫຼາຍ,ສະນັ້ນ,ຜູ່ຊ່ຽວຊານຈິ່ງຖືວ່າ,ຜັກກະຫຼຳດອກເປັນອາຫານດີຊະນິດຫນຶ່ງທີ່ມີປະໂຫຍດເພື່ອໃຫ້ຄົນມີອາຍຸຍືນ,ນອກນີ້,ໃນຜັກກະຫຼຳດອກນັ້ນຍັງມີທາດການຊີອົມທີ່ປ້ອງກັນບໍ່ໃຫ້ກະດູກຜ່ອຍ,ມີທາດເຫຼັກທີ່ແມ່ຍິງມັກຂາດເລື້ອຍໆແລະມີທາດໂຟເລັດທີ່ມີປະໂຫຍດສຳລັບແມ່ມານ.
ສອງແມ່ນຫມາກສະຕຼໍເບີລີ,ຫມາກສະຕຼໍເບີລີບໍ່ພຽງແຕ່ມີນ້ຳຫຼາຍແລະມີລົດສົດຊື່ນ,ຫາກຍັງມີຜົນປະໂຫຍດຫຼາຍທີ່ສຸດຕໍ່ສຸກຂະພາບຂອງຄົນເຮົາ,ສະຕຼໍເບີລີສາມາດເຮັດໃຫ້ຜິວງາມຂຶ້ນ,ຜູ່ລົງທ້ອງກິນແລະຈະພາໃຫ້ອາການຜ່ອນເບົາລົງ,ຜ່ອນຄາຍພະຍາດຕັບໄຕແລະທໍ່ປັດສາວະ, ພ້ອມນີ້,ສະຕຼໍເບີລີຍັງສາມາດເຮັດໃຫ້ແຂ້ວຫມັ້ນ,ຮັກສາເຫງືອກ ເຢັນປາກຊຸ່ມຄໍ,ນອກນີ້ ໃບແລະຮາກຂອງມັນຍັງເອົາມາຊົງນ້ຳກິນກໍໄດ້,ອາດເວົ້າໄດ້ວ່າສະຕຼໍເບີລີມີປະໂຫຍດຫມົດທັງຕົ້ນ.
ສາມແມ່ນຫມາກຖົ່ວເຫຼືອງ ຜູ່ໃດຢາກອາຍຸຍືນ ຕ້ອງກິນຫມາກຖົ່ວເຫຼືອງໃຫ້ຫຼາຍ,ນີ້ແມ່ນຄຳເວົ້າຂອງທ່ານເອີ. ດາຍເຫດຜົນແມ່ນຫມາກຖົ່ວເຫຼືອງແມ່ນອາຫານຢ່າງຫນຶ່ງທີ່ມີຮອກໂມນເພດໂຕແມ່ຂອງພຶກຫຼາຍກວ່າເພິ່ນ,ສິ່ງດັ່ງກ່າວມີຄວາມສຳຄັນທີ່ສຸດສຳລັບສຸກຂະພາບຂອງເພດຍິງ.
ສີ່ແມ່ນນົມສົ້ມ,ນົມສົ້ມບໍ່ພຽງແຕ່ຊ່ອຍຍ່ອຍອາຫານທໍ່ນັ້ນ,ຫາກຍັງສາມາດປ້ອງກັນບໍ່ໃຫ້ລຳໄສ້ເຊື່ອມພິດ ຍົກປະສິດທິຄຸນຕ້ານເຊື້ອໃນຮ່າງກາຍຂອງຄົນໃຫ້ສູງຂຶ້ນ,ຖ້າທຽບກັບນ້ຳນົມທຳມະດາແລ້ວ,ນົມສົ້ມມີໄຂມັນຕ່ຳກວ່າ,ມີການຊີອົມຫຼາຍກວ່າ ແລະຍັງມີວິຕາມິນເບ 2 ,ຟົສຟໍແດງ,ທາດກາລີແລະວິຕາມິນເບ 12 ,ມູນສານເຫຼົ່ານີ້ແມ່ນມີປະໂຫຍດຫຼາຍຕໍ່ຮ່າງກາຍຂອງຄົນເຮົາ.
ຫ້າແມ່ນຜັກຫອມປ້ອມ ກິນຜັກຫອມປ້ອມເລື້ອຍໆກໍມີປະໂຫຍດຕໍ່ຮ່າງກາຍຄືກັນ,ເພາະວ່າໃນຜັກຫອມປ້ອມຍັງສາມາດເຮັດໃຫ້ຖ່າຍເບົາສະດວກ ຮັກສາທາດນ້ຳຕານໃນເລືອດແລະສາມາດກັນມະເຮັງ.
ຫົກແມ່ນມັນດ້າງ ໃນມັນດ້າງມີໃຍຫຼາຍທີ່ສຸດ,ມີທາດກາລີ ທາດເຫຼັກແລະວິຕາມິນເບ 6 ບໍ່ພຽງແຕ່ສາມາດປ້ອມກັນບໍ່ໃຫ້ເຖົ້າໄວ,ປ້ອງກັນບໍ່ໃຫ້ສາຍເລືອດແດງດ້ານ ຫາກຍັງສາມາດປ້ອງກັນຊີ້ນປົ່ງແລະມະເຮັງຢ່າງໄດ້ຜົນນຳອີກ.
ເຈັດປາທູເນີ,ປາທູເນີແມ່ນປາທະເລຢ່າງຫນຶ່ງ,ກົດໄຂມັນໃນປາຊະນິດນີ້ສາມາດລົດຄວາມດັນຂອງເລືອດ,ປ້ອງກັນບໍ່ໃຫ້ເປັນລົມຊັກ,ລະງັບເຈັບຫົວຂ້າງດຽວ,ປ້ອງກັນແລະປົວໂລກຜິວຫນັງ,ເຮັດໃຫ້ຜິວບໍ່ແຫ້ງຫຼາຍ.
ແປດແມ່ນຜັກບົ່ວຝັ່ງແລະຜັກທຽມ ຜັກບົ່ວຝັ່ງແລະຜັກທຽມສາມາດເຮັດໃຫ້ໂກເລັສເຕລອນຫນ້ອຍລົງແລະຫຼຸດຄວາມດັນຂອງເລືອດໃຫ້ຕ່ຳລົງ,ຫຼຸດຜ່ອນໂລກຫົວໃຈກຳເລີບ,ຕາມການທົດລອງພິສູດວ່າ,ກິນຜັກບົ່ວຝຼັ່ງມື້ລະເຄິ່ງຫົວ ອັດຕາເປັນມະເຮັງກະເພາະຈະຕ່ຳກວ່າຄົນທຳມະດາ 50% ຜູ່ກິນຜັກທຽມທຸກອາທິດອັດຕາເປັນມະເຮັງລຳໄສ້ຈະຕ່ຳກວ່າຄົນທຳມະດາ 50%
ເກົ້າແມ່ນເຂົ້າມານ,ເຂົ້າມານດີກວ່າເຂົ້າສາລີແລະເຂົ້າໂອດຍ້ອນວ່າມັນສາມາດເຮັດໃຫ້ອັດຕາເປັນມະເຮັງລຳໄສ້ຫຼຸດຫນ້ອຍລົງ,ເພາະວ່າກິນເຂົ້າມານຮ່າງກາຍຄົນເຮົາຮັບເອົາງ່າຍ,ເຂົ້າມານບໍ່ມີລົດຊາດຫຍັງ,ສະນັ້ນ,ເວລາກິນຈຶ່ງຕ້ອງເອົາປົນກັບເຂົ້າໂອດຫຼືນົມສົ້ມ.
ສິບແມ່ນຫມາກຫຸ່ງຫມາກຫຸ່ງມີວິຕາມິນເຊເຫນືອກວ່າຫມາກກ້ຽງຢ່າງຫຼວງຫຼາຍ, ຫມາກຫຸ່ງສາມດຍ່ອຍອາຫານ,ຍັງສາມາດປ້ອງກັນບໍ່ໃຫ້ກະເພາະເປັນບາດ ໂດຍສະເພາະແມ່ນຫມາກຫຸ່ງສາມາດຍ່ອຍອາຫານປະເພດຊີ້ນທີ່ຮ່າງກາຍຂອງຄົນຮັບເອົາຍາກ,ສະນັ້ນ,ຈຶ່ງສາມາດປ້ອງກັນບໍ່ເປັນພະຍາດລຳໄສ້ໄດ້ຢ່າງບັງເກີດຜົນ.
|
|
|
