|
|
 |
| (GMT+08:00)
2005-04-29 21:41:44
|
 |
|
ຈີນຍິນດີຂະຫຍາຍການພົວພັນໄມຕີຈິດຮ່ວມມືກັບມຽນມາຕື່ມອີກ
cri
Author: da
ຕາມຂ່າວCRI:ວັນທີ 29 ເມສາ ຢູ່ທີ່ປັກກິ່ງ,ໃນເວລາພົບປະທ່ານອູນຽນວີມ ລັດຖະມົນຕີການຕ່າງປະເທດມຽນມາທີ່ມາຢ້ຽມຢາມ,ທ່ານຖາງເຈຍສວນ ທີ່ປຶກສາແຫ່ງລັດຈີນເວົ້າວ່າ,ລັດຖະບານຈີນຍິນດີຂະຫຍາຍການພົວພັນໄມຕີຈິດຮ່ວມມືກັບມຽນມາຕື່ມອີກ,ໂດຍສະເພາະແມ່ນເພີ່ມທະວີການຮ່ວມມືໃນຂົງເຂດທາງເສດຖະກິດການຄ້າແລະການຕ້ານຢາເສບຕິດ.
ທ່ານຖາງເຈຍສວນໄດ້ຍ້ອງຍໍລັດຖະບານມຽນມາໂຄລົບຫຼັກການຈີນດຽວ,ສະໜັບສະໜູນພາລະກິດໂຮມຈີນເປັນເອກະພາບກັນ.ໃນເວລາກ່າວເຖິງສະຖານະພາບພາຍໃນປະເທດມຽນມາ,ທ່ານຖາງເຈຍສວນເວົ້າວ່າ,ເລື່ອງທີ່ເກີດຂຶ້ນຢູ່ມຽນມາແມ່ນວຽກງານພາຍໃນຂອງມຽນມາ,ຈີນຍຶດໝັ້ນຫຼັກການທີ່ບໍ່ແຊກແຊງວຽກງານພາຍໃນໂດຍຕະຫຼອດ,ຫວັງຢ່າງຈິງໃຈໃຫ້ມຽນມາຈົ່ງມີສະຖຽນລະພາບ ປອງດອງຊາດແລະເສດຖະກິດພັດທະນາ.
ທ່ານອູນຽນວີມເວົ້າວ່າ,ລັດຖະບານມຽນມາເອົາໃຈໃສ່ໃນລະດັບສູງຕໍ່ການເພີ່ມທະວີການຮ່ວມມືກັບຈີນໃນບັນດາຂົງເຂດ,ພ້ອມກັນນັ້ນ ມຽນມາຈະໂຄລົບນະໂຍບາຍຈີນດຽວຢ່າງສະເໝີຕົ້ນສະເໝີປາຍ.
|
|
|
