|
|
 |
| (GMT+08:00)
2005-04-30 15:39:19
|
 |
|
ການປຶກສາຫາລືຂອງເຈົ້າໜ້າທີ່ຊັ້ນສູງຈີນອາຊຽນຄັ້ງທີ 11 ໄດ້ຈັດຂຶ້ນຢູ່ຊຽງໄຮ້
cri
Author: mo
ຕາມຂ່າວສານຊີນຮວາ: ການປຶກສາຫາລືຂອງເຈົ້າໜ້າທີ່ຊັ້ນສູງຈີນອາຊຽນຄັ້ງທີ 11 ໄດ້ຈັດຂຶ້ນຢູ່ຊຽງໄຮ້ໃນວັນທີ 29 ເມສາ. ເຈົ້າໜ້າທີ່ຊັ້ນສູງຫຼືຜູ້ຕາງໜ້າເຈົ້າໜ້າທີ່ຊັ້ນສູງຂອງກະຊວງການຕ່າງປະເທດຂອງຈີນແລະ 10 ປະເທດອາຊຽນ, ພ້ອມດ້ວຍເລຂາທິການອົງການອາຊຽນຕ່າງໄດ້ນຳພາຄະນະເຂົ້າຮ່ວມກອງປະຊຸມ.
ບັນດາຝ່າຍເຫັນດີສືບຕໍ່ເພີ່ມຄວາມໄວ້ເນື້ອເຊື່ອໃຈກັນດ້ານການເມືອງ, ຊຸກຍູ້ການສ້າງເຂດການຄ້າເສລີຈີນອາຊຽນ. ເຫັນດີຈັດເອົາການຄົມມະນາຄົມ, ພະລັງງານ, ວັດທະນະທຳ, ການທ່ອງທ່ຽວແລະສາທາລະນະສຸກເປັນ 5 ຂົງເຂດຮ່ວມມືຈຸດໜັກອັນໃໝ່.
ສອງຝ່າຍຍັງໄດ້ແລກປ່ຽນຄວາມເຫັນຢ່າງເຕັມສ່ວນກ່ຽວກັບວຽກງານສາກົນແລະພາກພື້ນ, ໂດຍສະເພາະແມ່ນບັນຫາກອງປະຊຸມສຸດຍອດອາຊີຕາເວັນອອກ, ການພົວພັນລະຫວ່າງມະຫາປະເທດ, ການປະຕິຮູບສະຫະປະຊາຊາດແລະອື່ນໆ. ອາຊຽນໄດ້ຍ້ອງຍໍຈີນທີ່ໄດ້ເສີມຂະຫຍາຍບົດບາດສຳຄັນເພື່ອປົກປັກຣັກສາສັນຕິພາບແລະສະຖຽນລະພາບຂອງແຫຼມເກົາຫລີ.
|
|
|
