|
ຟັງຫູດຽວຕາໃບ້,ຟັງຫຼາຍທີ່ມາຕາແຈ້ງ
cri
Author: sayvanny
ນິທານເລື່ອງນີ້ມີໃນສະໄຫມລາດຊະວົງຖັງຂອງຈີນເມື່ອ 1300 ກວ່າປີກ່ອນ,ຫລັງຈາກທ່ານລີເຊີ້ມິນໂຄ່ນລົ້ມລາດຊະວົງຊູຍແລະຕັ້ງລາດຊະວົງຖັງຂຶ້ນແທນແລ້ວ, ກໍ່ຕັ້ງຕົນເປັນພະເຈົ້າມະຫາຊີວິດຖັງໄທຈົງ,ໃນຄາວນັ້ນ,ພວກເສນາອານາດຝ່າຍທະຫານແລະຝ່າຍພົນລະເຮືອນທັງຫຼາຍທີ່ເປັນລູກນ້ອງຂອງທ່ານຫລີເຊີ້ມິນກໍພາກັນຫວັງໃຫ້ພະອົງຈົງຈັດງານສົມໂພດເພື່ອໄຫວ້ເທວະດາຟ້າດິນຢ່າງໃຫຍ່ໂຕມະໂຫລານ.
ກ່ອນສະໄຫມຖັງ,ຄືໃນສະໄຫມຊິນແລະສະໄຫມຮ້ານ ກໍມີເຈົ້າຊີວິດຫຼາຍອົງສະເດັດໄປໄຫວ້ເທວະດາຟ້າດິນຢູ່ເຖິງພູໄທຊານທາງພາກຕາເວັນອອກຂອງຈີນ,ເຊິ່ງ ເປັນຫນຶ່ງໃນຈຳນວນສາຍພູໃຫຍ່ກວ່າຫມູ່ 5 ຫນ່ວຍໃນປະເທດຈີນ,ທີ່ຈິງແລ້ວ,ກໍ່ແມ່ນຢາກຈະເຊີນຫນ້າຊູຕາ ແລະເພື່ອຈາລຶກຄຸນງານຄວາມດີຂອງຕົນໄວ້ທໍ່ນັ້ນ ດອກ.
ເມື່ອລີຊືມິນຂຶ້ນເປັນເຈົ້າຊີວິດລາດຊະວົງຖັງແລ້ວ,ເພິ່ນກໍ່ໄດ້ສ້າງຜົນງານໄວ້ບໍ່ຫນ້ອຍໃນການເຮັດໃຫ້ພາຍໃນປະເທດຢູ່ໃນຄວາມສະຫງົບ,ຂະຫຍາຍການຜະລິດແລະປົກປັກຮັກສາດິນແດນໄວ້ຢ່າງຫມັ້ນຄົງ,ເຮັດໃຫ້ບ້ານເມືອງເລີ່ມມີຄວາມສຸກກຸ່ມຊຸ້ມເຢັນ,ຈາກນັ້ນ,ພວກເຈົ້າຊຸນມຸນນາຍທ້າຫຼາຍກໍ່ນິຍົມກັນຫຼິ້ນກິນຟຸມເຟືອຍ,ແລະຕ່າງອວດຍົດຖາບັນດາສັກກັນຈົນກາຍເປັນຮີດ,ພວກເຂົາຫຼາຍຄົນພາກັນຍົກຍ້ອງຄຸນງາມຄວາມດີຂອງເຈົ້າຊີວິດ,ຊັດຊວນອວນພະອົງຈັດງານສົມໂພດເພື່ອໄຫວ້ເທວະດາຟ້າດິນ.
ເມື່ອພະເຈົ້າມະຫາຊີວິດຖັງໄທຈົງຟັງແລ້ວກໍ່ຄຶດຢາກເຫັນດີນຳຢູ່,ແຕ່ວ່າໃນເວລາພະອົງກຽມຈະຊົງສະເດັດໄປນັ້ນ,ເລີຍຄຶດງວດເຖິງອາວຸໂສຜູ່ຫນຶ່ງຊື່ວ່າອຸຍເຈີງ. ອຸຍເຈີງເປັນຄົນທີ່ມີອິດທິພົນສູງໃນລາດຊະວົງ,ໃນຄາວນັ້ນເພິ່ນກໍ່ໄດ້ເຂົ້າຮ່ວມໃນວຽກບໍລິຫານແຜ່ນດິນ,ຮັບຕຳແຫນ່ງເປັນມະຫາເສນາບໍດີແລະໄດ້ຮັບຄວາມໄວ້ວາງພະໄທເປັນຢ່າງຍິ່ງຈາກມະຫາຊິ່ວຖັງໄທຈົງ,ເພິ່ນຜູ່ນີ້ເປັນຄົນກ້າເວົ້າຄວາມຈິງ,ກ້າຮັບຜິດຊອບແລະກໍ່ກ້າຕຳຫນິຕິຊົນເຈົ້າຊີວິດ,ເມື່ອອຸ້ຍເຈີງເຂົ້າເຝົ້າເຈົ້າຊີວິດຢູ່ທີ່ພະລາດຊະສຳນັກ,ພະອົງກໍຊົງໄຕ່ຖາມຄວາມເຫັນຂອງເພິ່ນກ່ຽວກັບການຈັດງານສົມໂພດດັ່ງກ່າວ,ອຸ້ຍເຈີງກໍ່ທູນຄຳຕອບຢ່າງຈະແຈ້ງວ່າ,ຂໍທູນເກົ້າທູນຂະຫມອມ, ຂ້າພະບາດເຫັນວ່າ,ເລື່ອງຈັດງານສົມໂພດນັ້ນ,ດຽວນີ້ແມ່ນເຮັດບໍ່ໄດ້ເທື່ອ,ຍ້ອນພະເຈົ້າມະຫາຊີວິດຖັງໄທຈົງພວມມີພາລະຊະປະສົງໃນງານສົມໂພດ,ແລະກຽມຈະເຮັດໃຫຍ່ຢູ່ແລ້ວ,ບໍ່ໄດ້ຍິນອຸ້ຍເຈີງສະແດງຄວາມຄັດຄ້ານ,ຈິ່ງຕັດຖາມຢ່າງເຄັ່ງຂືມວ່າ,ເຈົ້າບໍ່ເຫັນດີນຳການຈັດງານສົມໂພດນີ້,ກໍ່ຂໍໃຫ້ເຈົ້າຍົກເຫດ ຜົນອອກມາເວົ້າຄັກແນ່ເບິ່ງດູ,ເຈົ້າເຫັນວ່າ,ຄຸນງາມຄວາມດີຂອງພະອົງເຮົາຍັງບໍ່ທັນມາກສົ້ນ.ບຸນຄຸນຍັງບໍ່ທັນສົມຊັ້ນຫວະ?
ອຸ້ຍເຈິງກໍຕອບຢ່າງບໍ່ຟ້າວບໍ່ຟັ່ງວ່າ,ຄຸນງາມຄວາມດີຂອງພະອົງແມ່ນມີມາກມາຍຫຼາຍລົ້ນແທ້,ແຕ່ວ່າເມື່ອຫຼຽວແວເບິ່ງບ່າວໄພ່ລາດສະດອນແລ້ວ,ພວກເຂົາເຈົ້າຍັງບໍ່ທັນໄດ້ຮັບຜົນປະໂຫຍດຫຼາຍປານໃດເທື່ອ,ບຸນຄຸນພະອົງນັ້ນແມ່ນລ້ຳເລິກແທ້,ແຕ່ກໍ່ບໍ່ແມ່ນວ່າຜູ່ໃດກໍ່ຮູ້ຄຸນຂອງພະອົງຫມົດເທື່ອ.
ພະເຈົ້າຖັງໄທຈົງຕັດຖາມຕໍ່ໄປວ່າ,ອານາຈັກຂອງພວກເຮົາຍັງບໍ່ທັນສະຫງົບແທ້ຫວະ,ປະເທດອື່ນຍັງບໍ່ທັນໂຄລົບນົບນ້ອມພວກເຮົາເທື່ອຫວະ,ໃນຫຼາຍປີມານີ້,ບໍ່ແມ່ນພຶດທັນຍາຫານກໍ່ເກັບກ່ຽວໄດ້ຜົນອຸດົມສົມບູນແລ້ວຫວະ,ອຸ້ຍເຈິງກໍຍັງເວົ້າ ດ້ວຍທຳນອງບໍ່ຮ້ອນບໍ່ຮົນວ່າ,ຂໍກາບທູນພະບາດ,ໃນຊູ່ມື້ນີ້,ທົ່ວອານາຈັກຂອງພວກເຮົາແມ່ນຢູ່ໃນຄວາມສະຫງົບແທ້,ແຕ່ວ່າໃນພະຄັງຂອງລາດຊະວົງກໍ່ຍັງບໍ່ທັນມັ່ງຄັ່ງເທື່ອ,ໃນຫຼາຍປີມານີ້,ພຶດພັນທັນຍາຫານກໍ່ເກັບກ່ຽວໄດ້ດີຢູ່,ແຕ່ວ່າເຂົ້າໃນສາງຫຼວງກໍ່ຍັງບໍ່ທັນເຕັມເທື່ອ.ທາງດ້ານປະເທດອ້ອມຂ້າງເຖິງວ່າເຂົາເຈົ້າຈະຍອມເປັນເມືອງສ່ວຍ,ແຕ່ພວກເຮົາຈະສະຫນອງຕາມທີ່ຈະເຮັດໃຫ້ພຽງພໍກັບຄວາມຕ້ອງການຂອງພວກເຂົາກໍຍັງຍາກຢູ່,ຫຼາຍໆດ້ານເຫຼົ່ານີ້ລ້ວນແລ້ວແຕ່ເປັນ ເລື່ອງທີ່ຄວນສຳນຶກກຶກກອງໃຫ້ລະອຽດຖີ່ຖ້ວນທັງນັ້ນ,ພໍເວົ້າມາຮອດນີ້,ເພິ່ນກໍ່ຢຸດຄາວຫນຶ່ງ,ແລ້ວຈຶ່ງເວົ້າຂາດຕົວວ່າ,ດັ່ງນັ້ນ,ຂ້າພະບາດຈິ່ງຖືວ່າ,ປະຈຸບັນນີ້,ຍັງບໍ່ທັນຮອດຍາມຈັດງານສົມໂພດເທື່ອ.
ເມື່ອພະເຈົ້າມະຫາຊີວິດຖັງໄທຈົງໄດ້ຟັງເຫດຜົນຂອງອຸ້ຍເຈິງແລ້ວ,ກໍ່ຮູ້ສຶກວ່າສິ່ງທີ່ເພິ່ນເວົ້າມານັ້ນເປັນເລື່ອງຈິງທັງນັ້ນ,ແຕ່ຍ້ອນພະອົງຍັງຊົງປື້ມພະໄທນຳງານສົມໂພດນັ້ນຢູ່,ຈິ່ງລະຖິ້ມພະລາດຊະປະສົງນັ້ນບໍ່ໄດ້ເທື່ອ,ແລ້ວກົ່ມພະສຽນພິນິດຢູ່ຢ່າງມິດໆ,ອຸ້ຍເຈິງເງີຍຫນ້າຂຶ້ນ,ກ່າວທູນຫຼອງພະອົງຕໍ່ໄປວ່າ,ຂໍທູນຫຼອງພະບາດ ວ່າ,ທັງນີ້ກໍ່ບໍ່ຕ່າງຫຍັງກັບຄົນເປັນພະຍາກຫນັກມາ 10 ປີແລ້ວ,ເຖິງວ່າຈະດີຄືນແລ້ວກໍ່ດີ,ແຕ່ສຸຂະພາບກໍ່ຍັງອ່ອນເພຍ,ຍັງເຫຼືອແຕ່ຫນັງຫຸ້ມກະດູກທໍ່ນັ້ນ,ໃນເວລານີ້,ຖ້າຈະໃຫ້ເຂົາຫາບເຂົ້າຍ່າງມື້ຫນຶ່ງຕັ້ງຫຼາຍ 10 ຫຼັກ,ມັນບໍ່ຫ່ອນຊິໄປຫຼ້ອນ,ພະອົງກໍ່ລອງຄຶດເບິ່ງດູວ່າ,ບ້ານເມືອງຂອງພວກເຮົາທີ່ໄດ້ຜ່ານຄວາມວຸ້ນວານເດືອດ ຮ້ອນໃນສະໄຫມລາດຊະວົງສຸຍມາກໍ່ບໍ່ຕ່ຳກວ່າ 10 ປີແລ້ວ,ພະອົງເອງກໍ່ບໍ່ຕ່າງຫຍັງກັບແພດຫມໍຜູ່ປົວເກັງໄດ້ປົວເອົາບ້ານເອົາເມືອງຄືນມາ,ຫາກໍ່ມີກຳລັງວັງຊາໃຫມ່ໆ,ແຕ່ກໍ່ຍັງບໍ່ທັນແຂງແຮງເຕັມຢຽດເທື່ອ,ໃນເວລານີ້ພັດຈະຈັດງານສົມໂພດຢ່າງໃຫຍ່ໂຕມະໂຫລານ,ເພື່ອຫຼອງຄຸນງາມຄວາມດີຕໍ່ເທວະດາຟ້າດິນ ມັນຈະບໍ່ມີສົມຄວບບໍ່.
ພະເຈົ້າມະຫາຊີວິດຖັງໄທຈົງທອດພະເນດເບິ່ງເສນາຜູ່ອາວຸໂສຜູ່ນີ້ດ້ວຍຄວາມກະຕຸ້ນພະໄທ,ເວລານັ້ນ,ອຸ້ຍເຊີງກໍ່ມີອາຍຸ 53 ປີແລ້ວ,ໃນຫຼາຍປີມານີ້,ເພິ່ນແມ່ນຄຶດນຳແຕ່ໂຊກຊາຕາຂອງບ້ານເມືອງ:ເມື່ອມີເລື່ອງຫຍັງ,ເພິ່ນກໍ່ອອກຄຳຄຶດຄຳເຫັນໂລດ,ປະຈຸບັນນີ້,ເຖິງວ່າໃນເລື່ອງຈັດງານສົມໂພດນັ້ນ,ເພິ່ນມີຄວາມເຫັນຕ່າງກັບເສນາອານາດຜູ່ອື່ນກໍຕາມ,ແຕ່ຄວາມເຫັນຂອງເພິ່ນຊ້ຳພັດມີເຫດມີຜົນຫຼາຍກວ່າ, ບັດນີ້,ພະເຈົ້າມະຫາຊີວິດຖັງໄທຈົງຈິ່ງຊົງພະກະແສດຳລັດດ້ວຍຄວາມປື້ມພະໄທຕໍ່ອຸ້ຍເຈິງວ່າເຫດຜົນທີ່ເຈົ້າເວົ້າມານັ້ນ,ເຮັດໃຫ້ພະອົງເຮົາຊົງແຈ່ມ,ພະໄທເປັນດີຢ່າງດີຍິ່ງ,ພະອົງເຮົາຊົງດຳລິເປັນຄຳເວົ້າຂອງທ່ານເມື່ອ 4 ປີກ່ອນນີ້ວ່າ,ຟັງທູດຽວຕຳໃບ້,ຟັງຫຼາຍທີ່ມາຕາແຈ້ງແມ່ນຖືກຄັກແທ້ໆ.
ນັບແຕ່ເວລານັ້ນມາ 10 ປີຈົນອຸ້ຍເຈິງເຖິງແກ່ກຳໄປ,ຄັນມີເລື່ອງສຳຄັນຫຍັງ,ພະເຈົ້າມະຫາຊີວິດຖັງໄທຈົງກໍ່ມັກຂໍຄວາມຄຶດຄຳເຫັນນຳອຸ້ຍເຈິງສະເຫນີ,ພະອົງເຄີຍຊົງຕັດວ່າ,ພະອົງເຮົາດຳລິວ່າ,ມີແວ່ນແຍງສາມຫນ້າແມ່ນສຳຄັນທີ່ສຸດ,ໃຊ້ທອງເຮັດເປັນແວ່ນແຍງສາມາດແຍງເບິ່ງການນຸ້ງຖືຂອງຕົນເອົາບູຮານເປັນແວ່ນແຍງສາມາດຮູ້ຄວາມຈະເລີນແລະຄວາມຊຸດໂຊມ,ເອົາຄົນເປັນແວ່ນແຍງສາມາດຮູ້ອັນໄດ້ອັນເສຍ,ອຸ້ຍເຈິງຕາມໄປແລ້ວ,ເຮັດໄດ້ເຮັດໃຫ້ພະອົງເຮົາເສຍແວ່ນແຍງຮູ້ອັນໄດ້ອັນເສຍໄປຫນ້າຫນຶ່ງ
|
|
