|
ອີຣັກເກີດເຫດການລະເບີດເລື້ອຍໆ ມີ80ກວ່າຄົນຕາຍແລະບາດເຈັບ
cri
Author: q
ຕາມຂ່າວCRI,ວັນທີ6ພຶດສະພາ,ຢູ່ອີຣັກໄດ້ເກີດເຫດການລະເບີດຫຼາຍເທື່ອ,ເຮັດໃຫ້80ກວ່າຄົນຕາຍແລະບາດເຈັບ.
ຕອນບ່າຍວັນທີ6ພຶດສະພາ,ຢູ່ຕະຫຼາດແຫ່ງໜຶ່ງຂອງເມືອງນ້ອຍຊູໄວລາທີ່ຈາກແບກແດດໄປທິດໃຕ້ປະມານ50ກິໂລແມັດໄດ້ເກີດເຫດການລົດຍົນລະເບີດແບບສະຫຼະຊີບ,ຢ່າງໜ້ອຍເຮັດໃຫ້22ຄົນຕາຍ,40ກວ່າຄົນບາດເຈັບ.
ນອກນີ້,ຕອນເຊົ້າມື້ດຽວກັນ,ຢູ່ປົດກວດກາແຫ່ງໜຶ່ງຂອງເມືອງຕີຄຼິດ,ລົດເມຄັນໜຶ່ງທີ່ເຕັມໄປດ້ວຍຕຳຫຼວດຖືກຫຼອນໂຈມຕີດ້ວຍລົດຍົນລະເບີດແບບສະຫຼະຊີບ,ຢ່າງໜ້ອຍເຮັດໃຫ້ຕຳຫຼວດ7ຄົນຕາຍ, ອີກ4ຄົນບາດເຈັບ.ໃນມື້ດຽວກັນ,ຢູ່ໂມຊຸນເມືອງສຳຄັນພາກເໜືອອີຣັກກໍໄດ້ເກີດເຫດການລົດຍົນລະເບີດເທື່ອໜຶ່ງ,ເຮັດໃຫ້ຕຳຫຼວດພິເສດຕາຍ4ຄົນ,ບາດເຈັບ5ຄົນ.
ມື້ດຽວກັນ,ໂທລະພາບອານຈາຊີລາໄດ້ສາຍວີດີໂອມ້ວນໜຶ່ງ,ໃຫ້ຮູ້ວ່າວ່າ,ຢູ່ອີຣັກ,ມີຄົນຊອກດານີ6ຄົນຖືກອົງການໜຶ່ງທີ່ຊື່ວ່າກອງພົນອານບາລາ ບິນ ມາລິກ ລັກພາຕົວ.
|
|
