|
|
 |
| (GMT+08:00)
2005-04-27 22:16:46
|
 |
|
ປະມຸກລັດຈີນຟີລິປິນເຈລະຈາກັນແລະກ້າວເຖິງຂັ້ນມີຄວາມຮູ້ຄືກັນທີ່ສຳຄັນກ່ຽວກັບການຂະຫຍາຍການພົວພັນລະຫວ່າງສອງປະເທດຕື່ມອີກ
cri
Author: da
ຕາມຂ່າວສານຊິນຮວາ:ຕອນເຊົ້າວັນທີ 27 ເມສາ,ທ່ານຫູຈີນທາວ ປະທານປະເທດຈີນກັບທ່ານນາງອາໂລໂຢ ປະທານາທິບໍດີຟີລິບປິນໄດ້ເຈລະຈາກັນຢູ່ທຳນຽບປະທານາທິບໍດີ.ປະມຸກລັດທັງສອງປະເທດສະແດງຄວາມເພິ່ງພໍໃຈຕໍ່ການພົວພັນສອງຝ່າຍໄດ້ຂະຫຍາຍຕົວຢ່າງໄດ້ຜົນອຸດົມສົມບູນແຕ່ສອງປະເທດສ້າງການພົວພັນທາງການທູດ 30 ປີມານີ້,ແລະໄດ້ກ້າວເຖິງຂັ້ນມີຄວາມຮູ້ຄືກັນທີ່ສຳຄັນກ່ຽວກັບຕັ້ງໜ້າຊຸກຍູ້ການພົວພັນລະຫວ່າງຈີນຟີລິບປິນຂະຫຍາຍຕື່ມອີກ,ເປັນເອກະສັນກັນເຫັນດີນຳສ້າງການພົວພັນຮ່ວມມືດ້ານຍຸດທະສາດລະຫວ່າງຈີນຟີລິບປິນເພື່ອສັນຕິພາບແລະການພັດທະນາ.
ໃນການເຈລະຈາ,ທ່ານຫູຈີນທາວເວົ້າວ່າ,ໃນຫຼາຍປີມານີ້,ການພົວພັນຈີນຟີລິບປິນໄດ້ຂະຫຍາຍຕົວຢ່າງບໍ່ຢຸດຢັ້ງ,ຄວາມໄວ້ເນື້ອເຊື່ອໃຈທາງການເມືອງໄດ້ຮັບການເພີ່ມທະວີຂຶ້ນຢ່າງເດັ່ນຊັດ,ການຮ່ວມມືທີ່ມີລັກສະນະທາດແທ້ກໍນັບມື້ນັບເປີດກວ້າງອອກ,ຜົນປະໂຫຍດຮ່ວມກໍຫຼາຍຂຶ້ນຢ່າງບໍ່ຂາດສາຍ.ຍອດມູນຄ່າການຄ້າສອງຝ່າຍໃນປີ 2004 ໄດ້ບັນລຸ 13 ຕື້ 300 ລ້ານກວ່າໂດລາສະຫະລັດ.
ທ່ານຫູຈີນທາວຍັງໄດ້ວາງຂໍ້ສະເໜີລະອຽດກ່ຽວກັບການຂະຫຍາຍການພົວພັນລະຫວ່າງຈີນຟີລິບປິນ.ຄື ໜຶ່ງ,ສອງຝ່າຍຮ່ວມມືກັນຢ່າງແໜ້ນແຟ້ນ,ຕັ້ງໜ້າປະຕິບັດແຜນການຢ້ຽມຢາມເຊິ່ງກັນແລະກັນລະຫວ່າງລັດຖະບານທັງສອງປະເທດ.ສອງ,ຊຸກຍູ້ການຮ່ວມມືທາງເສດຖະກິດການຄ້າໄດ້ຮັບຄວາມຄືບໜ້າໃໝ່,ພະຍາຍາມໃຫ້ຍອດມູນຄ່າການຄ້າສອງຝ່າຍບັນລຸຄາດໝາຍ 30 ຕື້ໂດລາສະຫະລັດໃນປີ 2010.ຝ່າຍຈີນຈະສືບຕໍ່ເຂົ້າຮ່ວມການກໍ່ສ້າງພື້ນຖານໂຄງລ່າງເຊັ່ນທາງລົດໄຟຢູ່ຟີລິບປິນເປັນຕົ້ນຢ່າງຕັ້ງໜ້າແລະອຳນວຍຄວາມສະດວກໃນການຫ້າງຫາທຶນຕາມຄວາມສາມາດຂອງຕົນ.ສ້າງກົນໄກຮ່ວມມື,ເຮັດໃຫ້ການຮ່ວມມືພັດທະນາຊັບພະຍາກອນບໍ່ແຮ່ເປັນເສົາຄ້ຳໃໝ່ແຫ່ງການຮ່ວມມືທາງເສດຖະກິດການຄ້າລະຫວ່າງຈີນຟີລິບປິນ.ສາມ,ສືບຕໍ່ຮ່ວມມືກັນຢ່າງແໜ້ນແຟ້ນ,ຍາດແຍ່ງປະຕິບັດສັນຍາກ່ຽວກັບບໍລິສັດຈີນ ຟີລິບປິນແລະຫວຽດນາມຮ່ວມກັນເຮັດວຽກງານດ້ານແຜ່ນດິນໄຫວທາງທະເລຢູ່ບາງເຂດຂອງທະເລຈີນໃຕ້ນັ້ນໂດຍໄວ,ພ້ອມກັນພັດທະນາໃຫ້ໄດ້ໝາກຜົນທີ່ມີລັກສະນະທາດແທ້.ສີ່,ເສີມຂະຫຍາຍບົດບາດຂອງກົນໄກຫາລືປ້ອງກັນຄວາມປອດໄພຈີນຟີລິບປິນທີ່ຫາກໍ່ສ້າງຕັ້ງຂຶ້ນນັ້ນຢ່າງເຕັມທີ່,ຊຸກຍູ້ການຮ່ວມມືປ້ອງກັນຄວາມປອດໄພຈີນຟີລິບປິນໄດ້ຮັບຄວາມຄືບໜ້າທີ່ມີລັກສະນະທາດແທ້.ເພີ່ມທະວີການຮ່ວມມືຢ່າງບັງເກີດຜົນລະຫວ່າງສອງຝ່າຍໃນຂົງເຂດຕ້ານຢາເສບຕິດແລະໂຈມຕີການຕ້ອງໂທດຂ້າມຊາດຕື່ມອີກ.ຫ້າ,ເພີ່ມທະວີການແລກປ່ຽນທຸກລະດັບລະຫວ່າງສອງປະເທດ,ຊົມເຊີຍແຂວງແລະເມືອງທີ່ກ່ຽວຂ້ອງຂອງສອງປະເທດສ້າງການພົວພັນໄມຕີຈິດ.ຫົກ,ຊຸກຍູ້ການພົວພັນຈີນ-ອາຊຽນມີການຂະຫຍາຍຕົວໃຫຍ່ກວ່າເກົ່າ.ສືບຕໍ່ສະໜັບສະໜູນການສ້າງສາກຸ່ມອາຊຽນແລະຂະບວນເຊື່ອມໂຍງເຂົ້າກັນ,ຊຸກຍູ້ການສ້າງເຂດການຄ້າເສລີຈີນ-ອາຊຽນ.ເຈັດ,ພ້ອມກັນປະຕິບັດຄວາມຮູ້ຄືກັນທີ່ໄດ້ກ້າວເຖິງຂັ້ນຕົກລົງກັນໃນກອງປະຊຸມສຸດຍອດອາຊີອາຟຼີກາທີ່ຫາກໍ່ສິ້ນສຸດລົງ,ສືບຕໍ່ເພີ່ມທະວີການປະສານສົມທົບລະຫວ່າງຈີນກັບຟີລິບປິນໃນສະຫະປະຊາຊາດ ອົງການການຄ້າໂລກແລະອົງການອາເປັກເປັນຕົ້ນ,ພ້ອມກັນປົກປັກຮັກສາສິດແລະຜົນປະໂຫຍດທີ່ຊອບທຳຂອງປະເທດພວມພັດທະນາ.
ທ່ານນາງອາໂລໂຢເວົ້າວ່າ,ການສ້າງການພົວພັນຮ່ວມມືດ້ານຍຸດທະສາດລະຫວ່າງຟີລິບປິນຈີນເພື່ອສັນຕິພາບແລະການພັດທະນາແມ່ນການເລືອກເອົາທີ່ສຳຄັນຂອງລັດຖະບານຟີລິບປິນ.ທ່ານຍັງກ່າວລື້ມວ່າ,ລັດຖະບານຟີລິບປິນຍຶດໝັ້ນນະໂຍບາຍຈີນດຽວຢ່າງເດັດດ່ຽວ,ໂຄລົບຫຼັກໝັ້ນຂອງລັດຖະບານຈີນໃນບັນຫາໄຕ້ຫວັນ.
|
|
|
