|
|
 |
| (GMT+08:00)
2005-04-26 10:57:52
|
 |
|
ສປປເກົາຫລີທວງໃຫ້ອາເມລິກາສ້າງເງື່ອນໄຂເພື່ອຟື້ນຟູການເຈລະຈາຫົກຝ່າຍ
cri
Author: sayvanny
ຕາມຂ່າວ CRI:ວັນທີ 25 ເມສາ ໃນເວລາຕອບຄຳຖາມຂອງນັກຂ່າວ, ໂຄສົກກະຊວງການຕ່າງປະເທດສປປເກົາຫລີເວົ້າວ່າ, ອາເມລິກາຕ້ອງຖອນຄຳເວົ້າທີ່ວ່າສປປເກົາຫລີແມ່ນທີ່ຕັ້ງການປົກຄອງທີ່ທາລຸນນັ້ນຄືນ, ຖ້າບໍ່ດັ່ງກ່າວນັ້ນ, ສປປເກົາຫລີເດັດຂາດບໍ່ເຂົ້າຮ່ວມການເຈລະຈາຫົກຝ່າຍທີ່ຫມາຍຈະແກ້ໄຂບັນຫາແຫລມເກົາຫລີນັ້ນອີກ.
ໂຄສົກຜູ່ນີ້ກ່າວຢ້ຳວ່າຫລັກການຂອງສປປເກົາຫລີແມ່ນບັນລຸເປົ້າ ຫມາຍປາດສະຈາກນິວເຄຼຍຢູ່ແຫລມເກົາຫລີໃນທີ່ສຸດໂດຍຜ່ານການປຶກສາຫາລືກັນ.ທ່ານເວົ້າວ່າ,ຈຸດປະສົງຂອງອາເມລິກາແມ່ນຢາກບັງຄັບໃຫ້ສປປເກົາຫລີຟັງຄວາມເຂົາ, ຖ້າບໍ່ດັ່ງນັ້ນເຂົາກໍ່ຂົ່ມຂູ່ວ່າຈະມອບບັນຫານິວເຄຼຍແຫລມເກົາຫລີໃຫ້ສະພາຄວາມຫມັ້ນຄົງສະຫະປະຊາຊາດແກ້ໄຂ.ແຕ່ວ່າ, ການລົງໂທດສປປເກົາຫລີກໍ່ທໍ່ກັບປະກາດເຮັດສົງຄາມຕໍ່ເກົາຫລີ,ຕໍ່ເລື່ອງນີ້, ສປປເກົາຫລີໄດ້ກຽມພ້ອມແຕ່ດົນແລ້ວ.
ຂ່າວແຈ້ງອີກວ່າ, ວັນທີ 25 ເມສາ, ທ່ານເອເລລີ ຮອງໂຄສົກກະຊວງການຕ່າງປະເທດອາເມລິກາໃຫ້ສຳພາດຕໍ່ວົງການຫນັງສືພິມວ່າ, ອາເມລິກາຫວັງໃຫ້ຟື້ນຟູການເຈລະຈາຫົກຝ່າຍໂດຍໄວ, ອາເມລິກາກຳລັງພ້ອມກັບຝ່າຍອື່ນໆໃນການເຈລະຈາຫົກຝ່າຍທຳຄວາມພະຍາຍາມເພື່ອບັນລຸເປົ້າຫມາຍດັ່ງກ່າວ.
|
|
|
