|
|
 |
| (GMT+08:00)
2005-05-10 11:10:40
|
 |
|
ອາເມລິກາກ່າວວ່າຍິນດີເຈລະຈາກັບສປປເກົາຫຼີໂດຍກົງພາຍໃນຂອບການເຈລະຈາ 6 ຝ່າຍ
cri
Author: li
ຕາມຂ່າວ CRI: ໃນງານຖະແຫຼງຂ່າວທີ່ຈັດຂຶ້ນຢູ່ວໍຊິງຕັນໃນວັນທີ 9 ພຶດສະພາ ທ່ານແຄຊີ ໂຄສົກກະຊວງການຕ່າງປະເທດອາເມລິກາກ່າວວ່າ,ອາເມລິກາຍິນດີເຈລະຈາກັບສປປເກົາຫຼີໂດຍກົງພາຍໃນຂອບການເຈລະຈາ 6 ຝ່າຍ.
ທ່ານແຄຊີເວົ້າວ່າ,ອາເມລິກາຮັບຮອງວ່າສປປເກົາຫຼີແມ່ນປະເທດອະທິປະໄຕ.
ມື້ດຽວກັນ,ໃນເວລາທ່ານນາງໄລສ໌ ລັດຖະມົນຕີການຕ່າງປະເທດອາເມລິກາໃຫ້ສຳພາດຕໍ່ໂທລະພາບ CNN ອາເມລິການັ້ນ ນາງເວົ້າວ່າ,ອາເມລິກາບໍ່ມີເຈຕະນາໃຊ້ກຳລັງອາວຸດຫຼືຮຸກຮານສປປເກົາຫຼີ. ນາງເວົ້າວ່າ,ຖ້າສປປເກົາຫຼີຫາກກັບຄືນສູ່ການເຈລະຈາ 6 ຝ່າຍແລະຍົກເລີກແຜນການອາວຸດນິວເຄຼຍຂອງຕົນແລ້ວ,ອາເມລິກາກໍຍິນດີພິຈາລະນາການສະໜອງການຮັບປະກັນຄວາມປອດໄພແກ່ສປປເກົາຫຼີຢ່າງມີເງື່ອນໄຂ.
ວັນທີ 8 ພຶດສະພາ ຢູ່ພຽງຢາງ ໂຄສົກກະຊວງການຕ່າງປະເທດສປປເກົາຫຼີກ່າວວ່າ,ຖ້າອາເມລິກາຮັບຮອງສປປເກົາຫຼີແມ່ນປະເທດອະທິປະໄຕແລະຍິນດີເຈລະຈາກັບສປປເກົາຫຼີພາຍໃນຂອບການເຈລະຈາ 6 ຝ່າຍແລ້ວ,ສປປເກົາຫຼີກໍບໍ່ຄັດຄ້ານການຕິດຕໍ່ກັບອາເມລິກາ.
|
|
|
