|
ການຫລໍ່ຫລອມໂລຫະຂອງຈີນມີປະຫລັດສາດຍາວນານທີ່ສຸດ, ເມື່ອ 3000 ກວ່າປີກ່ອນ, ຊາວຈີນກໍ່ນຳໃຊ້ໂລຫະສີ່ຢ່າງຄື ຄຳ ທອງ ຕະກົ່ວແລະຊືນຢ່າງເຫມາະສົມໄດ້, ເຕັກນິກຫລໍ່ທອງສຳລິດໄດ້ກ້າວເຖິງ ຂັ້ນສຸກງອມ.ຈາກນັ້ນມາ, ສິລະປະໂລຫະຄ່ອຍໆກາຍເປັນຂະແຫນງການພິເສດແຫ່ງສິລະປະຫັດຖະກຳຂອງຈີນ.
 
(ເຄື່ອງຈິງທ້າຍລານ)
ຈິງທ້າຍລານ ຄືເຄື່ອງລົງຢາແມ່ນເຄື່ອງສິລະປະຫັດຖະກຳຊະນິດຫນຶ່ງທີ່ມີແຕ່ປັກກິ່ງຈິ່ງມີ, ມັນໄດ້ເອົາກຳມະວິທີຫລໍ່ທອງສຳລິດແລະເຮັດເຄື່ອງດິນເຄືອບປະສານກັບເຕັກນິກແຕ້ມຮູບແລະວິທີຄວັດດັ້ງເດີມ,ສົມເປັນເຄື່ອງໂຮມສູນກຳມະວິທີດັ້ງເດີມຂອງຈີນ. ຍ້ອນມັນກຳເນີດຢູ່ໃນໄລຍະຈິງທ້າຍລາດຊະວົງມິງໃນສະຕະວັດທີ 15,ແລະໃນເບື້ອງຕົ້ນມັນມີສີຟ້າເປັນຕົ້ນຕໍ, ສະນັ້ນ ຈິ່ງຖືກເອີ້ນເປັນຈິງທ້າຍສີຟ້າຄື ຈິງທ້າຍລານ ເຊິ່ງກໍ່ຄືເຄື່ອງລົງຢາ.
ຜ່ານການຜົນແປງໃນທຸກສະໄຫມ, ເຄື່ອງລົງຢາໄດ້ພັດທະນາຈາກສີຟ້າໃນເບື້ອງຕົ້ນມາເປັນຫລາຍສີຫລາຍສັນ, ຫລາຍຮູບຫລາຍແບບ, ມີຈອກ ເປັນຈານ ຖ້ວຍ ໂຖດອກໄມ້ ໂມງ ເຄື່ອງເອ້ຊະນິດຕ່າງໆຈົນນັບບໍ່ຖ້ວນ,ໂດຍສະເພາະໄດ້ປະສົມປະສານກັບສິລະປະຄວັດງ່າຊ້າ ຄວັດຍົກ ຄວັດໄມ້ແລະສິລະປະທານ້ຳສີ,ເຮັດໃຫ້ວັດຖຸຕ່າງໆປະສານສົມທົບກັນ, ທັງປະດັບດ້ວຍເພັດນິນຈິນດາເປັນຈຳນວນຫລວງຫລາຍ, ຍິ່ງເຮັດໃຫ້ເຄື່ອງລົງຢາມີສີສັນພິເສດ.
ໃນຊູ່ມື້ນີ້,ເຄື່ອງລົງຢາໄດ້ກາຍເປັນສັນຍະລັກຂອງສິລະປະດັ້ງເດີມ ຂອງປັກກິ່ງແລ້ວ, ແຂກພາຍໃນປະເທດແລະຕ່າງປະເທດມັກຊື້ເຄື່ອງລົງຢາຈັກສອງສາມເຄື່ອງເພື່ອສະແດງໃຫ້ເຫັນວ່າຕົນໄດ້ໄປທ່ຽວປັກກິ່ງແລ້ວ.
1 2 3 4 5
|
