|
|
 |
| (GMT+08:00)
2005-04-29 17:54:39
|
 |
|
ກຸ່ມເລໂນໂວຜະລິດແຜ່ນຊິບປອດໄພແຜ່ນທຳອິດຂອງຈີນ
cri
Author: li
 ຕາມຂ່າວ CRI: ວັນທີ 11 ເມສາ ແຜ່ນຊິບ"ເຮີງຈື"ເລໂນໂວ ເຊິ່ງເປັນແຜ່ນຊິບປອດໄພແຜ່ນທຳອິດທີ່ຈີນຄົ້ນຄວ້າສອງປີນັ້ນໄດ້ຜະລິດອອກ. ນີ້ແມ່ນແຜ່ນຊິບປອດໄພຊະນິດທຳອິດທີ່ຄັ້ງໂຄງການຢູ່ຂອງກົມຄຸ້ມຄອງກົດລັບແຫ່ງຊາດແລະວິສາຫະກິດຄົ້ນຄວ້າຜະລິດເອົາເອງຢ່າງສຳເລັດຜົນ.
ນັກຂ່າວໄດ້ຊາບຈາກສະຖາບັນຄົ້ນຄວ້າຂອງກຸ່ນເລໂນໂວຕີ່ຕັ້ງຢູ່ພາກຕາເວັນຕົກສຽງເໜືອຂອງປັກກິ່ງວ່າ,ຄຸນຄ່າອັນສຳຄັນຂອງແຜ່ນຊິບນ້ອຍໆນີ້ແມ່ນຢູ່ບ່ອນທີ່ວ່າ,ມັນສາມາດປົກປ້ອງຄວາມປອດໄພຂັ້ນຮາດແວຢ່າງແຂງແຮງໃຫ້ແກ່ຄອມພິວເຕີສ່ວນຕົວ.
ແຜ່ນຊິບນີ້ມີຈຸດພິເສດສາມຈຸດຄື: ໜຶ່ງແມ່ນມັນມີລະບົບຕ້ານທານໃນຕົວ. ໃນເວລາຄອມພິວເຕີທີ່ໄດ້ຕິດຕັ້ງແຜ່ນຊິບປອດໄພກວດຮູ້ວ່າລະບົບບໍ່ຄົບຖ້ວນຍ້ອນຖືກທຳລາຍນັ້ນ,ພາຍໃຕ້ການປະສານສົມທົບຂອງຊອຟແວ,ມັນຈະຟື້ນຟູລະບົບຢ່າງອັດຕະໂນມັດ,ຮັບປະກັນໃຫ້ຄອມພິວເຕີບໍ່ຕາຍຈັກເທື່ອ. ສອງແມ່ນໃນແຜ່ນຊິບມີເລກປະຈຳຕົວທີ່ເປັນຕົວແທນໃຫ້ແກ່ຄອມພິວເຕີດັ່ງກ່າວ,ຄ້າຍຄືກັບການຈຳແນກລາຍມື,ສາມາດປ້ອງກັນບໍ່ໃຫ້ຜູ້ອື່ນສວຍໃຊ້ຊື່ຂອງເຈົ້າຄອມພິວເຕີດຳເນີນການຊື້ຂາຍຢູ່ອິນເຕີເນັດຢ່າງຜິດກົດໝາຍ. ຈຸດພິເສດທີສາມແມ່ນຮັກສາລູກກະແຈທີ່ມີກົດລັບນັ້ນໄວ້ຢູ່ໃນແຜ່ນຊິບ,ແຕ່ບໍ່ແມ່ນເກັບໄວ້ໃນຮາດດິສຄ໌ດ້ວຍຮູບການຂໍ້ມູນເປີດເຜີຍຄືເມື່ອກ່ອນ,ສາມາດປ້ອງກັນຢ່າງບັງເກີດຜົນບໍ່ໃຫ້ທຳລາຍກົດລັບດ້ວຍຊອຟແວແລະຖືກເຮເກີບຸກໂຈມຕີ,ສ່ວນຕົວເລກທີ່ໄດ້ເພີ່ມກົດລັບແລ້ວມີແຕ່ແກ້ກົດລັບແລ້ວກວດເບິ່ງໃນເຄື່ອງຄອມພິວເຕີເອງຈຶ່ງໄດ້,ປ້ອງກັນບໍ່ໃຫ້ຜູ້ໃຊ້ມີຄວາມເສຍຫາຍຢ່າງໜັກໜ່ວງຍ້ອນກົດລັບເສຍແລ້ວຫຼືຖືກຜູ້ອື່ນແກ້ໄດ້.
ແຜ່ນຊິບປອດໄພ"ເຮີງຈື"ແມ່ນໄດ້ເພີ່ມຮາດແວບົນພື້ນຖານຄວາມປອດໄພຂອງລະບົບຄອມພິວເຕີເອງໃນອົງປະກອບຂອງຄອມພິວເຕີສ່ວນຕົວໃນປັດຈຸບັນ. ການປະດິດສ້າງແຜ່ນຊິບຊະນິດນີ້ໝາຍຄວາມວ່າ,ກຸ່ມເລໂນໂວຈີນຈະບໍ່ແມ່ນຜູ້ຕິດຕາມເຕັກນິກຂອງອົງການຄິດໄລ່ທີ່ໄວ້ໃຈໄດ້ໃນໂລກເຊັ່ນ IBM ,ໄມໂຄຼຊອບ,ອິນເທັວ,AMD,ແລະHPເປັນຕົ້ນ,ກໍໄດ້ກາຍເປັນໂຮງງານໜຶ່ງທີ່ສາມາດຄົ້ນຄວ້າຜະລິດແຜ່ນຊິບປອດໄພທີ່ມີຢູ່ບໍ່ຫຼາຍໃນໂລກ.
ຕາມເຜີຍໃຫ້ຮູ້ວ່າ,ແຜ່ນຊິບປອດໄພແຜ່ນນີ້ຈະຖືກນຳໃຊ້ໃນຄອມພິວເຕີຂອງກຸ່ມເລໂນໂວໃນປີນີ້. ນັກວິຊາການເຫັນວ່າ,ກຸ່ມເລໂນໂວນອກຈາກສາມາດສະໜອງຄອມພິວເຕີທີ່ໄວ້ໃຈໄດ້ທີ່ຊາວຈີນຄົ້ນຄວ້າຜະລິດແລະຄວບຄຸມເອງໝົດໃຫ້ຜູ້ໃຊ້ທຳມະດາແລ້ວ,ຍັງສາມາດສະໜອງໃຫ້ພະແນກທີ່ສະດຸ້ງໄວຕໍ່ຄວາມປອດໄພດ້ານຂໍ້ມູນຂ່າວສານເຊັ່ນລັດຖະບານ,ກອງທັບແລະອົງການຄົ້ນຄວ້າເຕັກນິກວິທະຍາສາດເປັນຕົ້ນ. ປັດຈຸບັນ ອົງການລັດຖະບານໄດ້ກວມເອົາປະມານ 60% ຂອງຕະຫຼາດຄອມພິວເຕີ,ກອງທັບກວມປະມານ 10%.
ຕໍ່ບັນຫາທີ່ວ່າມັນຈະເຮັດໃຫ້ຕົ້ນທຶນຂອງຄອມພິວເຕີເພີ່ມຂຶ້ນຫຼາຍບໍ່ທີ່ຜູ້ໃຊ້ສົນໃຈນັ້ນ,ທ່ານເຮີຈືຊຽງ ຫົວໜ້າສະຖາບັນຄົ້ນຄວ້າເລນໂນໂວກ່າວວ່າ,ແຜ່ນຊິບປອດໄພກວມຕົ້ນທຶນຮາດແວໜ້ອຍທີ່ສຸດ,ຄວາມຈິງແລ້ວ,ການສ້າງລະບົບຄວາມປອດໄພທັງໝົດຍັງຕ້ອງການການປະສານສົມທົບຂອງຊອຟແວ,ຕົ້ນທຶນຈະເພີ່ມຂຶ້ນເລັກໜ້ອຍ.
ອີງຕາມການກຳນົດທີ່ກ່ຽວຂ້ອງ,ການອອກແບບ,ບຸກເບີກແລະຜະລິດຊິບກົດລັບຂອງຈີນຕ້ອງອາໃສກຳລັງພາຍໃນປະເທດມາຄົ້ນຄວ້າຜະລິດເອົາເອງ,ບໍ່ອະນຸຍາດໃຫ້ໃຊ້ຜະລິດຕະພັນທີ່ກ່ຽວຂ້ອງຂອງຕ່າງປະເທດ. ຕໍ່ໄປພາຍໜ້າ,ຖ້າບໍລິສັດໃຫຍ່ຕ່າງໆເຊັ່ນເດວແລະ HP ເປັນຕົ້ນຢາກຂາຍຄອມພິວເຕີທີ່ມີແຜ່ນຊິບປອດໄພຢູ່ຕະຫຼາດຈີນ ເຂົາກໍຕ້ອງໃຊ້ຊິບ"ເຮີງຈື"ຂອງກຸ່ມເລໂນໂວ. ທ່ານເຮີຈືຊຽງກ່າວວ່າ,ຊິບປອດໄພຈະຈຳໜ່າຍຕາມກະຕິກາຕະຫຼາດ,ມັນຈະສະໜັບສະໜູນຄອມພິວເຕີທີ່ຂາຍຢູ່ຈີນທັງໝົດ.
|
|
|
