|
|
 |
| (GMT+08:00)
2005-04-29 14:02:34
|
 |
|
ທ່ານປູຕີນຮຽກຮ້ອງໃຫ້ອິສຣາແອນສະໜັບສະໜູນທ່ານອັບບາສ
cri
Author: li
ຕາມຂ່າວ CRI: ວັນທີ 28 ເມສາ ທ່ານປູຕິນ ປະທານາທິບໍດີຣັດເຊຍທີ່ພວມຢ້ຽມຢາມອິສຣາແອນຢ່າງເປັນທາງການໄດ້ເຈລະຈາກັບທ່ານຊາລອນ ນາຍົກລັດຖະມົນຕີອິສຣາແອນ. ທ່ານປູຕິນຮຽກຮ້ອງໃຫ້ອິສຣາແອນສະໜັບສະໜູນທ່ານອັບບາສ ປະທານອົງການອຳນາດແຫ່ງຊາດປາເລັສຕີນ,ແລະກ່າວວ່າ,ນະໂຍບາຍຂອງອິສຣາແອນທີ່ໃຊ້ກຳລັງໜີບທ່ານອັບບາສນັ້ນຈະທຳລາຍຜົນປະໂຫຍດຂອງອິສລາແອນແລະປາເລັສຕີນ.
ໃນການເຈລະຈາ,ທ່ານຊາລອນໄດ້ປະຕິເສດຂໍ້ລິເລີ່ມໃຫ້ຈັດກອງປະຊຸມສາກົນກ່ຽວກັບບັນຫາຕາເວັນອອກກາງຢູ່ມົສກູໃນລະດູໃບໄມ້ຫຼົ່ນປີນີ້ທີ່ທ່ານປູຕິນສະເໜີໃນວັນທີ 27 ເມສາ. ທ່ານຊາລອນເວົ້າວ່າ,ຄວນອີງຕາມການກຳນົດໃນແຜນການ"ແຜນທີ່ເສັ້ນທາງ"ສັນຕິພາບຕາເວັນອອກກາງ,ຈັດກອງປະຊຸມສາກົນກ່ຽວກັບບັນຫາຕາເວັນອອກກາງໃນໄລຍະທີສອງຂອງການປະຕິບັດແຜນການດັ່ງກ່າວ.
ໃນການເຈລະຈາ,ສອງຝ່າຍຍັງມີແຜນສ້າງກົນໄກຮ່ວມກັນຕ້ານການກໍ່ການຮ້າຍຂອງສອງປະເທດຣັດເຊຍອິສຣາແອນ,ແລກປ່ຽນຂ່າວຄາວຕ້ານການກໍ່ການຮ້າຍຢ່າງທັນການ.
|
|
|
