|
|
 |
| (GMT+08:00)
2005-04-29 09:58:39
|
 |
|
ອາເມລິກາເຕືອນໃຫ້ສປປເກົາຫລີກັບຄືນສູ່ການເຈລະຈາຫົກຝ່າຍກ່ຽວກັບບັນຫານິວເຄຼຍອີກເທື່ອຫນຶ່ງ
cri
Author: sayvanny
ຕາມຂ່າວ CRI:ວັນທີ 28 ເມສາ ທ່ານເອເລລີ ຮອງໂຄສົກກະຊວງການຕ່າງປະເທດອາເມລິກາໄດ້ເຕືອນໃຫ້ສປປເກົາຫລີກັບຄືນສູ່ການເຈລະຈາຫົກຝ່າຍກ່ຽວກັບບັນຫານິວເຄຼຍແຫລມເກົາຫລີອີກເທື່ອຫນຶ່ງ.
ໃນງານຖະແຫລງຂ່າວທີ່ຈັດຂຶ້ນໃນວັນທີ 28 ເມສາ, ທ່ານເອເລລີເວົ້າວ່າ, ອາເມລິກາຍັງຄົງອອກແຮງເຂົ້າໃນການເຈລະຈາຫົກຝ່າຍ,ນີ້ແມ່ນຊ່ອງທາງດີກວ່າຫມູ່ໃນການແກ້ໄຂບັນຫານິວເຄຼຍແຫລມເກົາຫລີ. ແຕ່ສະພາບຄາກັນໃນສະເພາະຫນ້ານີ້ບໍ່ຄວນຖືກແກ່ຍາວໄປຢ່າງບໍ່ມີເວລາຈຳກັດ,ຕາບໃດອາເມລິກາເຫັນວ່າສປປເກົາຫລີຕົກລົງບໍ່ກັບຄືນສູ່ການເຈລະຈາຫົກຝ່າຍອີກແລ້ວ, ອາເມລິກາກໍ່ຈະພິຈາລະນາມາດຕະການໃນບາດກ້າວຕໍ່ໄປ.
ທ່ານເອເລລີຍັງເວົ້າວ່າ, ທ່ານຮີຣ ຜູ່ຊ່ອຍລັດຖະມົນຕີການຕ່າງປະເທດອາເມລິກາໄດ້ຢ້ຽມຢາມສາທາລະນະລັດເກົາຫລີ ຈີນແລະຍີ່ປຸ່ນຕາມໆກັນໃນຫວ່າງມໍ່ໆນີ້,ຈຸດປະສົງຕົ້ນຕໍກໍ່ແມ່ນເພື່ອຊຸກຍູ້ການຟື້ນຟູການເຈລະຈາຫົກຝ່າຍກ່ຽວກັບບັນຫານິວເຄຼຍແຫລມເກົາຫລີ.
|
|
|
