|
|
 |
| (GMT+08:00)
2005-05-03 10:45:47
|
 |
|
ເພງອອກແຮງງານ(ສຽງ)
cri
Author: huachunmei
ທີ່ນີ້, ວິທະຍຸສາກົນແຫ່ງປະເທດຈີນ. ສະບາຍດີ, ທ່ານຜູ່ຟັງທີ່ເຄົາລົບ, ຂ້າພະເຈົ້າແມ່ນສົມບູນ. ໃນໂອກາດທີ່ວັນກຳມະກອນສາກົນ 1 ພຶດສະພາວຽກມາເທິງນີ້, ພວກເຮົາໄດ້ຈັດເພງຈີນປະມວນໜຶ່ງທີ່ກ່ຽວກັບການອອກແຮງງານມາສູ່ທ່ານຟັງ, ຄິດວ່າ, ທ່ານຄົງຈະມັກຟັງ.
ທ່ານຜູ່ຟັງທີ່ໂຄລົບ, ທີ່ທ່ານຟັງມານັ້ນແມ່ນເພງເດັກນ້ອຍທີ່ໃຊ້ສຽງເພງອັນໜ້າຮັກແລະຄວາມເວົ້າອັນໄຮ້ດຽງສາບອກເຫດຜົນໃຫ້ຄົນທັງຫຼາຍຮູ້ວ່າ, ການອອກແຮງງານມີກຽດທີ່ສຸດ. ເນື້ອເພງມີຢູ່ງວ່າ, "ພໍແສງຕາເວັນສີຄຳໂພ່ຂຶ້ນ, ໄກ່ຜູ້ຂັນສາມເທື່ອ. ດອກໄມ້ຕື່ນນອນ, ນົກນ້ອຍຂຸ້ນແຕ່ງຕົວ, ນົກແຊວປຸກເຮືອນ, ແມງເຜິ້ງນ້ອຍເກັບນ້ຳເຜິ້ງ, ຊີວິດອັນສຸກສັນມີຂຶ້ນແນວໃດ, ຕ້ອງສ້າງເອງດ້ວຍການອອກແຮງງານ. ໃບໄມ້ສີຂຽວ, ດອກໄມ້ສີແດງ, ແມງກະເບື້ອນ້ອຍມົວແຕ່ຫຼິ້ນ, ບໍ່ມັກອອກແຮງງານ, ບໍ່ມັກຮຽນ, ພວກເຮົາຢ່າເຮັດຄືກັນ, ຕ້ອງຮຽນແບບນົກແຊວປຸກເຮືອນ, ຮຽນແບບແມງເຜິ້ງເກັບນ້ຳເຜິ້ງ, ອອກແຮງງານມ່ວນຊື່ນ, ອອກແຮງງານມີກຽດກວ່າເພິ່ນ."
ໃນເພງຕໍ່ໄປໄດ້ປຽນດວງຕາເວັນເປັນກະສວຍຄຳ, ປຽນດວງເດືອນເປັນກະສວຍເງິນ, ລະດົມໃຈໃຫູ້ຄົນທັງຫຼາຍ, ໂດຍສະເພາະແມ່ນຊາວໜຸ່ມຢ່າເສຍເວລາອັນລ້ຳຄ່າ, ຕ້ອງສ້າງຊີວິດອັນຜາສຸກດ້ວຍການອອກແຮງງານ. ເນື້ອເພງມີຢູ່ວ່າ, "ດວງຕາເວັນຄືກະສວຍຄຳ, ດວງເດືອນຄືກະສວຍເງິນ, ມອບໃຫ້ເຈົ້າ, ມອບໃຫ້ຂ້ອຍ, ເບິ່ງວ່າໃຜສາມາດຕ່ຳແຜ່ນແຫ່ງຊີວິດທີ່ງາມກວ່າໝູ່. ກະສວຍຄຳ ກະສວຍເງິນສອດໄປສອດມາທັງເວັນຄືນ, ເວລາຜ່ານໄປປານນ້ຳໄຫຼ, ເຕືອນໃຫ້ຊາວໜຸ່ມພວກເຮົາເຈົ້າແລະຂ້ອຍຈົ່ງບຸກບືນຫ້າວຫັນ, ຢ່າເຄີກເວລາອັນລ້ຳຄ່າ, ເຈົ້າກໍຕ່ຳ, ຂ້ອຍກໍຕ່ຳ, ຕ່ຳແຜ່ນແພແຫ່ງໄວໜຸ່ມທີ່ງາມສະຫງ່າ."
ທ່ານຜູ້ຟັງທີ່ຮັກແພງ, ທີ່ທ່ານພວມຟັງຢູ່ນີ້ແມ່ນເພງ ເສົາຢວນເຕິ່ງກ່ວງ ແສງໄຟຢູ່ເທິງທົ່ງຫຍ້າ. ເພງນີ້ໄດ້ສັນລະເສີນກຳມະກອນໄຟຟ້າທີ່ໃຊ້ນ້ຳເຫື່ອນ້ຳແຮງຂອງຕົນ, ເຮັດໃຫ້ທົ່ງຫຍ້າສວຍງາມກວ່າເກົ່າ. ເນື້ອເພງມີຢູ່ວ່າ: "ແສງໄຟເທິງທົ່ງຫຍ້າຈັ່ງແມ່ນແຈ້ງສະຫວ່າງ, ນິຄົມລ້ຽງສັດແຈ້ງຮູ້ເຮືອງ. ທົ່ງຫຍ້າເກົ່າແກ່ປ່ຽນໂສມໜ້າໃໝ່, ກຳມະກອນໄຟຟ້າເອົາໂຊກມາໃຫ້ທົ່ງຫຍ້າ. ແສງໄຟນຳເອົາຄວາມຄຶດອັນກວງໄກ, ນຳເອົາມາຄວາມຫວັງອັນດີງາມມາໃຫ້ພວກເຮົາ, ແສງໄຟເຮັດໃຫ້ບ້ານເກີດເຮົາມີອະນາຄົດຈະເລີນຮຸ່ງເຮືອງກວ່າເກົ່າ."
1 2
|
|
|
