|
|
 |
| (GMT+08:00)
2005-05-05 19:04:08
|
 |
|
ລັດຖະມົນຕີກະຊວງປ້ອງກັນປະເທດອິສລະແອນກ່າວວ່າ ຈະງັດແຜນການມອບຕົວເມືອງຢູ່ຝັ່ງຕາເວັນຕົກແມ່ນ້ຳຈໍແດນໃຫ້ຝ່າຍປາເລັສຕີນ
cri
Author: da
ຕາມຂ່າວCRI:ວັນທີ 4 ພຶດສະພາ ເຈົ້າໜ້າທີ່ຜູ້ໜຶ່ງຂອງລັດຖະບານອິສລະແອນໄດ້ຍົກເອົາຄວາມເວົ້າຂອງທ່ານໂມຟາສ໌ ລັດຖະມົນຕີກະຊວງປ້ອງກັນປະເທດອິສລະແອນທີ່ກ່າວໃນກອງປະຊຸມລັດຖະບານຄວາມປອດໄພຂອງອິສລະແອນໃນມື້ດຽວກັນມາແຈ້ງວ່າ,ຝ່າຍອິສລະແອນຈະງັດແຜນການທີ່ມອບສິດຄວງຄຸມຄວາມປອດໄພຂອງຕົວເມືອງຢູ່ຝັ່ງຕາເວັນຕົກແມ່ນ້ຳຈໍແດນໃຫ້ຝ່າຍປາເລັສຕີນ.
ທ່ານໂມຟາສ໌ກ່າວວ່າ,ອິສລະແອນທຳການຕົກລົງດັ່ງກ່າວແມ່ນຍ້ອນວ່າ ຝ່າຍປາເລັສຕີນບໍ່ໄດ້ປົດອາວຸດຂອງອົງການຫົວຮຸນແຮງປາເລັສຕີນຕາມຄຳໝັ້ນສັນຍາ.
ມື້ດຽວກັນ ທ່ານລາຮິດ ຜູ້ບັນຊາການກອງທະຫານເຕືອນໄພຂອງປາເລັສຕີນເວົ້າວ່າ,ກ່ອນອິສລະແອນປະຕິບັດສັນຍາມອບສິດຄວບຄຸມຄວາມປອດໄພຂອງ 5 ຕົວເມຶອງຢູ່ຝັ່ງຕາເວັນຕົກແມ່ນ້ຳຈໍແດນທັງໝົດໃຫ້ຝ່າຍປາເລັສຕີນແລ້ວ,ຝ່າຍປາເລັສຕີນບໍ່ຫ່ອນຈະປົດອາວຸດຂອງຜູ້ປະກອບອາວຸດປາເລັສຕີນ.
ມື້ດຽວກັນ ຢູ່ເຢລູຊະເລັມ ທ່ານເບເລັສ ຮອງນາຍົກລັດຖະມົນຕີອິສລະແອນເວົ້າວ່າ,ເມື່ອພິຈາລະນາເຖິງອາລົມຈິດທາງສາສະໜາຂອງຊາວຢິວທີ່ຢູ່ຈຸດຕັ້ງຖິ່ນຖານຊາວຢິວ,ແຜນການເຄື່ອນໄຫວແຕ່ຝ່າຍດຽວທີ່ລັດຖະບານອິສລະແອນຈະປະຕິບັດແຕ່ວັນທີ 20 ກໍລະກົດປີນີ້ນັ້ນຈະຖືກເລື່ອນໄປອີກຫຼາຍອາທິດຈ່ງປະຕິບັດ.
ນອກນີ້ ຂ່າວແຈ້ງວ່າ,ວັນທີ 4 ພຶດສະພາ,ບຸກຄົນຄວາມປອດໄພຂອງປາເລັສຕີນຜູ້ໜຶ່ງເວົ້າວ່າ,ໃນມື້ດຽວກັນ ໃນເວລາເຂົ້າຮ່ວມການແຫ່ຂະບວນຄັດຄ້ານອິສລະແອນຢູ່ຊານເມືອງພາກຕາເວັນຕົກສຽງໃຕ້ເມືອງລາມາລາ,ເຍົາວະຊົນປາເລັສຕີນ 2 ຄົນຖືກທະຫານອິສລະແອນຍິງຕາຍ.ກອງທັບປ້ອງກັນປະເທດອິສລະແອນໄດ້ສັ່ງໃຫ້ສຳຫຼວດເຫດການດັ່ງກ່າວ.
|
|
|
