|
|
 |
| (GMT+08:00)
2005-04-29 14:34:41
|
 |
|
ອົງການສະຫະປະຊາຊາດ ອາເມລິກາແລະສະຫະພາບເອີລົບຊົມເຊີຍອີຣັກສ້າງຕັ້ງລັດຖະບານຂ້າມຜ່ານ
cri
Author: sayvanny
ຕາມຂ່າວ CRI: ວັນທີ 28 ເມສາ ລັດຖະສະພາແຫ່ງຊາດຂ້າມຜ່ານຂອງອີຣັກໄດ້ຜ່ານບັນຊີລາຍຊື່ສະມາຊິກລັດຖະບານຂ້າມຜ່ານທີ່ສະເຫນີໂດຍທ່ານຈາຟາຣີ ນາຍົກລັດຖະມົນຕີດ້ວຍຄະແນນສຽງເກືອບທັງຫມົດ,ແລະໄດ້ສ້າງຕັ້ງລັດຖະບານຂ້າມຜ່ານພາຍຫລັງການເລືອກຕັ້ງທົ່ວໄປເກືອບ 3 ເດືອນ.ອົງການສະຫະປະຊາຊາດ ອາເມລິກາແລະສະຫະພາບເອີລົບຕ່າງໄດ້ອອກຖະແຫລງການສະແດງຄວາມຊົມເຊີຍຕໍ່ເລື່ອງນີ້.
ໃນຖະແຫລງການ, ທ່ານອານນານ ເລຂາທິການໃຫຍ່ອົງການສະຫະປະຊາຊາດກ່າວວ່າ, ອີຣັກຈັດຕັ້ງລັດຖະບານຂ້າມຜ່ານຢ່າງສະດວກແມ່ນຫມາກຜົນທີ່ໄດ້ຮັບຍ້ອນວົງການຕ່າງໆໃນສັງຄົມອີຣັກປຶກສາຫາລື ກັນແບບປະຊາທິປະໄຕຢ່າງກວ້າງຂວາງ. ທ່ານກ່າວລື້ມວ່າອົງການສະຫະປະ ຊາຊາດຈະສືບຕໍ່ອອກແຮງຊ່ອຍເຫລືອອີຣັກຊຸກຍູ້ຂະບວນວິວັດການເມືອງ.
ທ່ານບຸສ ປະທານາທິບໍດີອາເມລິກາໄດ້ອອກຖະແຫລງການສະແດງຄວາມຊົມເຊີຍແລະສະຫນັບສະຫນູນອີຣັກຈັດຕັ້ງລັດຖະບານຂ້າມຜ່ານ,ແລະໄດ້ສະແດງຄວາມຍ້ອງຍໍຕໍ່ວຽກງານຂອງລັດຖະບານຊົ່ວຄາວອີຣັກທີ່ພົ້ນຕຳແຫນ່ງ.
ຄະນະກຳມາທິການສະຫະພາບເອີລົບໄດ້ສະແດງຄວາມຊົມເຊີຍຕໍ່ລັດຖະສະພາຂ້າມຜ່ານອີຣັກຜ່ານບັນຊີລາຍຊື່ລັດຖະບານຂ້າມຜ່ານ,ແລະກ່າວວ່າສະຫະພາບເອີລົບຈະສືບຕໍ່ສະຫນັບສະຫນູນລັດຖະບານຂ້າມຜ່ານອີຣັກຈາກສາມດ້ານ.
|
|
|
