|
ແຕ່ວັນທີ 6 ເມສາຮອດວັນທີ 28 ກັນຍາປີ 1924 ມວນມະນຸດທີ່ກ້າພະຈົນໄພໄດ້ສຳເລັດການບິນອ້ອມໂລກຄັ້ງທຳອິດໃນປະຫວັດສາດ
ເຮືອບິນ 4 ລຳໄດ້ອອກເດີນທາງຈາກຊີແອັດໂທວ ບິນຂ້າມມະຫາສະຫມຸດປາຊີຟິກ ມະຫາສະຫມຸດອັນລັງຕິກ ແວ່ພັກຢູ່ຍີ່ປຸ່ນ ຈີນ ຕາເວັນອອກກາງແລະຝຼັ່ງເປັນຕົ້ນ ໃນທີ່ສຸດໄດ້ບິນກັບຄືນບ່ອນອອກເດີນທາງ,ຜົນສຳເລັດຂອງການບິນເທື່ອນັ້ນໄດ້ຊັກນຳຂະບວນການຫັນເຕັກນິກການບິນໃນຂົງເຂດວິທະຍາສາດເຕັກນິກຂອງໂລກເປັນຕະຫຼາດ,ຕໍ່ໄປເຮົາຈະແນະນຳການບິນອ້ອມໂລກຄັ້ງທຳອິດໃນປະຫວັດສາດຂອງມວນມະນຸດ
ການບິນອ້ອມໂລກແມ່ນຄວາມໃຝ່ຝັນມາແຕ່ດົນນານຂອງມວນມະນຸດ ປີ 1924 ຄວາມໃຝ່ຝັນດັ່ງກ່າວໄດ້ກາຍເປັນຄວາມຈິງໃຈທີ່ສຸດ
ວັນທີ 6 ເສາປີ 1924 ,ການບິນອ້ອມໂລກຄັ້ງທຳອິດໃນປະຫວັດສາດຂອງມວນມະນຸດກໍໄດ້ເລີ່ມດຳເນີນ,ມື້ນັ້ນ,ຢູ່ເດີ່ນຍົນຊີແອັດໂທວແຫ່ງອາເມລິກາມີຄົນມາສົ່ງຢ່າງຫຼວງຫຼາຍ,ເຮືອບິນສີເງິນ 4 ລຳໄດ້ຈອດຮຽງກັນຊ້າຍລ້າຍຢູ່ລານແລ່ນຂອງຍົນເຫມືອນດັ່ງນົກໃຫຍ່ຝູງຫນຶ່ງທີ່ຈະພືປີກບິນ.
ເຮືອບິນທີ່ຮັບຫນ້າທີ່ການບິນອ້ອມໂລກເທື່ອນີ້ແມ່ນຄັດເລືອກຢ່າງພຽນໃຈຈາກບໍລິສັດດາວກຼາສ ບໍລິສັດຜະລິດຍົນທີ່ມີຊື່ສຽງຂອງອາເມລິກາໃນຄາວນັ້ນ,ເຮືອບິນແຕ່ລະລຳຫນັກ 3,7 ໂຕນ,ມີສອງປີກສອງບ່ອນນັ່ງ,ຄວາມແຮງຂອງເຄື່ອງໂມເຕີ 2 ຫມື່ນ 9 ພັນ 400 ວັດ ພາຍໃຕ້ສາຍຕາຂອງຄົນທັງຫຼາຍທີ່ສຸມໃສ່,ຫນ່ວຍຍົນໄດ້ຈັດແຖວແລ້ວອອກເດີນທາງ,ຍົນທີ່ນຳທາງຕັ້ງຂື່ໃຫ້ວ່າຊີແອັດໂທດ ອີກສາມລຳກໍຕ່າງໄດ້ໃສ່ຊື່ຕົວເມືອງໃຫຍ່ຂອງອາເມລິກາຄື:ຊີຄາໂກ ໂບສຕັນແລະນິວອໍລຽນ
ຕັ້ງແຕ່ຄົນທັງຫຼາຍຮັບຮູ້ກັນວ່າ,ຫນ່ວຍໂລກແມ່ນຮູບກົມແລ້ວ,ນັກພະຈົນໄພຂອງປະເທດຕ່າງໆກໍໄດ້ທົດລອງໄປອ້ອມໂລກດ້ວຍເຮືອດ້ວຍຫມາກໂປ່ງຮ້ອນແລະພາຫະນະອື່ນໆເພື່ອຊອກຄົ້ນຄວາມເລິກລັບຂອງຫນ່ວຍໂລກ,ສ່ວນເຮືອບິນແມ່ນພາຫະນະທີ່ເຫມາະສົມແລະສະດວກສົມຄວນຢ່າງບໍ່ຕ້ອງສົງໄສ,ເສັ້ນທາງບິນອ້ອມໂລກເທື່ອນີ້ແມ່ນໄດ້ຈັດວາງຢ່າງພາກພຽນ,ຫນ່ວຍການບິນໄດ້ອອກເດີນ
ທາງຈາກຊີແອັດໂທວ ຕ້ອງບິນຜ່ານມະຫາສະຫມຸດປາຊີຟິກ,ມະຫາສະຫມຸດອັດລັງຕິກແລະຮ່ອມທະເລອັງກິດເປັນຕົ້ນ,ໃນທີ່ສຸດ ໄດ້ກັບຄືນຊີແອັດໂທວບ່ອນອອກເດີນທາງກຳຄືກັນການເຄື່ອນໄຫວພະຈົນໄພທີ່ສຳຄັນຫຼາຍເທື່ອຂອງມວນມະນຸດ ການບິນອ້ອມໂລກເທື່ອນີ້ໄດ້ເຕັມໄປດ້ວຍຄວາມອັນຕະລາຍແລະຄວາມເລິກລັບ ເຖິງວ່າຄົນທັງຫຼາຍໄດ້ທຳການກະກຽມຢ່າງຫຼວງຫຼາຍແລ້ວກໍຕາມ,ແຕ່ໃນເວລາບິນກໍຍັງມີຄວາມອັນຕະລາຍເກີດຂຶ້ນເລື້ອຍໆເປັນຫນ້າສະທ້ານຢ້ານກົວ,ໃນເວລາຫນ່ວຍຍົນບິນຮອດເອາລາສການັ້ນ,ຍົນຊີແອັດໂທວທີ່ນຳທາງເກີດຕິດຂັດ,ເມື່ອໄດ້ສ້ອມແປງໂດຍດ່ວນກໍບໍ່ໄດ້ຜົນ,ຈຶ່ງຈຳເປັນຕ້ອງເຊົາບິນ,ເມື່ອເປັນແນວນັ້ນ,ຍົນຊີຄາໂກ ຈຶ່ງໄດ້ຫາບແບກຫນ້າທີ່ນຳທາງ.
ເຮືອບິນສາມລຳໄດ້ບິນຜ່ານມະຫາສະຫມຸດປາຊີຟິກບິນຜ່ານທະວີບອາຊີແລະເອີລົບ,ແລ້ວໄປຮອດປາລີແຫ່ງຝຼັ່ງໂດຍສະຫວັດດີພາບໃນວັນທີ 14 ກໍລະກົດປີນັ້ນ,ຫນ່ວຍຍົນໄດ້ພັກເຊົາເລັກຫນ້ອຍຢູ່ປາລີ ມື້ລຸນມາ,ກໍເລີ່ມບິນຜ່ານຮ່ອມທະເລອັງກິດ ເວລານີ້ດຍົນໂບສຕັນຕິດຂັດ,ຈຶ່ງຖອນອອກຈາກຖັນແຖວິນອ້ອມໂລກດ້ວຍຄວາມສຸດວິໄສ ການສຳເລັດຫນ້າທີ່ການບິນໃນທີ່ສຸດກໍໄດ້ຕົກໃສ່ຍົນຊີຄາໂລກແລະຍົນນິວອໍລຽນ
ເມື່ອໄດ້ບິນໄລຍະອັນຍາວໄກແລ້ວ,ຍົນກໍຍັງຢູ່ໃນສະພາບທີ່ດີຢູ່,ຫລັງຈາກບິນຂ້າມມະຫາສະຫມຸດອັດລັງຕິກແລ້ວດຫນ່ວຍຍົນໄດ້ດັບຄືນຮອດຊີແອັດໂທວບ່ອນອອກເດີນທາງໃນວັນທີ 28 ກັນຍາປີ 1924.
ການບິນອ້ອມໂລກຢ່າງສຳເລັດຜົນໄດ້ບັນລືໂລກໃນຄາວນັ້ນ,ວິລະຊົນ 4 ຄົນທີ່ຂັບຍົນຄືທ່ານສະມິດ ທ່ານອານົດ ທ່ານນິນເຊີນ ແລະທ່ານຮາດິນໄດ້ຮັບການຕ້ອນຮັບຊົມເຊີຍຢ່າງມະໂຫລານກວ່າຍາມໃດຫມົດຢູ່ເດີ່ນຍົນຊີແອັດໂທວ,ຄົນທັງຫຼາຍທີ່ຕື່ນເຕັ້ນດີໃຈໄດ້ໂຍນຮັບພວກເຂົາເຈົ້າຫຼາຍເທື່ອ.
ການບິນອ້ອມໂລກເທື່ອນີ້ໄດ້ຖືກບັນທຶກເຂົາໃນປື້ມປະຫວັດວິທະຍາສາດອງມວນມະນຸດຢ່າງຄົບຖ້ວນຄື:ກິນເວລາ 176 ມື້ ໃນນັ້ນວລາບິນລວມ 371 ຊົ່ວໂມງກັບ 7 ນາທີ ລົງຈອດ 57 ເທື່ອ,ຜ່ານໄລຍະທາງ 44312 ກິໂລແມັດ
ບັນດາຜູ່ຊ່ຽວຊານເຫັນໂດຍທົ່ວໄປວ່າ,ການບິນເທື່ອນີ້ແມ່ນການກະທຳອັນຍິ່ງໃຫຍ່ຄັ້ງຫນຶ່ງໃນປະກວັດານບິນຂອງມວນມະນຸດ ຫລັງຈາກນັນດມວນຊົນອາເມລິກາໄດ້ມີຄວາມສົນໃຈຫຼາຍກວ່າຍາມໃດຫມົດຕໍ່ການບິນ ນັກທຸລະກິດອຸດສາຫະກຳຫຼວງຫຼາຍພາກັນຫັນໄປລົງທຶນບຸກເບີກຂະແຫນງການການບິນ ຈາກນັ້ນ ໄດ້ຊັກນຳການຫັນເຕັກນິກການບິນໃນຂົງເຂດວິທະຍາສາດເຕັກນິກໃຫ້ເປັນຕະຫຼາດ,ສະພາບແວດລ້ອມສັງຄົມຊະນິດນີ້ໄດ້ຊຸກຍູ້ເຕັກນິກການບິນຂອງອາເມລິກາພັດທະນາດ້ວຍາຄວາມໄວສູງ,ເຮັດໃຫ້ອາເມລິກາຍັງຢູ່ໃນຖານະນຳຫນ້າໂລກໃນຂົງເຂດນີ້ຈົນຮອດດຽວນີ້.
|
