ຕາມຂ່າວສານຊິນຮວາ: ຫວ່າງມໍ່ໆນີ້ ນັກວິທະຍາສາດຈີນອາເມລິກາໄດ້ສ້າງລະບົບຈຸລັງລຳຕົ້ນຂອງອຳໄບຼຢົງງົວໂຄຼນທີ່ໝັ້ນທ່ຽງຂຶ້ນເປັນຄັ້ງທຳອິດ. ຈຸລັງເຫຼົ່ານີ້ຈະລອກແບບໄດ້ໂດຍບໍ່ມີການຈຳກັດ, ແລະຈະປ່ຽນເປັນຈຸລັງຂອງອົງປະກອບແລະອະໄວຍະວະຂອງງົວເກືອບທັງໝົດໄດ້.
ຫວ່າງບໍ່ດົນນີ້ ໜ່ວຍຄົ້ນຄວ້າທີ່ຕ່າງນຳພາໂດຍທ່ານສາດສະດາຈານຢາງຊຽງຈົງ ນັກວິທະຍາສາດອາເມລິກາເຊື້ອສາຍຈີນແລະທ່ານດອກເຕີຕ້ວນເອີນຄຸຍ ນັກວິທະຍາສາດຈີນໄດ້ປະກາດໝາກຜົນຄົ້ນຄວ້າໃໝ່ດັ່ງກ່າວໃນວາລະສານຊີວະສາດສືບພັນທີ່ມີອິດທິພົນສາກົນ.
ຈຸລັງລຳຕົ້ນຂອງອຳໄບຼຢົງສາມາດປ່ຽນແປງໃໝ່ໂດຍຕົນເອງໄດ້, ເຕີບໂຕແລະຈໍ່ຕົວເປັນຈຸລັງໃດໆໃນຮ່າງກາຍ, ສາມາດໃຊ້ໃນການຄົ້ນຄວ້າປິ່ນປົວພະຍາດເບົາຫວານແລະພະຍາດປັກກິນເຊີນ. ເມື່ອຄົ້ນຄວ້າແລ້ວໄດ້ປະກົດເຫັນວ່າ, ລະບົບຈຸລັງລຳຕົ້ນຂອງອຳໄບຼຢົງງົວອາດຍິ່ງເໝາະໃຊ້ໃນການທົດລອງການລົງເລິກຄົ້ນຄວ້າການປິ່ນປົວຈຸລັງມະນຸດ.
|