|
ຝ່າຍຈີນມີທ່າທີອັນຕັ້ງໜ້າຕໍ່ການສ້າງຕັ້ງແລະພັດທະນາເຂດການຄ້າເສລີຈີນອາຊຽນ
cri
Author: da
ຕາມຂ່າວCRI:ວັນທີ 26 ເມສາ ໃນງານຊຸມນຸມນັກຂ່າວທີ່ຈັດຂຶ້ນຢູ່ທີ່ປັກກິ່ງ,ທ່ານສີນກາງ ໂຄສົກກະຊວງການຕ່າງປະເທດຈີນເວົ້າວ່າ,ຝ່າຍຈີນມີທ່າທີອັນຕັ້ງໜ້າຕໍ່ການສ້າງຕັ້ງແລະພັດທະນາເຂດການຄ້າເສລີຈີນອາຊຽນ.
ຕາມແຜນການ,ວຽກງານສ້າງເຂດການຄ້າເສລີຈີນອາຊຽນຈະເລີ່ມຂຶ້ນໃນປີນີ້ຢ່າງຮອບດ້ານ,ແລະເຂດການຄ້າເສລີຈະສ້າງສຳເລັດໃນປີ 2010.ທ່ານສີນກາງເວົ້າວ່າ,ຝ່າຍຈີນຫວັງໃຫ້ການປຶກສາຫາລືກັບອາຊຽນກ່ຽວກັບເຂດການຄ້າເສລີນັ້ນຈະໄດ້ຮັບໝາກຜົນຢ່າງຕັ້ງໜ້າ.
ປີກາຍນີ້,ຍອດມູນຄ່າການຄ້າລະຫວ່າງຈີນກັບອາຊຽນໄດ້ບັນລຸ 105 ຕື້ 800 ລ້ານໂດລາສະຫະລັດ,ອາຊຽນໄດ້ກາຍເປັນຄູ່ການຄ້າໃຫຍ່ທີສີ່ຂອງຈີນ.
|
|
