|
ຕາມຂ່າວCRI,ວັນທີ4ພຶດສະພາ,ຊາວອີຣັກໄດ້ຜ່ານມື້ໜຶ່ງທີ່ເຕັມໄປດ້ວຍຄາວເລືອດອີກ.ໃນມື້ດຽວກັນ,ຢູ່ເອີບິນ ເທດສະບານເຂດເຄີດປົກຄອງຕົນເອງທີ່ໄກຈາກແບກແດດໄປທາງທິດເໜືອປະມານ350ກິໂລແມັດ,ຊາວອີຣັກຜູ້ໜຶ່ງແກະເບີດຕິດຕົວຢູ່ນອກບ່ອນຮັບສະໝັກຕຳຫຼວດແຫ່ງໜຶ່ງ,ຢ່າງໜ້ອຍເຮັດໃຫ້60ຄົນຕາຍ,150ຄົນບາດເຈັບ.ນອກນີ້,ການລະເບີດຍັງໄດ້ທຳລາຍລົດຍົນ7ຄັນເປັນຢ່າງໜ້ອຍ,ສິ່ງກໍ່ສ້າງທີ່ຢູ່ມໍ່ບ່ອນຮັບສະໝັກຕຳຫຼວດກໍຖືກທຳລາຍຢ່າງໜັກໜ່ວງ.ນີ້ແມ່ນເຫດການຫຼອນໂຈມຕີທີ່ເໝັນຄາວເລືອດກວ່າໝູ່ຢູ່ ອີຣັກແຕ່ເດືອນກຸມພາມານີ້.
ວັນທີ4ພຶດສະພາ,ກອງທະຫານອານຊາອານຊຸນນາ ເຊິ່ງເປັນກອງປະກອບອາວຸດຕ້ານອາເມລິກາຂອງອີຣັກໄດ້ອອກຖະແຫຼງການໂດຍຜ່ານອິນເຕີເນັດ,ອ້າງເອົາຄວາມຮັບຜິດຊອບຕໍ່ເຫດການຫຼອນໂຈມຕີລາຍນີ້.ອົງການດັ່ງກ່າວປະກາດວ່າ,ການຫຼອນໂຈມຕີຕົ້ນຕໍແມ່ນເພື່ອແກ້ແຄ້ນຍ້ອນວ່າທະຫານລາດເຄີດເຂົ້າຮ່ວມການເຄື່ອນໄຫວທາງການທະຫານຂອງກອງທະຫານອາເມລິກາທີ່ກວາດລ້າງກອງປະກອບອາວຸດນິກາຍຊຸນນິດທີ່ຕ້ານອາເມລິກາຢູ່ຟາລູຈາ.ຖະແຫຼງການຍັງກ່າວວ່າ,ກອງທະຫານອານຊາອານຊຸນນາຈະກໍ່ການຫຼອນໂຈມຕີຫຼາຍກວ່າເກົ່າຕໍ່ຊາວເຄີດໂດຍສະເພາະແມ່ນພັກປະຊາທິປະໄຕເຄີດທີ່ນຳໂດຍທ່ານບາຣຊານີ.
ນອກນີ້,ໃນມື້ດຽວກັນ,ປົດກວດກາຂອງທະຫານອີຣັກແຫ່ງໜຶ່ງຢູ່ແບກແດດຖືກຫຼອນໂຈມຕີດ້ວຍລົດຍົນລະເບີດແບບສະຫຼະຊີບ.ຢ່າງໜ້ອຍມີທະຫານອີຣັກ9ຄົນຕາຍ,16ຄົນບາດເຈັບ.ຢູ່ພາກໃຕ້ແບກແດດ,ກອງລົດລາດຕະເວນກອງໜຶ່ງຂອງກອງທະຫານອາເມລິກາຖືກຫຼອນໂຈມຕີດ້ວຍລົດຍົນລະເບີດ,ມີຊາວອີຣັກ3ຄົນບາດເຈັບ.
ແຕ່ສະພາຂ້າມຜ່ານອີຣັກຜ່ານຮັບຮອງບັນຊີລາຍຊື່ສະມາຊິກລັດຖະບານຊຸດໃໝ່ໃນອາທິດທີ່ແລ້ວ,ພວກປະກອບອາວຸດຕ້ານລັດຖະບານອີຣັກໄດ້ເປີດກະແສສູງຫຼອນໂຈມຕີດ້ວຍກຳລັງຮຸນແຮງຮອບໃໝ່.ເຫດການຫຼອນໂຈມຕີດ້ວຍກຳລັງຮຸນແຮງໃນ6ມື້ມານີ້ໄດ້ເຮັດໃຫ້ເກືອບ200ຄົນຕາຍ,ກອງທະຫານຕຳຫຼວດອີຣັກ,ກອງທະຫານອາເມລິກາປະຈຳອີຣັກແລະຊາວເຄີດກາຍເປັນເປົ້າໝາຍຕົ້ນຕໍທີ່ຖືກຫຼອນໂຈມຕີ.
ສື່ມວນຊົນອາລັບເຫັນວ່າ,ອົງການປະກອບອາວຸດອີຣັກ ຫຼອນໂຈມຕີເປົ້າໝາຍດັ່ງກ່າວ, ແມ່ນເພື່ອກີດຂວາງຂະບວນວິວັດ ການເມືອງຂອງອີຣັກ,ໂຈມຕີກອງທະຫານອາເມລິກາປະຈຳອີຣັກແລະລັດຖະບານຊຸດໃໝ່ທີ່ນຳໂດຍທ່ານຈາຟາລີ,ທຳລາຍສະພາບແວດລ້ອມຄວາມປອດໄພ.
1 2
|
