|
ເຈົ້າໜ້າທີ່ຊັ້ນສູງຂອງສ.ເກົາຫຼີກ່າວວ່າບໍ່ມີຮ່ອງຮອຍສະແດງໃຫ້ເຫັນວ່າສປປເກົາຫຼີກຽມຈະທົດລອງນິວເຄຼຍ
cri
Author: li
ຕາມຂ່າວ CRI: ວັນທີ 10 ພຶດສະພາ ຢູ່ເຊອຸ່ນ ນະຄອນຫຼວງຂອງສ.ເກົາຫຼີ,ເຈົ້າໜ້າທີ່ຊັ້ນສູງຜູ້ໜຶ່ງຂອງສ.ເກົາຫຼີທີ່ບໍ່ຍອມເຜີຍໃຫ້ຮູ້ຊື່ກ່າວວ່າ,ນັບມາຮອດປັດຈຸບັນ,ສ.ເກົາຫຼີບໍ່ໄດ້ປະກົດເຫັນຮ່ອງຮອຍທີ່ສປປເກົາຫຼີກຽມຈະທົດລອງນິວເຄຼຍ.
ເຈົ້າໜ້າທີ່ຜູ້ນີ້ເວົ້າວ່າ, ການເຄື່ອນໄຫວທີ່ເປັນໜ້າສົງໄສຢູ່ເຂດກິຈູ ພາກຕາເວັນອອກສຽງເໜືອຂອງສປປເກົາຫຼີທີ່ສື່ມວນຊົນອາເມລິກາເຜີຍໃຫ້ຮູ້ໃນຫວ່າງມໍ່ໆນີ້ບໍ່ມີການພົວພັນໂດຍກົງກັບການທົດລອງນິວເຄຼຍ. ທ່ານກ່າວວ່າ,ຫຼາຍປີກ່ອນ ເຂດດັ່ງກ່າວກໍເຄີຍປະກົດມີການເຄື່ອນໄຫວທີ່ໜ້າສົງໄສຄ້າຍຄືກັນນີ້,ແຕ່ໃນທີ່ສຸດໄດ້ຢືນຜັນວ່າການເຄື່ອນໄຫວເຫຼົ່ານີ້ບໍ່ມີສ່ວນພົວພັນກັບການທົດລອງນິວເຄຼຍ.
|
|
