|
ຕາມຂ່າວCRI,ວັນທີ27ເມສາ,ຢູ່ມານີລາ,ທ່ານຫູຈິນທາວ ປະທານປະເທດຈີນທີ່ພວມຢ້ຽມຢາມຟີລິບປິນທາງລັດຖະກິດໄດ້ ເຈລະຈາກັບທ່ານນາງອາໂລໂຢ ປະທານາທິບໍດີຟີລິບປິນ.ປະມຸກລັດທັງສອງປະເທດໄດ້ກ້າວເຖິງຂັ້ນມີຄວາມຮັບຮູ້ຄືກັນກ່ຽວກັບການຊຸກຍູ້ການພົວພັນຈີນຟີລິບປິນຢ່າງຕັ້ງໜ້າ,ເປັນເອກະສັນກັນເຫັນດີສ້າງການພົວພັນຮ່ວມມືດ້ານຍຸດທະສາດທີ່ຈີນຟີລິບປິນເລັ່ງໃສ່ສັນຕິພາບແລະການພັດທະນາ.
ໃນການເຈລະຈາ,ທ່ານຫູຈິນທາວໄດ້ສະເໜີຂໍ້ສະເໜີ7ຂໍ້ເພື່ອຊຸກຍູ້ການພົວພັນຮ່ວມມືດ້ານຍຸດສະທາດຈີນຟີລິບປິນ,ໃນນັ້ນລວມທັງ ຍາດແຍ່ງປະຕິບັດສັນຍາພ້ອມກັນພັດທະນາຊັບພະຍາກອນເຂດທະເລສ່ວນໜຶ່ງຢູ່ທະເລຈີນໃຕ້ໂດຍໄວ,ຊຸກຍູ້ການພົວພັນຈີນອາຊຽນພັດທະນາໄວກວ່າເກົ່າ.
ທ່ານນາງອາໂລໂຢກ່າວວ່າ,ຂໍ້ສະເໜີຂອງທ່ານຫູຈິນທາວເປັນທັດສະນະດີ,ການສ້າງການພົວພັນຮ່ວມມືດ້ານຍຸດທະສາດຟີລິບປິນຈີນແມ່ນການເລືອກເອົາສຳຄັນຂອງລັດຖະບານຟີລິບປິນ.ລັດຖະບານຟີລິບປິນເດັດດ່ຽວປະຕິບັດນະໂຍບາຍຈີນດຽວ,ເຄົາລົບຫຼັກໝັ້ນຂອງລັດຖະບານຈີນໃນບັນຫາໄຕ້ຫວັນ.
ພາຍຫຼັງການເຈະລຈາສິ້ນສຸດລົງແລ້ວ,ພາກສ່ວນທີ່ກ່ຽວຂ້ອງຂອງລັດຖະບານຈີນແລະຟີລິບປິນໄດ້ເຊັນສັນຍາແລະເອກະສານຮ່ວມມືຫຼາຍສະບັບທີ່ກວມຫຼາຍຂົງເຂດ.ປະມຸກລັດສອງປະເທດໄດ້ເຂົ້າຮ່ວມພິທີລົງນາມເພື່ອເປັນສັກຂີພິຍານ.
|
