|
ຕາມຂ່າວCRI: ວັນທີ່ 29 ເມສາ, ທ່ານລີຈ້າວຊິງ ລັດຖະມົນຕີການຕ່າງປະເທດຈີນກັບທ່ານອູນຽນວິມ ລັດຖະມົນຕີການຕ່າງປະເທດມຽນມາໄດ້ເຈລະຈາກັນຢູ່ທີ່ປັກກິ່ງ.
ທ່ານລີຈ້າວຊິງກ່າວວ່າ, ໃນສະເພາະໜ້ານີ້, ການພົວພັນລະຫວ່າງຈີນມຽນມາມີທ່ວງທ່າຂະຫຍາຍຕົວເປັນຢ່າງດີ, ລັດຖະບານຈີນຍິນດີເພີ່ມທະວີການໄປມາຫາສູ່ກັນຊັ້ນສູງກັບມຽນມາ, ເປີດກວ້າງການຮ່ວມມືໃນຂົງເຂດເສດຖະກິດການຄ້າແລະການປາບຢາເສບຕິດ, ຊຸກຍູ້ໃຫ້ການພົວພັນລະຫວ່າງສອງປະເທດຂະຫຍາຍຕົວ. ໃນເວລາກ່າວເຖິງສະຖານະການພາຍໃນປະເທດມຽນມາ, ທ່ານລີຈ້າວຊິງກ່າວວ່າ, ຝ່າຍຈີນຫວັງວ່າມຽນມາຄົງຮັກສາສະຖຽນລະພາບແລະການພັດທະນາ, ຊຸກຍູ້ຂະບວນວິວັດປອງດອງຊາດຢ່າງບໍ່ຢຸດຢັ້ງ.
ທ່ານອູນຽນວິມກ່າວວ່າ, ມຽນມາເດັດດ່ຽວສະໜັບສະໜູນສະພາປະຊາຊົນແຫ່ງຊາດຈີນຮັບຮອງເອົາກົດໝາຍຕ້ານການແບ່ງແຍກປະເທດ. ພ້ອມກັນນັ້ນ ຍິນດີຮັດແໜ້ນການພົວພັນໄມຕີຈິດທີ່ມີຢູ່ລະຫວ່າງສອງປະເທດຕື່ມອີກ.
|
