ນັກປະຫວັດສາດຈີນຊີ້ອອກວ່າ, ປະຊາຊົນຈີນໄດ້ມີການເສຍສະຫລະປະຊາຊາດອັນມະຫາສານແລະໄດ້ປະກອບສ່ວນອັນສຳຄັນທາງປະຫວັດ ສາດເຂົ້າໃນໄຊຊະນະຂອງສົງຄາມຕ້ານຟັດຊິດໂລກ
cri
Author: sayvanny
ວັນທີ 9 ພຶດສະພາແມ່ນວັນລະລຶກສົງຄາມຕ້ານຟັດຊິດຂອງເອີລົບໄດ້ຮັບໄຊຊະນະ.ໃນວັນນີ້ເມື່ອ 60 ປີກ່ອນ, ທົ່ວເອີລົບໄດ້ໄຊໂຍໂຮຮ້ອງເພື່ອສະຫລອງໄຊຊະນະ, ສ່ວນຢູ່ອາຊີ, ສົງຄາມທີ່ທະຫານແລະປະຊາຊົນຈີນຕໍ່ສູ້ຕ້ານພວກຟັດຊິດຍີ່ປຸ່ນນັ້ນຍັງພວມດຳເນີນໄປຢ່າງດຸເດືອດ,ໄຊຊະນະສຸດທ້າຍຂອງປະຊາຊາດຈີນຍັງຕ້ອງຖ້າອີກສາມເດືອນ.ນັກປະຫັວດສາດຈີນຊີ້ອອກວ່າ, ສົງຄາມຕໍ່ຕ້ານຍີ່ປຸ່ນຂອງປະຊາຊົນຈີນແມ່ນພາກສ່ວນສຳຄັນໃນສົງຄາມຕ້ານຟັດຊິດຂອງໂລກ, ປະຊາຊົນຈີນໄດ້ມີການເສຍສະຫລະປະຊາ ຊາດອັນມະຫາສານແລະໄດ້ປະກອບສ່ວນສຳຄັນທາງປະຫວັດສາດເຂົ້າໃນສົງຄາມຕ້ານຟັດຊິດຂອງໂລກ.
ອີງຕາມທັດສະນະຄະຕິຕົ້ນຕໍຂອງວົງການປະຫວັດສາດຈີນ, ສົງຄາມຕໍ່ຕ້ານຍີ່ປຸ່ນຂອງຈີນເລີ່ມແຕ່ວັນທີ 7 ກໍລະກົດປີ 1937,ໃນຕອນຄ່ຳມື້ນັ້ນ, ທະຫານຍີ່ປຸ່ນໄດ້ບຸກໂຈມຕີທະຫານຈີນທີ່ປະຈຳຢູ່ຂົວລູໂກວທາງພາກຕາເວັນຕົກສຽງໃຕ້ຂອງນະຄອນປັກກິ່ງ.
ທ່ານວາງຮຸ້ຍລິນ ສາສະດາຈານຂະແຫນງວິຊາປະຫວັດສາດຂອງມະຫາວິທະຍາຄູປັກກິ່ງເວົ້າວ່າ:
ຕັ້ງແຕ່ການປະຕິຮູບສະໄຫມເມຈີເປັນຕົ້ນມາ, ຍີ່ປຸ່ນກໍ່ຢາກເປັນເຈົ້າອຳ ນາດຢູ່ອາຊີຕາເວັນອອກ, ແລ້ວຖືຈີນເປັນປະເທດຕົ້ນຕໍທີ່ເຂົາຮຸກຮານ,ເພາະ ວ່າຈີນແມ່ນປະເທດອ່ອນແອ,ທັງກວ້າງທັງມີຊັບພະຍາກອນອຸດົມສົມບູນ.
ທ່ານວາງຮຸ້ຍລິນເວົ້າວ່າ, ບາດກ້າວແຜ່ຂະຫຍາຍທີ່ຍີ່ປຸ່ນວາງອອກນັ້ນແມ່ນຄວບຄຸມຈີນ,ແລ້ວລົງພາກໃຕ້ເພື່ອໂຈມຕີເຂດເມືອງຂຶ້ນຂອງອັງກິດແລະອາເມລິກາທີ່ຢູ່ອາຊີອາຄະເນແລະເຂດມະຫາສະຫມຸດປາຊິກຟິກ,ຫລືຂຶ້ນເຫນືອໂຈມຕີອະດີດສະຫະພາບໂຊວຽດ.
1 2 3
|
|