|
|
 |
| (GMT+08:00)
2005-05-04 17:56:53
|
 |
|
ລັດຖະບານຊຸດໃໝ່ຂອງອີຣັກສາບານຕົວຂຶ້ນຮັບຕຳແໜ່ງ
cri
Author: q
CRIລາຍງານວ່າ, ວັນທີ3ພຶດສະພາ,ລັດຖະບານຂ້າມຜ່ານອີຣັກໄດ້ຈັດພິທີສາບານຕົວຂຶ້ນຮັບຕຳແໜ່ງຢູ່ແບກແດດ,ນີ້ເປັນຂີດໝາຍສະແດງໃຫ້ເຫັນວ່າ,ລັດຖະບານຊຸດໃໝ່ຂອງອີຣັກທີ່ນຳໂດຍທ່ານຈາຟາລີ ຜູ້ນຳນິກາຍຊີອິດໄດ້ສ້າງຕັ້ງຂຶ້ນຢ່າງເປັນທາງການ.
ລັດຖະບານຂ້າມຜ່ານໄດ້ປະກອບດ້ວຍ37ຕຳແໜ່ງເຊິ່ງລວມທັງນາຍົກລັດຖະມົນຕີ.ແຕ່ໃນວັນທີ3ພຶດສະພາ, ສະມາຊິກຄະນະລັດຖະບານພຽງ28ທ່ານເທົ່ານັ້ນສາບານຕົວຂຶ້ນຮັບຕຳແໜ່ງ.ໃນບັນຊີລາຍຊື່ສະມາຊິກລັດຖະບານຢ່າງເປັນທາງການທີ່ທ່ານຈາຟາລີປະກາດນັ້ນ, ຮອງນາຍົກລັດຖະມົນຕີສອງຕຳແໜ່ງ,ລັດຖະມົນຕີກະຊວງປ້ອງກັນປະເທດ,ລັດຖະມົນຕີກະຊວງນ້ຳມັນເຊື້ອໄຟ,ລັດຖະມົນຕີກະຊວງ ໄຟຟ້າ,ລັດຖະມົນຕີກະຊວງອຸດສາຫະກຳແລະລັດຖະມົນຕີສິດທິມະນຸດຍັງເປົ່າຫວ່າງຢູ່.
ໃນຫຼາຍມື້ມານີ້,ພັກ ຕົ້ນຕໍໃນສະພາຂ້າມຜ່ານໄດ້ເຈລະຈາກັນຢ່າງເຄັ່ງຮ້ອນໂດຍໝູນອ້ອມຜູ້ຈະຮັບຕຳແໜ່ງດັ່ງກ່າວໂດຍຕະຫຼອດ.ແຕ່ບໍ່ໄດ້ກ້າວເຖິງຂັ້ນເປັນເອກະສັນກັນໃນຂັ້ນສຸດທ້າຍກ່ອນ ພິທີສາບານຕົວຂຶ້ນຮັບຕຳແໜ່ງ.
ທ່ານຕາລາບານີ ປະທານາທິບໍດີຜູ້ໃໝ່,ທ່ານອານມາເຮີຕີ ຮອງປະທານາທິບໍດີແລະທ່ານອານຮາຊານີ ປະທານສະພາຂ້າມຜ່ານຂອງອີຣັກເປັນຕົ້ນໄດ້ເຂົ້າຮ່ວມພິທີສາບານຕົວຂຶ້ນຮັບຕຳແໜ່ງໃນວັນທີ3ພຶດສະພາ.ແຕ່ຜູ້ນຳນິກາຍຊຸນນິດງວດໜຶ່ງເຊິ່ງລວມທັງທ່ານອານຢາວາ ຮອງປະທານາທິບໍດີບໍ່ໄດ້ເຂົ້າຮ່ວມພິທີດັ່ງກ່າວ.
|
|
|
